ଅଯୋଧ୍ୟାରେ ରାମ ମନ୍ଦିରର ନିର୍ମାଣ କାର୍ଯ୍ୟ ୨୦୨୩ ଡିସେମ୍ବର ସୁଦ୍ଧା ସଂପୂର୍ଣ୍ଣ ହେବ
ଲକ୍ଷ୍ନୌ: ଅଯୋଧ୍ୟାରେ ରାମ ମନ୍ଦିରର ନିର୍ମାଣ କାର୍ଯ୍ୟ ଜୋରସୋରରେ ଚାଲିଛି ଏବଂ ରାମ ନବମୀ ଅବସରରେ ଶ୍ରୀ ରାମ ଜନ୍ମଭୂମି ତୀର୍ଥ କ୍ଷେତ୍ର ଟ୍ରଷ୍ଟର ସାଧାରଣ ସମ୍ପାଦକ ଚମ୍ପତ ରାୟ କହିଛନ୍ତି ଯେ ଆସନ୍ତା ଡିସେମ୍ବର ୨୦୨୩ ସୁଦ୍ଧା ଏହାର ନିର୍ମାଣ କାର୍ଯ୍ୟ ଶେଷ ହେବ। ଲକ୍ଷ୍ନୌ ଆଖୁ ପ୍ରତିଷ୍ଠାନରେ ବେଦାନ୍ତ ଇଣ୍ଡିଆ ଦ୍ୱାରା ଆୟୋଜିତ ଏକ କାର୍ଯ୍ୟକ୍ରମରେ ଯୋଗଦେବା ପାଇଁ ଚମ୍ପତ ରାୟ ଲକ୍ଷ୍ନୌ ଆସିଥିବା ବେଳେ ଏହା କହିଛନ୍ତି।
Sambad is now on WhatsApp
Join and get latest news updates delivered to you via WhatsApp
ସେ ଏହା ମଧ୍ୟ କହିଛନ୍ତି ଯେ ୨୦୨୪ରେ ସାଧାରଣ ନିର୍ବାଚନ ହେତୁ ସମ୍ଭାବନା କମ୍ ରହିଛି। କାରଣ ଲୋକସଭା ନିର୍ବାଚନ ୨୦୨୪ ଯୋଗୁଁ ଆଦର୍ଶ ଆଚରଣ ବିଧି ଲାଗୁ କରାଯିବ ଏବଂ ପଥର କାମ ସମୟ ଲାଗିବ, ତେଣୁ ସମ୍ଭାବନା କମ୍। କିନ୍ତୁ ୨୦୨୩ରେ ମନ୍ଦିରର ଗର୍ଭଗୃହରେ ଭଗବାନ ରାମଙ୍କ ମୂର୍ତ୍ତି ସ୍ଥାପନ କରିବାକୁ ପ୍ରୟାସ କରାଯାଉଛି ଯାହା ଦ୍ୱାରା ଭକ୍ତମାନେ ପ୍ରାର୍ଥନା କରିପାରିବେ ବୋଲି ଚମ୍ପତ ରାୟ କହିଛନ୍ତି।
ଏହା ପୂର୍ବରୁ କୋଭିଡ-୧୯ ମହାମାରୀ ପାଇଁ ମନ୍ଦିର ନିର୍ମାଣ କାର୍ଯ୍ୟ ବାଧାପ୍ରାପ୍ତ ହୋଇଥିଲା। ଅଗଷ୍ଟ ୫, ୨୦୨୦ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏହି ରାମ ମନ୍ଦିରର ଭୂମି ପୂଜନ ସଂପନ୍ନ କରିବା ପରେ ଅଯୋଧ୍ୟାରେ ରାମ ମନ୍ଦିର ଉପରେ କାର୍ଯ୍ୟ ଆରମ୍ଭ ହୋଇଥିଲା ଏବଂ ମନ୍ଦିରର ଶିଳାନ୍ୟାସ କରାଯାଇଥିଲା। ୫ ଏକର ଜମି ଉପରେ ନିର୍ମିତ ହେଉଥିବା ଏହି ସଦୃଶ୍ୟ ରାମ ମନ୍ଦିର ନିର୍ମାଣ କାର୍ଯ୍ୟର ପରିଚାଳନା ଓ ତତ୍ତ୍ୱାବଧାନ ଶ୍ରୀ ରାମ ଜନ୍ମଭୂମି ତୀର୍ଥ କ୍ଷେତ୍ର ଟ୍ରଷ୍ଟ ଦ୍ୱାରା କରାଯାଉଛି।