୨୦୨୪ରେ ୮୦ରୁ ୮୦ ଜିତିବୁ: ଯୋଗୀ ଆଦିତ୍ୟନାଥ
ଲଖନଉ: ରାମପୁର ଏବଂ ଆଜମଗଡରେ ଉପ-ନିର୍ବାଚନରେ ବିଜୟ ପରେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ବିଜେତା ପ୍ରାର୍ଥୀଙ୍କୁ ଅଭିନନ୍ଦନ ଜଣାଇଛନ୍ତି। ଯୋଗୀ କହିଛନ୍ତି ଯେ ଡବଲ୍ ଇଞ୍ଜିନ୍ ସରକାରକୁ ଡବଲ ବିଜୟ ହାସଲ ହୋଇଛି। ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ କହିଛନ୍ତି, “ପ୍ରଧାନମନ୍ତ୍ରୀ ମୋଦୀଙ୍କ ନେତୃତ୍ୱରେ ସକରାତ୍ମକ, ଗରିବ କଲ୍ୟାଣକାରୀ ଯୋଜନା ସହ କାହାପ୍ରତି ଭେଦଭାବ ନ ରଖି ଯେଉଁ କାର୍ଯ୍ୟ କରାଯାଉଛି ଲୋକମାନେ ଏହାର ଉତ୍ତର ଦେଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ବିଧାନସଭା ନିର୍ବାଚନରେ ବିଜେପି ଦୁଇ ତୃତୀୟାଂଶ ଆସନ ପାଇବା ପରେ ବିଧାନ ପରିଷଦ ନିର୍ବାଚନରେ ମଧ୍ୟ ବିଜେପି ବହୁମତ ହାସଲ କରି ଜିତିଛି। ବର୍ତ୍ତମାନ ଲୋକସଭା ଉପ-ନିର୍ବାଚନରେ ଆଜମଗଡ ଏବଂ ରାମପୁରରେ ବିଜେପି ଜିତିଛି’। ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ କହିଛନ୍ତି, “ଆଜମଗଡ ଏବଂ ରାମପୁର ଆସନରେ ବିଜୟ ହେଉଛି ବିଜେପିର ସବକା ସାଥ୍-ବିଶ୍ୱାସ, ସବକା ପ୍ରୟାସ-ସବକା ବିଶ୍ୱାସ ନୀତିର ଫଳାଫଳ।
ଯୋଗୀ ଆହୁରି ମଧ୍ୟ କହିଛନ୍ତି, “ଯେଉଁମାନେ ପରିବାରବାଦ ରାଜନୀତି କରନ୍ତି ସେମାନଙ୍କୁ ଜନସାଧାରଣ ଏକ ଜବାବ ଦେଇଛନ୍ତି। ଉତ୍ତରପ୍ରଦେଶର ଲୋକମାନେ ପେସାଦାର ମାଫିଆଙ୍କୁ ଆଶ୍ରୟ ଦେଉଥିବା ଦଳକୁ ଗ୍ରହଣ କରୁନାହାଁନ୍ତି। ୨୦୨୪ ମସିହାରେ, ଉତ୍ତରପ୍ରଦେଶରେ ବିଜେପିକୁ ପ୍ରଚଣ୍ଡ ବହୁମତ ମିଳିବ | ୮୦ ଟି ଲୋକସଭା ଆସନରୁ ୮୦ଟି ସିଟ୍ ଜିତିବା ପାଇଁ ବିଜେପି କାର୍ଯ୍ୟ କରୁଛି। ଆଜିର ବିଜୟ ପରେ ଏହି ବାର୍ତ୍ତା ସ୍ପଷ୍ଟ ହୋଇଛି।