ରାଞ୍ଚି: ଝାଡ଼ଖଣ୍ଡର ଡୁମ୍‌କା ଜିଲ୍ଲାରେ ଆଜି ପୁଣି ଭିଡ଼ହିଂସା ଖବର ମିଳିଛି। ଜଣେ ଯୁବକକୁ ଚୋର ସନ୍ଦେହରେ କିଛି ସ୍ଥାନୀୟ ଲୋକ ପିଟିପିଟି ମାରିଦେଇଛନ୍ତି। ଡୁମ୍‌କା ଏସ୍‌ପି ୱାଇଏସ୍‌ ରମେଶ କହିଛନ୍ତି, ରାଞ୍ଚିଠାରୁ ୨୮୦ କିମି ଦୂର ଜାରମୁଣ୍ଡି ଥାନା ଅଧୀନସ୍ଥ ଚିହୁତିୟା ଗ୍ରାମରେ ଗତ ରାତିରେ ଏହି ଘଟଣା ଘଟିଛି। ମୃତ ବ୍ୟକ୍ତିଙ୍କ ନାମ ଭୋଲା ରାଜୱର। ଭୋଲାଙ୍କ ସମେତ ୩ ଜଣ ବ୍ୟକ୍ତି ଗତକାଲି ଚିହୁତିୟା ଗ୍ରାମର ଜଣେ ବ୍ୟକ୍ତିଙ୍କ ଘରୁ ଚୋରି କରି ଫେରୁଥିବା ବେଳେ ଆକ୍ରମଣର ଶିକାର ହୋଇଥିବା ଜଣାପଡ଼ିଛି।