ନୂଆଦିଲ୍ଲୀ: ହାଇଦ୍ରାବାଦର ଚନ୍ଦନଗରରୁ ଏକ ଦୁଃଖଦ ଘଟଣା ସାମ୍ନାକୁ ଆସିଛି। କୁକୁର ଭୟରେ ତୃତୀୟ ମହଲାରୁ ଖସିପଡ଼ି ଜଣେ ଯୁବକଙ୍କ ପ୍ରାଣବାୟୁ ଉଡ଼ି ଯାଇଛି। ମୃତ ଯୁବକଙ୍କ ନାମ ଉଦୟ ବୋଲି ଜଣାପଡ଼ିଛି।

Advertisment

ସୂଚନାଯୋଗ୍ୟ, ତେନାଲିରେ ରହୁଥିବା ଉଦୟ ସାଙ୍ଗମାନଙ୍କ ସହ ବିବି ପ୍ରାଇଡ ହୋଟେଲକୁ ବୁଲିବାକୁ ଯାଇ ମଜାମସ୍ତି କରୁଥିଲେ। ଏହି ସମୟରେ କୌଣସି ଏକ କାମରେ ଉଦୟ ତୃତୀୟ ମହଲାକୁ ଯାଇଥିଲେ। ଯେମିତି ହିଁ ସେ ତୃତୀୟ ମହଲାରେ ପହଞ୍ଚିଥିଲେ ଏକ କୁକୁରର ସାମ୍ନା କରିଥିଲେ। 

କୁକୁର ଉଦୟଙ୍କୁ ଦେଖି ଭୁକିବାକୁ ଲାଗିଥିଲା। କୁକୁର ଭୟରେ ଉଦୟ ପ୍ରାଣବିକଳରେ କ’ଣ କରିବେ କିଛି ବୁଝି ନପାରି ତୃତୀୟ ମହଲାରୁ ତଳକୁ ଡେଇଁ ପଡ଼ିଥିଲେ। ସ୍ଥାନୀୟଲୋକେ ଉଦୟଙ୍କୁ ହୋଟେଲ ତଳୁ ଗୁରୁତର ଅବସ୍ଥାରେ ଉଦ୍ଧାର କରି ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରିଥିଲେ। କିନ୍ତୁ ଦୁଃଖର ବିଷୟ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। 

ଘଟଣା ସମ୍ପର୍କରେ ପୁଲିସରେ ଖବର ଦିଆଯାଇଥିଲା। ଖବର ପାଇବା ପରେ ପୁଲିସ ଘଟଣାସ୍ଥଳରେ ପହଞ୍ଚି ଉଦୟଙ୍କ ମୃତଦେହକୁ ବ୍ୟବଚ୍ଛେଦ ପାଇଁ ପଠାଇ ଯାଞ୍ଚ ଆରମ୍ଭ କରିଛି। ଏହି ଘଟଣାର ଏକ ସିସିଟିଭି ଫୁଟେଜ ସାମ୍ନାକୁ ଆସିଛି।