ଆଜି ଦିଲ୍ଲୀରେ ମୋଦୀଙ୍କ ସହ ମନ୍ତ୍ରିମଣ୍ଡଳ ବାବଦରେ ଆଲୋଚନା କରିବେ ଯୋଗୀ
ନୂଆଦିଲ୍ଲୀ: ଲଗାତାର ଦ୍ୱିତୀୟ ଥର ପାଇଁ ଉତ୍ତରପ୍ରଦେଶରେ ବିଜେପି କ୍ଷମତାକୁ ଆସିବା ପରେ ଆଜି ଯୋଗୀ ଆଦିତ୍ୟନାଥ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସହ ନୂତନ କ୍ୟାବିନେଟ ବାବଦରେ ଆଲୋଚନା କରିବା ପାଇଁ ଦିଲ୍ଲୀରେ ପହଞ୍ଚିଛନ୍ତି | ଦିଲ୍ଲୀରେ ହେବାକୁ ଥିବା ଏହି ବୈଠକରେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା, ଗୃହମନ୍ତ୍ରୀ ଅମିତ ଶାହା ଏବଂ ବି.ଏଲ୍ ସନ୍ତୋଷ ପ୍ରମୁଖ ଉପସ୍ଥିତ ରହିବେ। ଏହି ଆଲୋଚନାରେ ଶପଥ ଗ୍ରହଣ ସମାରୋହର ତାରିଖ ମଧ୍ୟ ଆଲୋଚନା ହେବ। ସୂଚନାନୁସାରେ, ନୂତନ ଉପମୁଖ୍ୟମନ୍ତ୍ରୀଙ୍କ ସହ ବିଜେପି ମଧ୍ୟ କ୍ୟାବିନେଟରେ ଅନେକ ନୂଆ ଚେହେରା ଉପରେ ବିଚାର କରୁଛି।
ଆଦିତ୍ୟନାଥଙ୍କ ସହ ରାଜ୍ୟ ସଭାପତି ରତନ ଦେବ ସିଂ, ମନ୍ତ୍ରୀ ସୁନୀଲ ବନସଲ, ରାଜ୍ୟ ଦାୟିତ୍ୱରେ ଥିବା ରାଧା ମୋହନ ସିଂ ଯୋଗଦେବେ | କୁହାଯାଉଛି ଯେ ଯୋଗୀ ଯୋଗ୍ୟତା ଆଧାରରେ ସମ୍ଭାବ୍ୟ ଉପମୁଖ୍ୟମନ୍ତ୍ରୀ ଏବଂ ମନ୍ତ୍ରୀଙ୍କ ଏକ ତାଲିକା ପ୍ରସ୍ତୁତ କରିଛନ୍ତି।
ତେବେ ତାଲିକାର ଅନ୍ତିମ ନିଷ୍ପତ୍ତି କେନ୍ଦ୍ରୀୟ ନେତୃତ୍ୱ ନେବ | ଉପମୁଖ୍ୟମନ୍ତ୍ରୀ ପଦ ପାଇଁ ସ୍ୱତନ୍ତ୍ର ଦେବ ସିଂ, ବେବି ରାନୀ ମୌର୍ଯ୍ୟ, ବ୍ରିଜେଶ ପାଠକ ଏବଂ କେଶବ ପ୍ରସାଦ ମୌର୍ଯ୍ୟଙ୍କ ନାମ ଉପରେ ଆଲୋଚନା ହେଉଛି। କେଶବ ପ୍ରସାଦ ମୌର୍ଯ୍ୟ ଏହି ନିର୍ବାଚନରେ ସିରାଥୁ ଆସନରୁ ହାରିଯାଇଥିଲେ ବି ଉପମୁଖ୍ୟମନ୍ତ୍ରୀ ଭାବରେ ସେ ରାଜ୍ୟରେ ନିଜର ଭାବମୂର୍ତ୍ତିକୁ ସ୍ଵଛଳ ରଖିଛନ୍ତି |ତେଣୁ ତାଙ୍କୁ ପୁଣି ଥରେ ଉପମୁଖ୍ୟମନ୍ତ୍ରୀ କରାଯାଇପାରେ |
