ସିଦ୍ଧରମେୟାଙ୍କ ବିପକ୍ଷରେ ଲଢ଼ିପାରନ୍ତି ୟେଦୁରପ୍ପାଙ୍କ ପୁଅ
ବେଙ୍ଗାଲୁରୁ: କର୍ଣ୍ଣାଟକରେ ନିର୍ବାଚନ ତାରିଖ ଘୋଷଣା ହେବା ମାତ୍ରେ ରାଜନୀତି ଜୋର ଧରିଛି । କେଉଁ ଆସନରୁ କିଏ ଲଢ଼ିବେ ତାହାକୁ ନେଇ ଆଲୋଚନା ମଧ୍ୟ ତୀବ୍ର ହୋଇଛି। ତେବେ ଏହାରି ଭିତରେ ଶୁଣିବାକୁ ମିଳିଛି ଯେ କର୍ଣ୍ଣାଟକର ପୂର୍ବତନ ମୁଖ୍ୟମନ୍ତ୍ରୀ ତଥା ଭେଟେରାନ ବିଜେପି ନେତା ବିଏସ ୟେଦୁରୁପ୍ପା ତାଙ୍କ ପୁଅ ବିଜୟେନ୍ଦ୍ରଙ୍କୁ ପୂର୍ବତନ ମୁଖ୍ୟମନ୍ତ୍ରୀ ସିଦ୍ଧରମେୟାଙ୍କ ବିପକ୍ଷରେ ମଇଦାନକୁ ଓହ୍ଲାଇପାରନ୍ତି | ମହୀଶୂରର ବରୁଣା ବିଧାନସଭା ଆସନରୁ କଂଗ୍ରେସ ନେତା ତଥା ପୂର୍ବତନ ମୁଖ୍ୟମନ୍ତ୍ରୀ ସିଦ୍ଧରମେୟା ନିର୍ବାଚନ ଲଢ଼ିବାକୁ ଥିବାବେଳେ ତାଙ୍କ ବିପକ୍ଷରେ ୟେଦୁରୁପ୍ପାଙ୍କର ପୁଅକୁ ମୈଦାନକୁ ଓହ୍ଲାଇବାକୁ ବିଜେପି ଯୋଜନା କରୁଛି | ଚର୍ଚ୍ଚା ମୁତାବକ କର୍ଣ୍ଣାଟକର ଲିଙ୍ଗାୟତ ଭୋଟରଙ୍କ ମଧ୍ୟରେ ୟେଦୁରୁପ୍ପାଙ୍କର ସ୍ଥିତି ଭଲ ଥିବାବେଳେ ଏହାକୁ ବଜାୟ ରଖିବା ଉଦ୍ଦେଶ୍ୟରେ ବିଜେପି ଏହି ପଦକ୍ଷେପ ନେଇପାରେ ।
ବାସ୍ତବରେ ବିଏସ ୟେଦୁରୁପ୍ପାଙ୍କୁ ପଚରାଯାଇଥିଲା କି ତାଙ୍କ ପୁଅ ବିଜୟେନ୍ଦ୍ରଙ୍କୁ ବରୁଣା ନିର୍ବାଚନମଣ୍ଡଳୀରୁ ପ୍ରାର୍ଥୀ କରାଯିବ କି? ଆଉ ଏହି ସମ୍ଭାବନାକୁ ୟେଦୁରପ୍ପା ଅସ୍ୱୀକାର କରିନଥିଲେ। ସେ କହିଛନ୍ତି, ‘ଆଲୋଚନା ଚାଲିଛି, ଏହା କେନ୍ଦ୍ରୀୟ ନେତୃତ୍ୱଙ୍କ ନିଷ୍ପତ୍ତି ଉପରେ ନିର୍ଭର କରେ। କିନ୍ତୁ ଆମେ ଏକ ଶକ୍ତିଶାଳୀ ପ୍ରାର୍ଥୀ ବାଛିବୁ ଏବଂ କଂଗ୍ରେସକୁ କଡା ଟକ୍କର ଦେବୁ | ୟେଦୁରୁପ୍ପା ଏହା ମଧ୍ୟ କହିଛନ୍ତି ଯେ ଆଗାମୀ ବିଧାନସଭା ନିର୍ବାଚନରେ ବିଜେପି ସ୍ପଷ୍ଟ ସଂଖ୍ୟାଗରିଷ୍ଠତା ହାସଲ କରିବ। ଆମେ କର୍ଣ୍ଣାଟକରେ ସଂପୂର୍ଣ୍ଣ ସଂଖ୍ୟାଗରିଷ୍ଠତା ପାଇବାକୁ ଯାଉଛୁ | ଉଲ୍ଲେଖ ଥାଉ କି କର୍ଣ୍ଣାଟକର ପୂର୍ବତନ ମୁଖ୍ୟମନ୍ତ୍ରୀ ବି.ଏସ୍ ୟେଦୁରୁପ୍ପା ପୂର୍ବରୁ କହିଥିଲେ ଯେ ଏଥର ବିଧାନସଭା ନିର୍ବାଚନରେ ସେ ପ୍ରତିଦ୍ୱନ୍ଦ୍ୱିତା କରିବେ ନାହିଁ। ୟେଦୁରୁପ୍ପା ତାଙ୍କ ବୟସ ଦର୍ଶାଇ ଆଉ ନିର୍ବାଚନ ଲଢ଼ିବେ ନାହିଁ ବୋଲି ଘୋଷଣା କରିଥିଲେ | ବୁଧବାର କର୍ଣ୍ଣାଟକରେ ବିଧାନସଭା ନିର୍ବାଚନ ପାଇଁ ତାରିଖ ଘୋଷଣା କରାଯାଇଥିଲା। ଆସନ୍ତା ମେ ୧୦ ତାରିଖରେ ରାଜ୍ୟରେ ମତଦାନ ଅନୁଷ୍ଠିତ ହେବ। ଏହାର ଫଳାଫଳ ମେ ୧୩ରେ ଆସିବ |