ମେ ୨ ପରେ ଜୀବନର ଭିକ୍ଷା ମାଗିବେ ଟିଏମସିର ଗୁଣ୍ଡା: ଯୋଗୀ ଆଦିତ୍ୟନାଥ
ମାଲଦା: ମେ ୨ ପରେ ଜୀବନ ପାଇଁ ଭିକ ମାଗିବେ ତୃଣମୂଳ କଂଗ୍ରେସର ଗୁଣ୍ଡା | ଉତ୍ତରପ୍ରଦେଶର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଆଜି ଏଭଳି କହିଛନ୍ତି | ପଶ୍ଚିମବଙ୍ଗର ମାଲଦାରେ ଆୟୋଜିତ ଏକ ଜନସଭାକୁ ସମ୍ବୋଧିତ କରି ଯୋଗୀ କହିଛନ୍ତି ଯେ ମାସକ ମଧ୍ୟରେ ପଶ୍ଚିମବଙ୍ଗରେ ପରିବର୍ତ୍ତନର ଝଲକ ଦେଖିବାକୁ ମିଳିବ | ମେ ୨ ତାରିଖ ପରେ ତୃଣମୂଳ କଂଗ୍ରେସର ଗୁଣ୍ଡା ନିଜ ଜୀବନର ଭିକ ମାଗୁଥିବାର ଦେଖିବାକୁ ମିଳିବ |
Sambad is now on WhatsApp
Join and get latest news updates delivered to you via WhatsApp
ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ କହିଛନ୍ତି ଯେ,’ଭାରତକୁ ନେତୃତ୍ୱ ଦେଉଥିବା ପଶ୍ଚିମବଙ୍ଗର ଅବସ୍ଥା ଆଜି ଶୋଚନୀୟ ହୋଇଥିବାବେଳେ ପଶ୍ଚିମବଙ୍ଗରେ ଶାସନ କରୁଥିବା ଦଳ ଆଜି ଅପରାଧ ଓ ଆତଙ୍କବାଦକୁ ପ୍ରୋତ୍ସାହିତ କରି ଦେଶର ସୁରକ୍ଷାକୁ କଡା ଚେତାବନୀ ଦେଉଛି | ପଶ୍ଚିମବଙ୍ଗରେ ଦୁର୍ଗା ପୂଜା ଉପରେ କଟକଣା ଲଗାଯାଉଥିବାବେଳେ ଇଦରେ ଗୋହତ୍ୟା କରାଯାଉଛି |
ପଶ୍ଚିମବଙ୍ଗରେ ଜୟ ଶ୍ରୀରାମ ନାରାକୁ ରୋକାଯାଉଥିବାବେଳେ ଅଯୋଧ୍ୟାରେ ମଧ୍ୟ ଦିନେ ରାମ ଭକ୍ତଙ୍କ ଉପରେ ଗୁଳି ଚଳାଯାଇଥିଲା | ଆଉ ଏହା ପରର ଅବସ୍ଥା ଆମେ ସମସ୍ତେ ଦେଖିଛେ | ଯିଏ ରାମଙ୍କୁ ବିରୋଧ କରୁଛନ୍ତି , ତାଙ୍କର ପଶ୍ଚିମବଙ୍ଗରେ କିଛି ଆବଶ୍ୟକ ନାହିଁ ବୋଲି ଯୋଗୀ କହିଛନ୍ତି | ସେହିପରି ଯୋଗୀ କହିଛନ୍ତି ଯେ ଯଦି ପଶ୍ଚିମବଙ୍ଗରେ ବିଜେପି ନେତୃତ୍ୱାଧୀନ ସରକାର ହୁଏ, ତେବେ ୨୪ ଘଣ୍ଟା ମଧ୍ୟରେ ଗୋହତ୍ୟାକୁ ବନ୍ଦ କରିଦିଆଯିବ | ଏଠାକାର ସରକାର ମହରମକୁ ଅନୁମତି ଦେଉଥିବାବେଳେ ଦୁର୍ଗା ପୂଜା ଉପରେ ରୋକ ଲଗାଉଛନ୍ତି |