ପୁଲିସ ୟୁନିଫର୍ମ ପିନ୍ଧି ମାସ୍କ ପିନ୍ଧିନଥିବା ଲୋକଙ୍କଠାରୁ ଫାଇନ ଆଦାୟ କରୁଥିଲେ ନକଲି ମହିଳା କନେଷ୍ଟବଳ
ଭୋପାଳ: ପୁଲିସ ୟୁନିଫର୍ମ ପିନ୍ଧି ରାସ୍ତାରେ ଛିଡା ହେଉଥିଲେ, ଆଉ ଯେଉଁ ବ୍ୟକ୍ତି ମାସ୍କ ପିନ୍ଧୁନଥିଲେ ସେମାନଙ୍କ ପାଖରୁ ଫାଇନ ଆଦାୟ କରୁଥିଲେ | ଏଭଳି ଜଣେ ନକଲି ମହିଳା କନେଷ୍ଟବଳଙ୍କୁ ପୁଲିସ ଗିରଫ କରିଛି | ମିଳିଥିବା ସୂଚନା ମୁତାବକ ମଧ୍ୟପ୍ରଦେଶର ରତଲାମଠାରେ ଜଣେ ବିବାହିତା ମହିଳା ପୁଲିସ ୟୁନିଫର୍ମ ପିନ୍ଧି ପ୍ରତିଦିନ ବସଷ୍ଟାଣ୍ଡକୁ ଯାଉଥିଲେ | ବସଷ୍ଟାଣ୍ଡରେ ଥିବା ବସରେ ପଶି ଯେଉଁମାନେ ମାସ୍କ ପିନ୍ଧୁନଥିଲେ ସେମାନଙ୍କୁ ଟାର୍ଗେଟ କରି ଫାଇନ ଆଦାୟ କରୁଥିଲେ |
Sambad is now on WhatsApp
Join and get latest news updates delivered to you via WhatsApp
କେବଳ ଏତିକି ନୁହେଁ ଯେଉଁ ସବୁ ଦୋକାନ ବାହାରେ ଅଧିକ ଲୋକଙ୍କ ଗହଳି ଦେଖୁଥିଲେ ସେମାନଙ୍କ ପାଖରୁ ମଧ୍ୟ ଫାଇନ ଆଦାୟ କରିଥିଲେ | ତେବେ ଫାଇନ ଆଦାୟ କରୁଥିଲେ ବି କୌଣସି ରସିଦ ଦେଉନଥିଲେ | ଏହି ଘଟଣା ବାବଦରେ ଜଣେ ମହିଳାଙ୍କୁ ସନ୍ଦେହ ହେବାରୁ ସେ ରତଲାମ ନଗର ନିଗମକୁ ଏବାବଦରେ ସୂଚନା ଦେଇଥିଲେ |
ଆଉ ନଗର ନିଗମ ପକ୍ଷରୁ ଏ ନେଇ ପୁଲିସକୁ ସୂଚନା ଦିଆଯାଇଥିଲା | ସାଦା ପୋଷାକଧାରୀ ପୁଲିସମାନେ ମହିଳାଙ୍କୁ ଧରିବା ପାଇଁ ଜାଲ ବିଛାଇଥିଲେ | ଆଉ ଅବୈଧ ଭାବରେ ଫାଇନ ଆଦାୟ କରୁଥିବା ମହିଳାଙ୍କୁ ଧରିଥିଲା | ତେବେ ମହିଳା ଜଣକ ନିଜକୁ ଜାବରା ଥାନାର ଅଧିକାରୀ ବୋଲି ସୂଚନା ଦେଇଥିଲେ | ଆଉ ପୁଲିସ ଅନୁସନ୍ଧାନ କରି ସେଭଳି କୌଣସି ପୁଲିସ କର୍ମୀ ନଥିବା ଜାଣିବାକୁ ପାଇଥିଲା | ଆଉ ଏବେ ମହିଳଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି |