କଲମ ବଦଳରେ ବନ୍ଧୁକ ଧରିଲେ ଲେଖିକା, ବୀମା ଟଙ୍କା ପାଇଁ ସ୍ବାମୀଙ୍କୁ ଗୁଳିକରି ହତ୍ୟା !
ନୂଆଦିଲ୍ଲୀ: ଲେଖକ/ଲେଖିକାଙ୍କ କଥା ଯେତେବେଳେ ଆମ ମନକୁ ଆସେ ସେତେବେଳେ ଏକ ସକାରାତ୍ମକ ଛବିଟିଏ ମନଭିତରେ ଆପେ ଆପେ ଆଙ୍କି ହୋଇଯାଏ । ହେଲେ ଆମେ ଏମିତି ଜଣେ ଲେଖିକାଙ୍କ କଥା କହୁଛୁ ଯିଏ ଏଗାର କୋଟିର ବୀମା ଟଙ୍କା ପାଇଁ ନିଜ ସ୍ବାମୀଙ୍କୁ ଗୁଳିକରି ହତ୍ୟା କରିଛନ୍ତି ବୋଲି ଜଣାପଡ଼ିଛି । ରୋମାଣ୍ଟିକ କାହାଣୀ ଲେଖୁଥିବା ଏ ମହିଳାଙ୍କୁ ଟଙ୍କାର ନିଶା ଏତେ ଘାରିଲା ଯେ ସେ କଲମ ବଦଳରେ ବନ୍ଧୁକ ଧରିବାକୁ ପଛାଇଲେ ନାହିଁ ! ୨୦୧୮ରେ ସେ ସ୍ବାମୀଙ୍କୁ ହତ୍ୟା କରିଥିଲେ ହେଲେ ଏବେ ତାଙ୍କୁ ଦୋଷୀ ସାବ୍ୟସ୍ତ କରାଯାଇଛି ।
Sambad is now on WhatsApp
Join and get latest news updates delivered to you via WhatsApp
ଆମେରିକାର ଏହି ୭୧ ବର୍ଷୀୟା ଔପନ୍ୟାସିକା ନେସି କ୍ରମଟନ୍ ବ୍ରୋଫିଙ୍କ ବିରୋଧରେ ହତ୍ୟା ଅଭିଯୋଗ ଆସିବା ପରେ ସେ ଅଦାଲତ ଦ୍ବାରା ଦୋଷୀ ସାବ୍ୟସ୍ତ ହୋଇଛନ୍ତି । ନେସି ତାଙ୍କ ୬୩ ବର୍ଷୀୟ ସ୍ୱାମୀ ଡାନିଏଲ୍ ବ୍ରୋଫିଙ୍କୁ ଗୁଳି କରି ହତ୍ୟା କରିଥିଲେ, ଯିଏ ଜଣେ ସେଫ୍ ଭାବେ କାମକରନ୍ତି । ପୁଲିସର କହିବା ଅନୁସାରେ ଡାନିଏଲଙ୍କ ଉପରକୁ ଦୁଇଥର ଗୁଳି ଚାଳନା କରାଯାଇଥିଲା, ଯାହାକୁ ତାଙ୍କର ଦୁଇ ଜଣ ଛାତ୍ର ଦେଖିଥିଲେ । ନେସି ୧୧କୋଟିର ବୀମା ଟଙ୍କା ପାଇଁ ଏଭଳି ଜଘନ୍ୟ କାମ କରିଥିବା ଅଭିଯୋଗ ହୋଇଥିଲା ।
ସବୁଠାରୁ ବଡ଼ କଥା ହେଉଛି ଡାନିଏଲଙ୍କ ହତ୍ୟାର କିଛି ଦିନ ତଳେ ନେସି ଏକ ବନ୍ଧୁକ କିଣିଥିଲେ । ଗଣମାଧ୍ୟମର ରିପୋର୍ଟ ଅନୁସାରେ ନେସି ଏସବୁ କରିବାକୁ ବହୁ ଆଗରୁ ଯୋଜନା ପ୍ରସ୍ତୁତ କରିଥିଲେ । ନେସିଙ୍କ ଓକିଲଙ୍କ କହିବା କଥା ସେ ତାଙ୍କ ଉପନ୍ୟାସ ରଚନା ପାଇଁ ବନ୍ଧୁକ କିଣିଥିଲେ । ହେଲେ ନେସିଙ୍କ ସ୍ବାମୀ ତାଙ୍କୁ ନିର୍ଯାତନା ଦେଉଥିବାରୁ ତାଙ୍କୁ ହତ୍ୟା କରିଥିଲେ ବୋଲି ପୁଲିସ ତଦନ୍ତରୁ ଜଣାପଡ଼ିଛି । ଗୋଟେ ପଟେ ଦେଖିଲେ ନେସି ତାଙ୍କ ସ୍ବାମୀଙ୍କ ସହ ୨୫ ବର୍ଷରୁ ଊର୍ଦ୍ଧ୍ବ ହେବ ଏକାଠି ରହି ଆସୁଥିଲେ । ତେବେ ଦଣ୍ଡ ଶୁଣାଣିର ୮ଘଣ୍ଟା ପୂର୍ବରୁ ନେସିଙ୍କ ଓକିଲ ବିଚାରପତିଙ୍କ ନିକଟରେ ଆଉ ଏକ ତାରିଖ ରଖାଯିବା ପାଇଁ ପ୍ରସ୍ତାବ ରଖିଛନ୍ତି । ୨୦୧୧ରେ ନେସି ‘କିପରି ଅପଣଙ୍କ ସ୍ବାମୀଙ୍କୁ ମାରିବେ?’ ଶୀର୍ଷକ ଏକ ବ୍ଲଗ ଲେଖିଥିଲେ, ଯାହାକୁ ନେଇ ଚର୍ଚ୍ଚା ଜୋର ଧରିଛି।