୪୦ଟଙ୍କା ଖର୍ଚ୍ଚ କରି ଗୋଟିଏ ଦିନରେ କୋଟିପତି ହେଲେ ଦିନ ମଜୁରିଆ

କୋଲକାତା: ୪୦ଟଙ୍କା ଖର୍ଚ୍ଚ କରି ଗୋଟିଏ ଦିନରେ କୋଟିପତି ହେଲେ ଦିନ ମଜୁରିଆ। ପଶ୍ଚିମବଙ୍ଗର ପୂର୍ବ ବର୍ଦ୍ଧମାନ‌ରେ ଘଟିଛି ଏଭଳି ଘଟଣା। ଦିନ ମଜୁରିଆ ଭାବେ କାମ କରୁଥିବା ବ୍ୟକ୍ତି ଛେଳି ଚରାଇବାକୁ ବାହାରକୁ ଯାଇଥିଲେ। ଘରକୁ ଆସିବା ପରେ କୋଟିପତି ହୋଇସାରିଥିବା ଜାଣି ତାଙ୍କ ଖୁସିର ଠିକଣା ରହିନଥିଲା। ଏହି ଖବର ସ୍ଥାନୀୟ ଅଞ୍ଚଳରେ ପ୍ରଚାର ହେବା ପରେ ଅନେକ ଲୋକେ ତାଙ୍କ ଘରକୁ ଶୁଭେଚ୍ଛା ଦେବାକୁ ଆସିଥିଲେ ବୋଲି ଜଣାପଡ଼ିଛି।

ତେବେ କିଛି ଘଣ୍ଟା ମଧ୍ୟରେ କୋଟିପତି ହେବାର ସ୍ବପ୍ନ ଲଟେରୀ ମାଧ୍ୟମ‌ରେ ହିଁ ସଫଳ ହୋଇପାରିଥିଲା। ଲଟେରୀ ଜିତିଥିବା ବ୍ୟକ୍ତିଙ୍କ ନାମ ଭାସ୍କର ମାଜୀ ବୋଲି ଜଣାପଡ଼ିଛି। ଭାସ୍କର ଅନ୍ୟର ଧାନ ବିଲରେ କାମ କରିବା ସହ ଛେଳି ଚରାଇବା କାମ କରନ୍ତି। ଦୀର୍ଘ ୧୦ବର୍ଷ ଧରି ସେ ଲଟେରୀ ଟିକେଟ କିଣୁଥିଲେ। ହେଲେ କେବେ ବି ଜିତୁନଥିଲେ। ଲଟେରୀ ଜିତୁନଥିଲେ ମଧ୍ୟ ସେ ଟିକେଟ କିଣିବା ବନ୍ଦ କରିନଥିଲେ। ରବିବାର ସକାଳେ ସେ ସବୁଥର ଭଳି ୪୦ଟଙ୍କା ଦେଇ ଲଟେରୀ ଟିକେଟ କିଣିଥିଲେ ଏବଂ ଛେଳି ଚରାଇବାକୁ ଚାଲିଯାଇଥିଲେ। ହେଲେ ଘରେ ପହଞ୍ଚିବା ପରେ ତାଙ୍କର ୧୦ବର୍ଷର ଅପେକ୍ଷାର ଏଭଳି ଅନ୍ତ ହେବ ବୋଲି ସେ ଭାବିନଥିଲେ। ଘରେ ପହଞ୍ଚିବା ପ‌ରେ ୧କୋଟି ଟଙ୍କାର ଲଟେରୀ ଜିତିଥିବା ଜାଣି ଭାସ୍କରଙ୍କ ଖୁସିର ଠିକଣା ରହିନଥିଲା।

୧କୋଟି ଟଙ୍କା ଜିତିବା ପରେ ନିଜ ପାଇଁ ଘର ତିଆରି କରିବା ସହ ଝିଅମାନଙ୍କ ବିବାହ‌ ପାଇଁ ନେଇଥିବା ଋଣ ଶୁଝିବ‌େ ବୋଲି କହିଛନ୍ତି ଭାସ୍କର।