ବିଶ୍ୱ ପରିବେଶ ଦିବସ ଅବସରରେ ପରିବେଶ ସୁରକ୍ଷା ଦାୟିତ୍ୱ ହାତକୁ ନେଲେ ରାଷ୍ଟ୍ରପତି କୋବିନ୍ଦ, ପ୍ରଧାନମନ୍ତ୍ରୀ ମୋଦୀଙ୍କ ସମେତ ଅନ୍ୟ ବରିଷ୍ଠ ନେତା

0

ନୂଆଦିଲ୍ଳୀ: ବିଶ୍ୱ ପରିବେଶ ଦିବସ ୨୦୧୯ ଉପଲକ୍ଷେ ରାଷ୍ଟ୍ରପତି ରାମନାଥ କୋବିନ୍ଦ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, କେନ୍ଦ୍ର ମନ୍ତ୍ରୀ ପ୍ରକାଶ ଜାଭେଦକର ଏବଂ ଅନ୍ୟ କେତେକ ବରିଷ୍ଠ ନେତା ପରିବେଶ ସୁରକ୍ଷା କରିବାକୁ ଶପଥ ନେଇଛନ୍ତି। ।

 

ଏହି ବଡ଼ ବଡ଼ ନେତା ମାନେ ଏ ବର୍ଷ ବିଶ୍ୱ ପରିବେଶ ଦିବସରେ ବାୟୁ ପ୍ରଦୂଷଣକୁ ଗୁରୁତ୍ୱ ଦେଇଛନ୍ତି। ଏହି ନେତାମାନେ ନିଜେ ପରିବେଶକୁ ସୁରକ୍ଷିତ ରଖିବା ସହ ଅନ୍ୟମାନଙ୍କୁ ଏ ସଂପର୍କରେ ସଚେନତ କରାଇବା ପାଇଁ ଶପଥ ନେଇଛନ୍ତି।

ଜୁନ ୫ ତାରିଖକୁ ପୂରା ବିଶ୍ୱରେ ପରିବେଶ ଦିବସ ଭାବେ ପାଳନ କରାଯାଏ। ପରିବେଶକୁ ସବୁଠାରୁ ବେଶି ଖରାପ କରୁଥିବା ବାୟୁ ପ୍ରଦୂଷଣକୁ ଏବର୍ଷର ବିଷୟବସ୍ତୁ କରାଯାଇଛି।

ରାଷ୍ଟ୍ରପତି କୋବିନ୍ଦ ଟ୍ଵିଟର୍‌ରେ ଏ ନେଇ ଚିନ୍ତା ପ୍ରକଟ କରି ଏକ ବାର୍ତ୍ତା ପ୍ରଧାନ କରିଛନ୍ତି। ସେହିପରି ପ୍ରଧାନମନ୍ତ୍ରୀ ମୋଦୀ ମଧ୍ୟ ଭିଡିଓ ସେୟାର୍‌ କରି ପରିବେଶ ସୁରକ୍ଷା ଉପରେ ବାର୍ତ୍ତା ଦେଇ ଏକ ଟ୍ଵିଟ୍‌ କରିଛନ୍ତି।

ସମ୍ବନ୍ଧିତ ଖବର