ଏହି ଛକରେ ଝିଅଙ୍କୁ ହଇରାଣ କଲେ ଆର ଛକରେ ଗୁଳି ଖାଇବ: ଯୋଗୀ
ଲଖନଉ: ରୋଡ଼ ରୋମିଓଙ୍କ ସହ ଅପରାଧୀଙ୍କୁ ଖୁଲମଖୁଲା ଚେତାବନୀ ଦେଲେ ଯୋଗୀ | ଗୋଟିଏ ଛକରେ ବଦମାସୀ କଲେ ଆର ଛକରେ ଗୁଳି ଖାଇବ | କିଛି ଏଭଳି ଢଙ୍ଗରେ ଯୋଗୀ ଅପରାଧୀଙ୍କୁ ଚେତାବନୀ ଦେଇଛନ୍ତି | ଉତ୍ତରପ୍ରଦେଶର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଶୁକ୍ରବାର ଦିନ କାନପୁରରେ ଏକ ସଭାରେ ଅପରାଧୀଙ୍କୁ ଖୋଲା ଚ୍ୟାଲେଞ୍ଜ ଦେଇ କହିଛନ୍ତି ଯେ ବର୍ତ୍ତମାନ ଯଦି ଜଣେ ଅପରାଧୀ ଯିଏ ଗୋଟିଏ ଛକରେ ଭଉଣୀ- ଝିଅକୁ ଅସଦାଚରଣ କରିବାକୁ ଚେଷ୍ଟା କରିବ, ବର୍ତ୍ତମାନ ତାହା କରିପାରିବ ନାହିଁ କାରଣ ସିସିଟିଭି କ୍ୟାମେରାରେ ପ୍ରତ୍ୟେକ କାର୍ଯ୍ୟକଳାପ କଏଦ ହୋଇ ରହିଯିବ ।
Sambad is now on WhatsApp
Join and get latest news updates delivered to you via WhatsApp
ଯୋଗୀ କହିଛନ୍ତି, “ଯଦି କେହି କୌଣସି ଛକରେ ଅସଦାଚରଣ ବା ଡକାୟତି କରିବେ, ତେବେ ସେହି ଦୃଶ୍ୟଗୁଡିକ ପରବର୍ତ୍ତୀ ଛକକୁ ଯିବା ପୂର୍ବରୁ ପୁଲିସ ପାଖରେ ପହଞ୍ଚିଯିବ | ପରବର୍ତ୍ତୀ ଛକ ନିକଟରେ ପହଞ୍ଚିବା ବେଳକୁ ପୁଲିସ ତାଙ୍କୁ ଗୁଳି ମାରିସାରିଥିବ। ବର୍ତ୍ତମାନ ସୁରକ୍ଷା ଭାଙ୍ଗିବାକୁ କେହି ସାହସ କରିବେ ନାହିଁ। ସେହିପରି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଡବଲ୍ ଇଞ୍ଜିନକୁ ଟପିଯାଇ ଟ୍ରିପଲ୍ ଇଞ୍ଜିନ୍ ସରକାର ବିଷୟରେ କହିଛନ୍ତି । ସେ କାନପୁରର ବିକାଶର ଉଦାହରଣ ଦେଇ ସେ କହିଛନ୍ତି ଯେ ଏହି ବିକାଶ ସମ୍ଭବ କାରଣ ଟ୍ରିପଲ ଇଞ୍ଜିନ ସରକାର ବିକାଶର ଗତିକୁ ତିନିଗୁଣ କରୁଥିବା ଜଣାପଡିଛି। ପ୍ରତ୍ୟେକ କ୍ଷେତ୍ରରେ କିଛି ନୂଆ କାର୍ଯ୍ୟ କରାଯାଇଛି |