କୋର୍ଟରେ ଆତଙ୍କବାଦୀ ୟାସିନ୍ ମଲ୍ଲିକ ଦୋଷୀ ସାବ୍ୟସ୍ତ, ୧୯ରେ ଦଣ୍ଡବିଧାନ
ନୂଆଦିଲ୍ଲୀ : କଶ୍ମୀରର ବିଚ୍ଛିନ୍ନତାବାଦୀ ନେତା ୟାସିନ ମଲ୍ଲିକ ୨୦୧୭ ଆତଙ୍କବାଦ ମାମଲାରେ ଦିଲ୍ଲୀର ଏକ କୋର୍ଟରେ ଦୋଷୀ ସାବ୍ୟସ୍ତ ହୋଇଛନ୍ତି । ତାଙ୍କ ବିରୋଧରେ ଲଗାଯାଇଥିବା ଆତଙ୍କବାଦୀ କାର୍ଯ୍ୟକଳାପ, ଆତଙ୍କବାଦ ପାଇଁ ପାଣ୍ଠି ସଂଗ୍ରହ, ଏକ ଆତଙ୍କବାଦୀ ସଂଗଠନର ସଦସ୍ୟ ହେବା, ଆତଙ୍କବାଦୀ କାର୍ଯ୍ୟକଳାପ ପାଇଁ ଷଡଯନ୍ତ୍ର କରିବା ଆଦି ବିଭିନ୍ନ ଅଭିଯୋଗ ଲଗାଯାଇଥିଲା । କୋର୍ଟରେ ଏ ସମସ୍ତ ମାମଲାରେ ତାଙ୍କୁ ଦୋଷୀ ସାବ୍ୟସ୍ତ କରାଯାଇଛି ।
Sambad is now on WhatsApp
Join and get latest news updates delivered to you via WhatsApp
ଦିଲ୍ଲୀ କୋର୍ଟର ସ୍ବତନ୍ତ୍ର ଜଜ୍ ପ୍ରବୀଣ କୁମାର ଆସନ୍ତା ୧୯ ତାରିଖରେ ଏହି ମାମଲାର ପରବର୍ତ୍ତୀ ଶୁଣାଣି କରିବା ସହ ଦଣ୍ଡ ଶୁଣାଇବେ । ଏସବୁ ମାମଲାରେ ତାଙ୍କୁ ଆଜୀବନ କାରାଦଣ୍ଡ ହେବାର ସମ୍ଭାବନା ରହିଛି । ମିଳିଥିବା ସୂଚନା ଅନୁସାରେ ୟାସିନ ମଲ୍ଲିକ କୋର୍ଟରେ ଏସବୁ ଅଭିଯୋଗକୁ ସ୍ବୀକାର କରିଥିଲେ ।
କେବଳ ୟାସିନ ମଲିକ ନୁହେଁ, କୋର୍ଟରେ ଅନ୍ୟ କାଶ୍ମୀର ଆତଙ୍କବାଦୀ ଯେପରିକି ବିଟ୍ଟା କରାଟେ, ସବୀର ଶାହା, ୟୁସୁଫ ଶାହ, ଆଫତାବ ଅହମଦ ଶାହା, ଅଲତାଫ ଅହମ୍ମଦ ଶାହା ଆଦି ମଧ୍ୟ ଦୋଷୀ ସାବ୍ୟସ୍ତ ହୋଇଛନ୍ତି । ସେହିପରି ଲସ୍କର ପ୍ରତିଷ୍ଠାତା ହାଫଜ ସଇଦ, ହିଜବୁଲ ମୁଜାହିଦ୍ଦିନ ମହମ୍ମଦ ସଲାଉଦ୍ଦିନ ବିରୋଧରେ କୋର୍ଟରେ ଅଭିଯୋଗ ପତ୍ର ଦାଖଲ ହୋଇଛି ।