ବିଶ୍ବର ସବୁଠାରୁ ଅପରିଷ୍କାର ବ୍ୟକ୍ତିଙ୍କ ପରଲୋକ
ତେହେରାନ : ବିଶ୍ବର ସବୁଠାରୁ ଅପରିଷ୍କାର ବ୍ୟକ୍ତି କୁହାଯାଉଥିବା ଇରାନର ଆମୁ ହାଜିଙ୍କ ୯୪ ବର୍ଷ ବୟସରେ ପରଲୋକ ହୋଇଛି । ସେ ପ୍ରାୟ ୫୦ ବର୍ଷ ହେଲା ଗାଧୋଇ ନଥିଲେ । ଗାଧୋଇଲେ ଶରୀରରେ ସଂକ୍ରମଣ ହୋଇ ଅସୁସ୍ଥ ହୋଇଯିବ ବୋଲି ସେ ବିଶ୍ବାସ କରୁଥିଲେ ।
Sambad is now on WhatsApp
Join and get latest news updates delivered to you via WhatsApp
ସଂକ୍ରମଣ ସଂକ୍ରମଣ ଭୟରେ ସ୍ନାନ କରିବାକୁ ପସନ୍ଦ କରୁନଥିବା ଆମୋ ହାଜି ଦକ୍ଷିଣ ଫାର୍ସ ପ୍ରଦେଶର ଦେଜଗା ଗ୍ରାମରେ ଗୋଟିଏ ଜୀବନ ବିତାଉଥିଲେ ଏବଂ ଗୋଟିଏ ଇଟା ନିର୍ମିତ କୁଟୀରରେ ରହୁଥିଲେ । ପ୍ରାକୃତିକ କାରଣରୁ ତାଙ୍କର ମୃତ୍ୟୁ ହୋଇଥିବା ଇରାନର ସରକାରୀ ନ୍ୟୁଜ ଏଜେନ୍ସି ଇରନା କହିଛି ।
୨୦୧୪ରେ ତେହେରାନ ଟାଇମ୍ସର ଏକ ରିପୋର୍ଟ ଅନୁସାରେ ଆମୋ ସଡ଼କ ଦୁର୍ଘଟଣାରେ ମରୁଥିବା ଜୀବଜନ୍ତୁଙ୍କ ମାଂସ ଖାଉଥିଲେ । ପଶୁମାନଙ୍କ ମଳରୁ ପ୍ରସ୍ତୁତ ହୁକା ପିଉଥିଲେ । କିଛିବର୍ଷ ତଳେ ସ୍ଥାନୀୟ ଗ୍ରାମବାସୀ ତାଙ୍କୁ ବୁଝାଇସୁଝାଇ ତାଙ୍କ ହାତ ଧୋଇଦେଇଥିଲେ ।
ଗୁରୁତ୍ବପୂର୍ଣ୍ଣ କଥା ହେଲା ଆମୋଙ୍କ ମୃତ୍ୟୁପରେ ବିଶ୍ବର ସବୁଠାରୁ ଅପରିଷ୍କାର ବ୍ୟକ୍ତିର ମାନ୍ୟତା ଜଣେ ଭାରତୀୟଙ୍କୁ ମିଳିବ । ସେ ହେଉଛନ୍ତି ବନାରସ ନିକଟରେ ରହୁଥିବା କୈଳାସ ସିଂ ନାମକ ଜଣେ ସାଧୁ । ସେ ଗତ ୩୦ ବର୍ଷ ହେଲା ଗାଧୋଇନାହାନ୍ତି । ଦେଶର ସମସ୍ୟା ଦୂର ପାଇଁ ସେ ଏପରି ସାଧନା କରିୁଛନ୍ତି । ସେ କେବଳ ଅଗ୍ନି ସ୍ନାନ କରୁଥିବା ଦାବି କରନ୍ତି । ପ୍ରତିଦିନ ସଂଧ୍ୟାରେ ସେ ଏକ ଧୂନି ଜାଳି ଅଗ୍ନିସ୍ନାନ କରୁଥିବା କହୁଛନ୍ତି ।