ଲାଇଭ୍ ଖବରରେ ରୁଷ ବିରୋଧୀ ମନ୍ତବ୍ୟ ଦେଇ ପୁଲିସ୍ ହେପାଜତରେ ମହିଳା, ପ୍ରଶଂସା କଲେ ଜେଲେନସ୍କି
ନୂଆଦିଲ୍ଲୀ: ସୋମବାର ସଂଧ୍ୟାରେ ରୁଷ୍ର ଏକ ଟିଭି ଚ୍ୟାନେଲ୍ରେ ଲାଇଭ୍ ଖବର ଚାଲିଥିବା ସମୟରେ ହଠାତ ଯୁଦ୍ଧକୁ ବିରୋଧ କରୁଥିବା ଜଣେ ମହିଳା ଯୁଦ୍ଧ ବିରୋଧୀ ଏକ ସ୍ଲୋଗାନ୍ ଲେଖି ଖବର ଉପସ୍ଥାପିକାଙ୍କ ପଛକୁ ପଳାଇଥିବା ଦେଖିବାକୁ ମିଳିଛି। ସେ ଧରିଥିବା ବୋର୍ଡରେ ଲେଖା ଯାଇଥିଲା, ‘କିଛି ଯୁଦ୍ଧ ହେବ ନାହିଁ, ଯୁଦ୍ଧ ବନ୍ଦ କର, କୌଣସି ପ୍ରକାରର ପ୍ରଚାରକୁ ବିଶ୍ବାସ କରନାହିଁ, ସେମାନେ ମିଛ କହୁଛନ୍ତି’।
Sambad is now on WhatsApp
Join and get latest news updates delivered to you via WhatsApp
ଏପରି ଅଜବ କାଣ୍ଡ ରଚିଥିବା ଏହି ମହିଳାଙ୍କ ନାମ ମାରିନା ଓଭସାନନିକୋଭା। ସେ ଏପରି କାର୍ଯ୍ୟ କରିବା ପରେ ତାଙ୍କୁ ଗିରଫ କରାଯାଇ ଏବେ ପୁଲିସ୍ ହେପାଜତରେ ରଖାଯାଇଛି। ସେ ଚ୍ୟାନେଲ୍୧ ରେ ସଂପାଦିକା ଭାବେ କାର୍ଯ୍ୟ କରନ୍ତି।
Anti-war protester runs onto stage of one of Russia’s most-watched news programs, telling viewers: “Don’t believe the propaganda. You’re being lied to” pic.twitter.com/MLC1lH6Ejr
— BNO News (@BNONews) March 14, 2022
ଏହା ପୂର୍ବରୁ ସେ ଏକ ଭିଡିଓ ରେକର୍ଡ କରି ରୁଷ୍ର ୟୁକ୍ରେନ୍ ଉପରେ ଏପରି ଆକ୍ରମଣକୁ ଅପରାଧ ବୋଲି କହି ନିଜେ ଲଜ୍ଜିତ ଅନୁଭବ କରୁଛନ୍ତି ବୋଲି ପ୍ରକାଶ କରିଥିଲେ। ସେ ରୁଷର ଲୋକମାନଙ୍କୁ ଯୁଦ୍ଧ ବନ୍ଦ କରିବାକୁ ନିବେଦନ କରିଥିଲେ।
ମହିଳାଙ୍କର ଏପରି କାର୍ଯ୍ୟକୁ ପ୍ରଶଂସା କରିଛନ୍ତି ୟୁକ୍ରେନ୍ ରାଷ୍ଟ୍ରପତି ଜେଲେନସ୍କି। ସେ କହିଛନ୍ତି କି, ‘ସତକୁ ପ୍ରକାଶ କରିବାକୁ କୁଣ୍ଠା କରୁନଥିବା ସେ ସମସ୍ତ ରୁଷ୍ବାସୀଙ୍କୁ ମୁଁ କୃତଜ୍ଞତା ଜଣାଉଛି’।