ନୂଆଦିଲ୍ଲୀ: ସୋସିଆଲ ମିଡିଆରେ ଏମିତି ଜଣେ ମହିଳାଙ୍କ ଭିଡିଓ ଭାଇରାଲ୍ ହେଉଛି, ଯିଏ କି ଦାବି କରିଛନ୍ତି ଯେ ସେ ୮ଜଣ ପୁରୁଷଙ୍କ ଠାରୁ ୧୧ ସନ୍ତାନ ଜନ୍ମ ଦେଇଛନ୍ତି । ମହିଳା ଜଣକ ନିଜେ ଯେତେବେଳେ ଏଭଳି ବୟାନ ରଖୁଛନ୍ତି, ତେଣୁ କାହାର ଅବିଶ୍ବାସ କରିବାର ନାହିଁ। ମାତ୍ର ଲୋକମାନେ ଏହା ଶୁଣି ଆଶ୍ଚର୍ଯ୍ୟ ହେଉଛନ୍ତି । ମହିଳା ଜଣକ କହିଛନ୍ତି , ଏହା ପରେ ଏକ ସରଳ ଗଣିତ ରହିଛି। କ’ଣ ସେ ଗଣିତ?
Sambad is now on WhatsApp
Join and get latest news updates delivered to you via WhatsApp
ଆମେରିକାର ମେମ୍ଫିସର ବାସିନ୍ଦା ଏହି ମହିଳାଙ୍କ ନାମ ଫାଇ । ତାଙ୍କର ‘ଟିକଟକ୍’ ରେ ୯୦ ହଜାରରୁ ଅଧିକ ଫଲୋୟର୍ସ ଅଛନ୍ତି । ସେହି ‘ଟିକଟକ୍’ରେ ଫାଇ ପିଲାମାନଙ୍କ ସହିତ ମଜା କରିବା ସମୟର ଭିଡିଓ ସେୟାର୍ କରନ୍ତି । ତେବେ ୧୧ ଜଣ ପିଲା ଥିବାରୁ ପୁରୁଷମାନେ ତାଙ୍କୁ ଟ୍ରୋଲ କରିଥାନ୍ତି । ତେବେ ସେ କାହିଁକି ଭିନ୍ନ ଭିନ୍ନ ପୁରୁଷଙ୍କ ଔରସରୁ ପିଲାମାନଙ୍କୁ ଜନ୍ମ ଦେଇଛନ୍ତି, ତାର କାରଣ ଏକ ଭିଡିଓ ମଧ୍ୟ ପ୍ରକାଶ କରିଛନ୍ତି ।
ଫାଇ କହିଛନ୍ତି , ଯଦି ମୋର ପିଲାମାନଙ୍କର କେବଳ ଜଣେ ପିତା ଥାଆନ୍ତି ଓ ଯଦି ସେ ଛାଡ଼ି ଚାଲିଯାଆନ୍ତି କିମ୍ବା ମରି ଯାଆନ୍ତି ତେବେ ତାଙ୍କ ପିଲାଙ୍କୁ ବାପଛେଉଣ୍ଡ ହୋଇ ବଞ୍ଚିବାକୁ ପଡ଼ିବ । ମାତ୍ର ସେମାନଙ୍କର ୮ ଜଣ ବାପା ଅଛନ୍ତି। ଧରାଯାଉ ସେମାନଙ୍କ ମଧ୍ୟରୁ ୩ ଜଣ ଚାଲିଯାଆନ୍ତି କିମ୍ବା ମରିଯାଆନ୍ତି, ତଥାପି ମୋର ପିଲାମାନଙ୍କ ପାଖରେ ୫ ଜଣ ପିତା ରହିବେ ।
ଫାଇ ଦର୍ଶକଙ୍କୁ ଆହୁରି କହିଛନ୍ତି ଯେ, ସେ ଏତେ ଶୀଘ୍ର ଜନ୍ମ କରିବା ବନ୍ଦ କରିବେ ନାହିଁ । ଆଗକୁ ମଧ୍ୟ ସନ୍ତାନ ଜନ୍ମ କରିବା ଜାରି ରଖିବେ । ସେ ଆଉ ୧୯ଟି ପିଲା ଜନ୍ମ କରିବାକୁ ଚାହୁଁଛନ୍ତି, ଯାହାଫଳରେ ସେ ୩୦ଟି ସନ୍ତାନର ମା’ ହୋଇପାରିବେ।
ମହିଳାଙ୍କ କଥା ଶୁଣି ଅନେକ ତାଙ୍କୁ ଟ୍ରୋଲ କରୁଥିବା ଦେଖିବାକୁ ମିଳିଛି । ଏହାର ଉତ୍ତରରେ ଫାଇ କହିଛନ୍ତି ଯେ, “ଅନେକ ଏଭଳି କଥା କହୁଛନ୍ତି ଯେମିତି ମୁଁ କୌଣସି ଅପରାଧ କରିଦେଇଛି” । ତେବେ ଅନେକ ଲୋକ ଫାଇଙ୍କୁ ସମର୍ଥନ କରୁଥିବା ମଧ୍ୟ ଦେଖିବାକୁ ମିଳିଛି । ଜଣେ ଲେଖିଛନ୍ତି- “ମୋ ମା’ଙ୍କର ୯ ପୁରୁଷଙ୍କ ସହ ସମ୍ପର୍କ ଥିଲା, ଆମେ ଏହା ବିଶ୍ୱାସ କରୁଛୁ ଯେ ସେ ୯ ଥର ପ୍ରେମ କରିଥିଲେ ।’’