ଗୋଟେ ଡୋଜ ପରିବର୍ତ୍ତେ ମହିଳାଙ୍କୁ ଫାଇଜରର ୬ଟି ଡୋଜ ଦେଇଦେଲେ ସ୍ୱାସ୍ଥ୍ୟକର୍ମୀ, ତା’ ପରେ………
ନୂଆଦିଲ୍ଲୀ: ଇଟାଲୀରେ ଘଟିଛି ଅଭାବନୀୟ ଘଟଣା | ଟିକା ନେବାକୁ ଯାଇଥିବା ଜଣେ ମହିଳାଙ୍କୁ ଗୋଟେ ଡୋଜ ପରିବର୍ତ୍ତେ ସ୍ୱାସ୍ଥ୍ୟକର୍ମୀ ୬ଟି ଡୋଜ ଦେଇଦେବା ଘଟଣା ଏବେ ଚର୍ଚ୍ଚାର ବିଷୟ ପାଲଟିଛି | ୨୩ ବର୍ଷ ବୟସ୍କା ମହିଳାଙ୍କୁ ଫାଇଜର ବାୟୋ-ଏନଟେକ ଟିକାର ୬ଟି ଡୋଜ ଦିଆଯାଇଥିବା ନେଇ ଜଣା ପଡିବା ପରେ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା | ହେଲେ ଶରୀରରେ କୌଣସି ପାର୍ଶ୍ୱ ପ୍ରତିକ୍ରିୟା ଦେଖାନଯିବାରୁ ଏବେ ତାଙ୍କୁ ଡାକ୍ତରଖାନାରୁ ଡିସଚାର୍ଜ କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ନୋଆ ହସ୍ପିଟାଲର ମୁଖପାତ୍ର କହିଛନ୍ତି ଯେ, ମହିଳାଙ୍କୁ ରବିବାର ଦିନ ହସ୍ପିଟାଲରେ କୋଭିଡ-୧୯ ଟିକା ଦିଆଯାଇଥିଲା। ସ୍ୱାସ୍ଥ୍ୟ କର୍ମୀ ଅନ୍ୟମନସ୍କ ହୋଇ ଟିକା ବୋତଲରେ ଥିବା ସମସ୍ତ ୬ଟି ଡୋଜକୁ ସିରିଞ୍ଜରେ ଭର୍ତ୍ତି କରି ମହିଳାଙ୍କୁ ଦେଇଥିଲେ। ଏହା ପରେ ତୁରନ୍ତ ସେ ନିଜ ଭୁଲ ଜାଣିପାରି ମହିଳାଙ୍କୁ ଡାକ୍ତରଖାନାରେ ଭର୍ତ୍ତି କରାଇଥିଲେ | ତେବେ ୬ଟି ଡୋଜ ନେଇ ମଧ୍ୟ କୌଣସି ପାର୍ଶ୍ୱ ପ୍ରତିକ୍ରିୟା ଦେଖାନଯିବାରୁ ତାଙ୍କୁ ଘରକୁ ପଠାଯାଇଛି |