ମଞ୍ଚରେ ମହିଳା କହିଲେ ଲାଞ୍ଚ ରହସ୍ୟ: ଇ-ଶ୍ରମ କାର୍ଡ ପାଇଁ ଦେଇଛି ୧୦୦ ଟଙ୍କା, ମନ୍ତ୍ରୀ ଦେଲେ ତଦନ୍ତ ନିର୍ଦ୍ଦେଶ
ପାଟନା: ଇ-ଶ୍ରମ କାର୍ଡ ପାଇଁ ଦେବାକୁ ପଡିଛି ୧୦୦ ଟଙ୍କା | ଆଉ ଏହା ଶୁଣି ତଦନ୍ତ ନିର୍ଦ୍ଦେଶ ଦେଲେ କେନ୍ଦ୍ର ଶ୍ରମ ଓ ରୋଜଗାର ମନ୍ତ୍ରୀ ରାମେଶ୍ୱର ତେଲି | ସୂଚନା ମୁତାବକ ଶନିବାର ଦିନ ପାଟନାର ଦଶରଥ ମାଂଝୀ ଇନଷ୍ଟିଚ୍ୟୁଟ୍ ଅଫ୍ ଲେବର ଆଣ୍ଡ ପ୍ଲାନିଂ ଷ୍ଟଡିଜ୍ଠାରେ ଆୟୋଜିତ ଇ-ଶ୍ରମ କାର୍ଡ ପଞ୍ଜୀକରଣ ଏବଂ ବିତରଣ କାର୍ଯ୍ୟକ୍ରମରେ ଯୋଗଦେବା ପାଇଁ କେନ୍ଦ୍ର ଶ୍ରମ ଓ ରୋଜଗାର ରାଷ୍ଟ୍ର ମନ୍ତ୍ରୀ ରାମେଶ୍ୱର ତେଲି ପହଞ୍ଚିଥିଲେ । କେନ୍ଦ୍ର ମନ୍ତ୍ରୀ ବିହାରର ଶ୍ରମିକମାନଙ୍କୁ ଇ-କାର୍ଡ ବଣ୍ଟନ କରୁଥିଲେ।
Sambad is now on WhatsApp
Join and get latest news updates delivered to you via WhatsApp
ଏହି ସମୟରେ କିରଣ ଦେବୀ ନାମକ ଜଣେ ମହିଳା ଶ୍ରମିକଙ୍କ ନାମ ଘୋଷଣା ହେବା ପରେ ସେ କାର୍ଡ ଆଣିବା ପାଇଁ ମଞ୍ଚକୁ ଯାଇଥିଲେ | ଆଉ କେନ୍ଦ୍ର ମନ୍ତ୍ରୀ କିରଣ ଦେବୀଙ୍କୁ ଏକ ଇ-ଶ୍ରମ କାର୍ଡ ଦେଇ ପଚାରିଥିଲେ ଯେ ଏହି କାର୍ଡ ମାଗଣାରେ ତିଆରି ହୋଇଛି, ତ? ଏହା ପରେ କିରଣ ଦେବୀ କହିଥିଲେ ଯେ ଇ-ଶ୍ରମ କାର୍ଡ ତିଆରି କରିବା ପାଇଁ ତାଙ୍କୁ ୧୦୦ ଟଙ୍କା ଲାଞ୍ଚ ଦେବାକୁ ପଡିଛି । ଏହା ଶୁଣି ରାମେଶ୍ୱର ତେଲି ଆଶ୍ଚର୍ଯ୍ୟ ହୋଇଯାଇଥିଲେ।
#WATCH | Bihar: “I paid money at a cyber cafe for E-Shram Card,” labourer Kiran Devi told Union MoS for Labour & Employment Rameshwar Teli during an event where the minister was distributing the cards to beneficiaries
The labourer later said that she paid Rs 100 for the card. pic.twitter.com/ANVtY75P09
— ANI (@ANI) October 31, 2021
ମଞ୍ଚରେ ଉପସ୍ଥିତ ଥିବା ଅନ୍ୟ ନେତା ଏବଂ ଅଧିକାରୀମାନେ ମଧ୍ୟ ଏହା ଶୁଣି ଆଶ୍ଚର୍ଯ୍ୟ ହୋଇଯାଇଥିଲେ । କେନ୍ଦ୍ର ମନ୍ତ୍ରୀ ରାମେଶ୍ୱର ତେଲି ଘଟଣାର ଯାଞ୍ଚ ପାଇଁ ନିର୍ଦ୍ଦେଶ ଦେଇଥିଲେ । ସୂଚନା ଥାଉ କି ଶ୍ରମିକମାନଙ୍କୁ ଟଙ୍କା ଦେବା ଏବଂ ସରକାରୀ ଯୋଜନାର ଲାଭ ପାଇବା ପାଇଁ ଇ-ଶ୍ରମ କାର୍ଡ ତିଆରି କରିବାକୁ ସରକାର ଟଙ୍କାଟିଏ ବି ନେଉନାହାଁନ୍ତି। ଏହା ସମ୍ପୂର୍ଣ୍ଣ ମାଗଣା | ଏଭଳି ପରିସ୍ଥିତିରେ କିରଣ ଦେବୀଙ୍କ ଖୁଲାସା ପରେ ଚର୍ଚ୍ଚା ଜୋର ଧରିଛି |