ମୃତ୍ୟୁ ଏମିତି ବି ଆସେ ! ଭାଇ ବାହାଘରରେ ’ଏକ୍ ଚୁମ୍ମା ତୁ ହମକୋ ଉଧାର ଦେ’ ଗୀତରେ ନାଚୁଥିବା ବେଳେ ହୃଦଘାତରେ ଯୁବକଙ୍କ ମୃତ୍ୟୁ
ବେତୁଲ: ମଧ୍ୟପ୍ରଦେଶର ବେତୁଲରେ ଜଣେ ଯୁବକ ନିଜ ଭାଇର ବାହାଘରରେ ଆନନ୍ଦରେ ନାଚୁଥିବା ବେଳେ ହୁଦଘାତରେ ତାଙ୍କର ମୃତ୍ୟୁ ହୋଇ ଯାଇଛି । ଯୁବକ ନାଚୁ ଥିବା ବେଳେ ହଠାତ୍ ତଳେ ପଡି ଯାଇଥିଲେ । ତାଙ୍କ ପାଖରେ ଥିବା ସାଙ୍ଗମାନେ ଭାବିଲେ ସେ ଜାଣିକି ଉଠୁ ନାହାନ୍ତି । କିଛି ସମୟରେ ପରେ ପାଖରେ ଥିବା ସାଙ୍ଗମାନେ ତାଙ୍କୁ ଉଠାଇ ଦେଖିଲା ବେଳକୁ ତାଙ୍କର ମୃତ୍ୟୁ ହୋଇ ସାରିଥିଲା ।
Sambad is now on WhatsApp
Join and get latest news updates delivered to you via WhatsApp
ଜିଲ୍ଲା ଡାକ୍ତରଖାନାର ଡାକ୍ତର ସୁରେନ୍ଦ୍ର ବର୍ମାଙ୍କ ଅନୁସାରେ ପୋଷ୍ଟମର୍ଟମ ରିପୋର୍ଟରୁ ଜମା ପଡିଛି ଯେ ଯୁବକଙ୍କ ହୃତପିଣ୍ଡରେ ରକ୍ତ ଜମା ହୋଇ ଯାଇଥିଲା । ପେଟରେ ମଧ୍ୟ ଖାଦ୍ୟ ଜମା ହୋଇଯାଇଥିଲା । ମୃତ୍ୟୁ ହୃଦଘାତ ଯୋଗୁଁ ହୋଇଛି ବୋଲି କୁହାଯାଉଛି ।
ମିଡିଆ ରିପୋର୍ଟ ଅନୁସାରେ ଶାହାପୁର ଅଞ୍ଚଳରେ ଏହି ଘଟଣା ଶନିବାର ଦିନ ରାତିରେ ଘଟିଛି । ଶୁକ୍ରବାର ଦିନ ୩୦ ବର୍ଷୀୟ ଅନ୍ତଲାଲ ଉଇକେଙ୍କ କାକାପୁଅ ଭାଇ ସୋନୁ କୁମରେଙ୍କ ବାହାଘର ଥିଲା । ଶନିବାର ରାତିରେ ଭୋଜି ଚାଲିଥିଲା । ନାଚିବା ସମୟରେ ତଳେ ପଡିଯିବା ପରେ ଅନ୍ତଲାଲଙ୍କୁ ହସ୍ପିଟାଲ ନିଆ ଯାଇଥିଲା, କିନ୍ତୁ ସେତେବେଳକୁ ତାଙ୍କର ମୃତ୍ୟୁ ହୋଇ ଯାଇଥିଲା । ସେ ତିନି ଭଉଣୀରେ ଜଣେ ଭାଇ ଥିଲେ । ଅନ୍ତଲାଲଙ୍କ ୫ ବର୍ଷର ଗୋଟିଏ ଝିଅ ମଧ୍ୟ ଅଛି ।
ଭୋଜି ଚାଲିଥିବା ସମୟରେ ସମସ୍ତେ ନାଚୁ ଥିଲେ । ଯେତେବେଳେ ’ଏକ୍ ଚୁମ୍ମା ତୁ ହମକୋ ଉଧାର ଦେ’ ଗୀତ ବାଜିଲା ସେତେବେଳେ ଅନ୍ତଲାଲ ନିଜକୁ ରୋକି ପାରି ନଥିଲେ । ସେ ମଞ୍ଚ ତଳୁ ହିଁ ନୃତ୍ୟ କରିବା ଆରମ୍ଭ କରି ଦେଇଥିଲେ। ସାଙ୍ଗମାନେ ତାଙ୍କର ମୁହଁରେ ବେଲୁନ୍ ଲଗାଇ ତାଙ୍କୁ ଉଠାଇବାକୁ ଚେଷ୍ଟା କଲେ । ସେ ନ ଉଠିବାରୁ ସାଙ୍ଗମାନେ କହିଲେ ଉଠିଯା ନାଟକ ବହୁତ ହେଇଗଲା । ତଥାପି ସେ ଉଠିଲେ ନାହିଁ ।
ଭୋପାଳର ଫରେନସିକ୍ ବିଶେଷଜ୍ଞ ଡାକ୍ତର ଅଶୋକ ବର୍ମା କହିଛନ୍ତି ଯୁବକଙ୍କୁ କରୋନାରିରେ ସମସ୍ୟା ଥାଇପାରେ। ହୃତପିଣ୍ଡ ଫେଲର୍ ମୃତ୍ୟୁର କାରଣ ହୋଇଥାଇପାରେ । ଅନେକ ସମୟରେ ଆବଶ୍ୟକତାରୁ ଅଧିକ କାର୍ଯ୍ୟ (ଓଭର୍ ଏକ୍ଚିଭିଟି) କରୋନାରି ଫେଲରର କାରଣ ହୋଇଥାଏ ।