ତିହାରର ଜେଲର ଏକ ସ୍ବତନ୍ତ୍ର ସେଲରେ କଡା ସୁରକ୍ଷା ମଧ୍ୟରେ ରହୁଛି ୟାସିନ ମଲ୍ଲିକ
ନୂଆଦିଲ୍ଲୀ : ଆତଙ୍କବାଦୀଙ୍କୁ ଅର୍ଥ ଯୋଗାଣ ମାମଲାରେ ଦୋଷୀ ସାବ୍ୟସ୍ତ ହୋଇ ଆଜୀବନ କାରାଦଣ୍ଡ ଭୋଗୁଥିବା ଆତଙ୍କବାଦୀ ୟାସିନ ମଲ୍ଲିକକୁ ଦିଲ୍ଲୀର ତିହାର ଜେଲର ଏକ ସ୍ବତନ୍ତ୍ର ସେଲରେ କଡ଼ା ସୁରକ୍ଷା ମଧ୍ୟରେ ରଖାଯାଇଛି । ସୁରକ୍ଷା କାରଣରୁ ତାକୁ ଜେଲ ଭିତରେ କୌଣସି କାର୍ଯ୍ୟ କରିବାକୁ ଦିଆଯିବ ନାହିଁ ବୋଲି ଜେଲ କର୍ତ୍ତୃପକ୍ଷଙ୍କ ସୁତ୍ରରୁ ଜଣାପଡ଼ିଛି।
Sambad is now on WhatsApp
Join and get latest news updates delivered to you via WhatsApp
ତାକୁ ଜେଲ ନଂ ୭ରେ କଡ଼ା ସୁରକ୍ଷା ବଳୟ ମଧ୍ୟରେ ରଖାଯାଇଛି ଓ ତାହାର ସୁରକ୍ଷାକୁ ନିୟମିତଭାବେ ସମୀକ୍ଷା କରାଯାଉଥିବାର ଜଣାଯାଇଛି । ସେ ଆତଙ୍କି ପାଣ୍ଠି ଯୋଗାଣ ମାମଲାରେ ଦୋଷୀ ସାବ୍ୟସ୍ତ ହୋଇଥିବାରୁ ତାକୁ କୌଣସି ପାରୋଲ ବା ଫର୍ଲୋ ଦିଆଯିବ ନାହିଁ । ତାକୁ ଆଜୀବନ କାରାଦଣ୍ଡ ହେବା ପୂର୍ବରୁ ବି ସେ ଜେଲ ନଂ୭ରେ ରହୁଥିଲା ।
ଏହି ଜେଲ ନଂ୭ରେ ପୂର୍ବରୁ ଅନେକ ହାଇପ୍ରୋଫାଇଲ କଏଦୀଙ୍କୁ ରଖାଯାଇଥିଲା । ସେମାନଙ୍କ ମଧ୍ୟରେ ଅଛନ୍ତି ପୂର୍ବତନ କେନ୍ଦ୍ରମନ୍ତ୍ରୀ ପି.ଚିଦାମ୍ବରମ ଓ ଏ.ରାଜା, ସାହାରା ଇଣ୍ଡିଆ ମୁଖ୍ୟ ସୁବ୍ରତ ରାୟ, ଅଗଷ୍ଟା ଓ୍ବେଷ୍ଟଲାଣ୍ଡ ହେଲିକପ୍ଟର ମାମଲାରେ ସଂପୃକ୍ତ ଖ୍ରୀଷ୍ଟିଆନ ମାଇକେଲ ପ୍ରମୁଖ ।
ବୁଧବାରଦିନ ଦିନ ଦିଲ୍ଲୀର ଏକ କୋର୍ଟ ତାକୁ ଆତଙ୍କୀ ପାଣ୍ଠି ଯୋଗାଣ ମାମଲାରେ ଆଜୀବନ ଜେଲ ଦଣ୍ଡ ଦେଇଥିଲେ । ତେବେ ତା ନାଁରେ ଆଉ କେତେକ ସଂଗୀନ ମାମଲା ଏବେ ବି ବିଚାରାଧୀନ ରହିଛି । ସେଗୁଡ଼ିକ ମଧ୍ୟରେ ରହିଛି ଭାରତୀୟ ବାୟୁସେନା ଅଧିକାରୀଙ୍କ ହତ୍ୟାମାମଲା ।