ଆମ ଦେଶ ପାଇଁ ଆମେ ଲଢ଼ିବୁ: ୟୁକ୍ରେନ ଫେରୁଛନ୍ତି ଅନ୍ୟ ଦେଶରେ ଥିବା ନାଗରିକ
କିଭ: ଆଜି ଋଷ ଏବଂ ୟୁକ୍ରେନ ମଧ୍ୟରେ ୧୦ ଦିନ ଧରି ଯୁଦ୍ଧ ଚାଲିଥିବାବେଳେ ୟୁକ୍ରେନ ରାଜଧାନୀ କିଭ ଉପରେ ଋଷର ସୈନିକମାନେ ଆକ୍ରମଣକୁ ଜୋରଦାର କରିଛନ୍ତି। ଆଉ ଆକ୍ରମଣରୁ ରକ୍ଷା ପାଇବା ପାଇଁ ସାଧାରଣ ନାଗରିକମାନେ ବଙ୍କର ଭିତରେ ଲୁଚିଥିବାବେଳେ ଏହି ସମୟରେ, ଏକ ବଡ ଖବର ସାମ୍ନାକୁ ଆସିଛି | ବାହାର ଦେଶରେ ଥିବା ୟୁକ୍ରେନୀୟମାନେ ଋଷ ସହ ଲଢେଇ ପାଇଁ ବିଦେଶରୁ ଫେରୁଛନ୍ତି। ପାଖାପାଖି ୬୬ ହଜାର ଲୋକ ନିଜ ଦେଶକୁ ଫେରୁଥିବାର ଖବର ଆସିଛି |
Sambad is now on WhatsApp
Join and get latest news updates delivered to you via WhatsApp
ୟୁକ୍ରେନୀୟମାନେ ଋଷର ସୈନିକମାନଙ୍କ ସହ ମୁହାଁମୁହିଁ ଲଢେଇ ପାଇଁ ଏବେ ବିଦେଶରୁ ଫେରୁଛନ୍ତି। ରିପୋର୍ଟ ଅନୁଯାୟୀ, ଋଷର ଆକ୍ରମଣ ହେତୁ ବିଦେଶ ଯାଇଥିବା ୟୁକ୍ରେନୀୟମାନେ ଏବେ ନିଜ ଦେଶକୁ ଫେରୁଛନ୍ତି। ସେମାନଙ୍କ ସଂଖ୍ୟା ୬୬ ହଜାରରୁ ଅଧିକ ବୋଲି କୁହାଯାଉଥିବାବେଳେ ସେମାନଙ୍କର ଉଦ୍ଦେଶ୍ୟ ହେଉଛି ଯେ ନିଜ ଦେଶକୁ ସୁରକ୍ଷା ଦେବା ପାଇଁ ଋଷ ସୈନିକମାନଙ୍କ ସହିତ ଯୁଦ୍ଧ କରିବେ |
ସୂଚନାଯୋଗ୍ୟ ଯେ ଏହା ପୂର୍ବରୁ ମଧ୍ୟ ୟୁକ୍ରେନ ସରକାର ସାଧାରଣ ଲୋକଙ୍କୁ ଅନେକ ଥର ଯୁଦ୍ଧକୁ ସମର୍ଥନ କରିବାକୁ ନିବେଦନ କରିଛନ୍ତି। ଏଥିପାଇଁ ସରକାର ସାଧାରଣ ୟୁକ୍ରେନୀୟମାନଙ୍କ ପାଇଁ ସେନା ନିଯୁକ୍ତିରେ ବୟସ ସୀମା ହଟାଇ ଦେଇଛନ୍ତି।