ଉତ୍ତରପ୍ରଦେଶ ଆସି ଅଖିଳେଶଙ୍କ ପାଇଁ ଭୋଟ ମାଗିବା ପ୍ରସଙ୍ଗରେ ମମତାଙ୍କୁ ଟାର୍ଗେଟ କଲେ ଯୋଗୀ
ଲଖନଉ: ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ବିଧାନସଭା ନିର୍ବାଚନରେ ସମାଜବାଦୀ ପାର୍ଟି ପାଇଁ ଭୋଟ୍ ମାଗିବାକୁ ଆସିଥିବା ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ଟାର୍ଗେଟ କରିଛନ୍ତି। ପଶ୍ଚିମବଙ୍ଗରେ ନିର୍ବାଚନ ପରବର୍ତ୍ତୀ ହିଂସା ସମ୍ପର୍କରେ ଯୋଗୀ କହିଛନ୍ତି ଯେ ନିର୍ବାଚନ ପରେ ଉତ୍ତରପ୍ରଦେଶରେ କୌଣସି ଅଶାନ୍ତି ହୋଇ ନ ଥିବାବେଳେ ପଶ୍ଚିମବଙ୍ଗରେ ବ୍ୟାପକ ହିଂସାକାଣ୍ଡ ହୋଇଛି | ଉତ୍ତରପ୍ରଦେଶର ଜନସଂଖ୍ୟା ପ୍ରାୟ ୨୫ କୋଟି ହୋଇଥିବାବେଳେ ନିର୍ବାଚନ ପରେ ହିଂସାକାଣ୍ଡ ହୋଇନଥିଲା | କିନ୍ତୁ ପଶ୍ଚିମବଙ୍ଗରେ ଜନସଂଖ୍ୟା ଉତ୍ତରପ୍ରଦେଶଠାରୁ ଅଧା ହୋଇଥିଲେ ବି ନିର୍ବାଚନ ପରେ ହିଂସାକାଣ୍ଡ ହୋଇଛି | ଯୋଗୀ କହିଛନ୍ତି, “ଉତ୍ତରପ୍ରଦେଶରେ ୨୦୧୭ ନିର୍ବାଚନରେ କୌଣସି ବିଶୃଙ୍ଖଳା ହୋଇ ନଥିଲା।
Sambad is now on WhatsApp
Join and get latest news updates delivered to you via WhatsApp
୨୦୧୯ ଲୋକସଭା ନିର୍ବାଚନରେ କୌଣସି ସ୍ଥାନରେ ହିଂସା ହୋଇନଥିଲା। ୨୦୨୧ରେ ପଞ୍ଚାୟତ ନିର୍ବାଚନ ଅନୁଷ୍ଠିତ ହୋଇଥିଲା, ଶାନ୍ତିପୂର୍ଣ୍ଣ ଭାବରେ ନିର୍ବାଚନ ଅନୁଷ୍ଠିତ ହୋଇଥିଲା | ୨୦୨୨ରେ ଶାନ୍ତିପୂର୍ଣ୍ଣ ଭାବରେ ବିଧାନସଭା ନିର୍ବାଚନ ଅନୁଷ୍ଠିତ ହୋଇଥିଲା |
ବିଧାନସଭା ନିର୍ବାଚନ ସମୟରେ ଅଖିଳେଶ ଯାଦବଙ୍କ ପାଇଁ ଦୁଇଥର ଉତ୍ତରପ୍ରଦେଶ ଯାଇଥିବା ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ଟାର୍ଗେଟ କରି ଯୋଗୀ କହିଛନ୍ତି ଯେ ନିର୍ବାଚନରେ ଅଖିଳେଶଙ୍କୁ ସମର୍ଥନ କରିବାକୁ ଜଣେ ଦିଦି ଆସିଥିଲେ |ସେଠାରେ ଅବସ୍ଥା କ’ଣ ଥିଲା? ନିର୍ବାଚନ ପରେ ୧୨,୦୦୦ ହିଂସା ଘଟଣା ଘଟିଥିଲା। ୨୯୪ ବିଧାନସଭା ଆସନ ମଧ୍ୟରୁ ୧୪୨ଟିରେ ହିଂସା ଘଟଣା ଘଟିଥିଲା | କେବଳ ଏତିକି ନୁହେଁ, ୨୫ ହଜାର ବୁଥ ପ୍ରଭାବିତ ହୋଇଥିଲା | ୫୭ ଜଣ ବିଜେପି କର୍ମୀଙ୍କୁ ହତ୍ୟା କରାଯାଇଥିଲା, ଓ ୭ ହଜାର ଅଭିଯୋଗ ପଞ୍ଜିକୃତ ହୋଇଥିଲା |