ସରିଲା ୱାର୍କଫ୍ରମ ଅବଧି, କାଲିଠାରୁ ଅଫିସ ଯିବେ କର୍ମଚାରୀ
ନୂଆଦିଲ୍ଲୀ: କରୋନା ମାମଲା ହ୍ରାସ ଏବଂ ଓମିକ୍ରନ୍ ଭାରିଆଣ୍ଟର କମ୍ ବିପଦକୁ ଦୃଷ୍ଟିରେ ରଖି କେନ୍ଦ୍ର ସରକାର ଏହାର କର୍ମଚାରୀଙ୍କ ୱାର୍କଫ୍ରମ ଅବଧିକୁ ସମାପ୍ତ କରିଦେଇଛନ୍ତି | ଅର୍ଥାତ ଆସନ୍ତାକାଲି ସୋମବାର ଠାରୁ ସମସ୍ତ କର୍ମଚାରୀ ଅଫିସ ଯିବେ | ସମସ୍ତ କର୍ମଚାରୀ ଯେଭଳି ଅଫିସରେ ଉପସ୍ଥିତ ରହିବେ, ତାହା ନିଶ୍ଚିତ କରିବାକୁ ନିର୍ଦ୍ଦେଶ ଦିଆଯାଇଛି | ରବିବାର ଦିନ କେନ୍ଦ୍ର ମନ୍ତ୍ରୀ ଜିତେନ୍ଦ୍ର ସିଂ କହିଛନ୍ତି ଯେ କରୋନା ଭାଇରସ ମାମଲାକୁ ନେଇ ଆଜି ସମୀକ୍ଷା କରାଯାଇଥିଲା |
Sambad is now on WhatsApp
Join and get latest news updates delivered to you via WhatsApp
ଆଉ ମାମଲା ହ୍ରାସକୁ ଦୃଷ୍ଟିରେ ରଖି ଏହି ନିଷ୍ପତ୍ତି ନିଆଯାଇଛି। ଆସନ୍ତାକାଲି ଠାରୁ କୌଣସି କର୍ମଚାରୀ ଘରୁ କାମ ନ କରି ଅଫିସରେ ଉପସ୍ଥିତ ରହିବେ | ସେ କହିଛନ୍ତି ଯେ ବିଭାଗୀୟ ମୁଖ୍ୟମାନେ ନିଶ୍ଚିତ କରିବେ ଯେ କର୍ମଚାରୀମାନେ ସବୁବେଳେ ମାସ୍କ ପିନ୍ଧିବେ ଏବଂ କୋଭିଡ ମାର୍ଗଦର୍ଶିକାକୁ ଅନୁସରଣ କରିବେ |
ସୋମବାରଠାରୁ କୌଣସି କର୍ମଚାରୀ ଘରୁ କାମ କରିବେ ନାହିଁ ବୋଲି ସରକାର କହିଛନ୍ତି। ସୂଚନା ଥାଉ କି ପୂର୍ବରୁ ଜାନୁଆରୀ ୩ ରେ ଜାରି କରାଯାଇଥିବା ଆଦେଶରେ କୁହାଯାଇଥିଲା ଯେ ସଚିବ ସ୍ତରରୁ କମ ୫୦ ପ୍ରତିଶତ କର୍ମଚାରୀଙ୍କୁ ଜାନୁୟାରୀ ୩୧ ପର୍ଯ୍ୟନ୍ତ ୱାର୍କଫ୍ରମ ହୋମ କରିବାକୁ ଅନୁମତି ଦିଆଯାଇଥିଲା | ସେତେବେଳେ କରୋନା ସଂକ୍ରମଣ ବଢ଼ୁଥିବାରୁ ଏହି ନିଷ୍ପତ୍ତି ନିଆଯାଇଥିଲା |