ମାଗଣା କଥା ଥାଉ, ପୂର୍ବରୁ ବିଜୁଳି ତ ଦେଇଥାନ୍ତ: ଯୋଗୀ
ଲଖନଉ: ମାଗଣାରେ ବିଦ୍ୟୁତ ଯୋଗେଇବାକୁ ନେଇ ଏବେ ରାଜନୀତି ଜୋର ଧରିଛି | ମାଗଣାରେ ବିଦ୍ୟୁତ ଯୋଗାଇବାର ଟ୍ରେଣ୍ଡ ଆମ ଆଦମୀ ପାର୍ଟି ଆରମ୍ଭ କରିଥିବାବେଳେ ଆଜି ସମାଜବାଦୀ ପାର୍ଟି ମଧ୍ୟ ଏହି ପ୍ରସଙ୍ଗ ଉଠାଇଥିଲା | ଆଜି ସମାଜବାଦୀ ପାର୍ଟିର ରାଷ୍ଟ୍ରୀୟ ସଭାପତି ଅଖିଳେଶ ଯାଦବ ଘୋଷଣା କରିଥିଲେ ଯେ ୨୦୨୨ରେ ରାଜ୍ୟରେ ସରକାର ଗଠନ ହେଲେ ଘରୋଇ ଗ୍ରାହକଙ୍କୁ ୩୦୦ ୟୁନିଟ୍ ମାଗଣାରେ ବିଦ୍ୟୁତ ଯୋଗାଇଦିଆଯିବ | ତେବେ ଏହାକୁ ନେଇ ଅଖିଳେଶଙ୍କ ଉପରେ ଆକ୍ରମଣ କରିଛନ୍ତି ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ |
Sambad is now on WhatsApp
Join and get latest news updates delivered to you via WhatsApp
ଆଜି ରାମପୁରରେ ଯୋଗୀ କହିଛନ୍ତି ଯେ ଯେ ବବୁଆ(ଅଖିଳେଶ) କହିଛନ୍ତି ଯେ ଯଦି ତାଙ୍କ ସରକାର ଆସିଥାନ୍ତେ ତେବେ ସେମାନେ ମଧ୍ୟ ରାମ ମନ୍ଦିର ନିର୍ମାଣ କରିଥାନ୍ତେ | କିନ୍ତୁ କବର ନିର୍ମାଣରୁ ସମୟ ବଞ୍ଚିଲେ ତ ଏହା କରିଥାନ୍ତେ | ଯୋଗୀ କହିଛନ୍ତି ଯେ ଏସପି ସରକାର ଏବଂ ବିଜେପି ସରକାର ମଧ୍ୟରେ ପାର୍ଥକ୍ୟ ସ୍ପଷ୍ଟ ଦେଖାଯାଉଛି। ପୂର୍ବରୁ ମୁଖ୍ୟମନ୍ତ୍ରୀଙ୍କ ବାସଭବନରେ ଦଙ୍ଗାକାରୀ ଏବଂ ମାଫିଆଙ୍କୁ ସମ୍ମାନିତ କରାଯାଉଥିଲା, କିନ୍ତୁ ବର୍ତ୍ତମାନ କୃଷକ ଓ ଯୁବକମାନଙ୍କୁ ସମ୍ମାନିତ କରାଯାଇଛି। ଯୁବକମାନଙ୍କୁ ରୋଜଗାର ଯୋଗାଇବା ପାଇଁ କାର୍ଯ୍ୟ କରାଯାଇଛି |
ଯୋଗୀ କହିଛନ୍ତି ଯେ ଆଜି ଅଖିଳେଶ ମାଗଣାରେ ବିଦ୍ୟୁତ ଯୋଗାଇବାକୁ କହୁଛନ୍ତି, ଯଦି ବିଜୁଳି ଦେବାର ଥିଲା ତେବେ ପୂର୍ବରୁ ବିଜୁଳି ଯୋଗାଣ କରିଦେଇଥାନ୍ତ | ସେହିପରି ଯୋଗୀ କହିଛନ୍ତି ଯେ ଗତ ବିଧାନସଭା ନିର୍ବାଚନରେ ମୋତେ ଏଠାକୁ ଆସିବାକୁ ଥିଲେ ବି ମୋର ହେଲିକପ୍ଟରକୁ ଅବତରଣ କରିବାକୁ ଦିଆଯାଇନଥିଲା। କିନ୍ତୁ ଆଜି ଆପଣମାନଙ୍କର ସ୍ନେହ ମୋତେ ଏଠାକୁ ଆଣିଛି |