ଅଚାନକ ଦିଲ୍ଲୀ ଗସ୍ତରେ ଗଲେ ଯୋଗୀ ଆଦିତ୍ୟନାଥ, ଗୃହମନ୍ତ୍ରୀ ଓ ପ୍ରଧାନମନ୍ତ୍ରୀଙ୍କୁ ଭେଟିବେ
ନୂଆଦିଲ୍ଲୀ: ଆଜି ଅଚାନକ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଦିଲ୍ଲୀ ଗସ୍ତରେ ଯାଇଛନ୍ତି | ରାଜ୍ୟ ବିଜେପି ସଂଗଠନର ପରିବର୍ତ୍ତନ ତଥା ଯୋଗୀଙ୍କ ମନ୍ତ୍ରିମଣ୍ଡଳରେ ପରିବର୍ତ୍ତନ ପାଇଁ ଆଦିତ୍ୟନାଥଙ୍କ ଦିଲ୍ଲୀ ଗସ୍ତ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ବିବେଚନା କରାଯାଇଛି। ଆଜି ଯୋଗୀ ଲଖନଉରୁ ଗାଜିଆବାଦ ଯାଇ ପହଂଚିଛନ୍ତି | ସେଠାରୁ ସେ ଦିଲ୍ଲୀ ଅଭିମୁଖେ ସଡକପଥରେ ଯିବେ | ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଆଜି ଅପରାହ୍ନ ୪ଟାରେ ଗୃହମନ୍ତ୍ରୀ ଅମିତ ଶାହାଙ୍କୁ ଭେଟିବାର ସମ୍ଭାବନା ରହିଛି।
Sambad is now on WhatsApp
Join and get latest news updates delivered to you via WhatsApp
ଯୋଗୀଙ୍କ ଏହି ଗସ୍ତ ପରେ ଏବେ ଉତ୍ତରପ୍ରଦେଶରେ ରାଜନୈତିକ ଆଲୋଚନା ବଢ଼ିବାରେ ଲାଗିଛି | ଯୋଗୀ ଆଦିତ୍ୟନାଥ ଆଜି ସନ୍ଧ୍ୟାରେ ଦିଲ୍ଲୀରେ ଗାଜିଆବାଦ ଏବଂ ନୋଏଡାର ବିଜେପି ନେତାଙ୍କୁ ଭେଟିବେ। ଏହା ପରେ ସେ ବିଜେପିର ଜାତୀୟ ସଂଗଠନର ନେତାମାନଙ୍କୁ ଭେଟିବେ। ଯୋଗୀ ଆଦିତ୍ୟନାଥ ଶୁକ୍ରବାର ଦିନ ୧୧ ଟା ସମୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଭେଟିପାରନ୍ତି |
କୁହାଯାଉଛି ଯେ ଉତ୍ତରପ୍ରଦେଶ ସରକାର ଏବଂ ସଂଗଠନରେ କି ପ୍ରକାର ପରିବର୍ତ୍ତନ ଘଟିବ ତାହା ବାବଦରେ ଆଲୋଚନା କରିପାରନ୍ତି । ସେହିପରି ୨୦୨୨ରେ ହେବାକୁ ଥିବା ବିଧାନସଭା ନିର୍ବାଚନରେ କେଉଁ ପ୍ରସଙ୍ଗରେ ଲଢେଇ କରାଯିବ ସେ ବାବଦରେ ବିଜେପିର ଶୀର୍ଷ ନେତୃତ୍ୱଙ୍କ ସହ ଆଲୋଚନା କରିପାରନ୍ତି |