ତିନି ଛୁଆଙ୍କ ସହ କୂଅକୁ ଡେଇଁପଡ଼ିଲା ମା

ରାଞ୍ଚି: ଝାଡ଼ଖଣ୍ଡର ଗିରିଡିହ ଜିଲ୍ଲାରେ ଆଜି ଏକ ହୃଦୟବିଦାରକ ଘଟଣା ସାମ୍ନାକୁ ଆସିଛି | ଯେଉଁଠାରେ ପାରିବାରିକ ବିବାଦ ଯୋଗୁଁ ଜଣେ ମହିଳା ନିଜର ତିନି ଛୁଆଙ୍କୁ ନେଇ କୂଅକୁ ଡେଇଁପଡ଼ିଥିଲେ | ଘଟଣାଟି ଗିରିଡିହ ଜିଲ୍ଲାର ଦେଓରି ଥାନା ଅଞ୍ଚଳର ଖାସଲୋଡିହ ଗାଁରେ ଘଟିଛି | ପାରିବାରିକ ବିବାଦ ଯୋଗୁଁ ଜଣେ ମହିଳା ତାଙ୍କ ତିନି ପିଲାଙ୍କ ସହିତ କୂଅକୁ ଡେଇଁ ପଡ଼ିଥିଲେ, ଯାହା ଫଳରେ ତିନି ପିଲାଙ୍କର ମୃତ୍ୟୁ ହୋଇଥିଲା। ସେହିପରି ମହିଳାଙ୍କୁ ଉଦ୍ଧାର କରାଯାଇଥିବାବେଳେ ତାଙ୍କ ଅବସ୍ଥା ସଙ୍କଟାପନ୍ନ ରହିଛି। ମୃତକଙ୍କ ମଧ୍ୟରେ ୬ ବର୍ଷୀୟ ଅଭିନାଶ କୁମାର, ୩ ବର୍ଷୀୟ ରାଣୀ କୁମାରୀ ଏବଂ ୨ ବର୍ଷର ନିଷ୍ପାପ ଝିଅ ଫୁଲ କୁମାରୀ ରହିଛନ୍ତି ।

ପିଲାମାନଙ୍କ ସହିତ ଡେଇଁ ପଡ଼ିଥିବା ମହିଳା ଆରତୀ ଦେବୀଙ୍କୁ ଅଚେତ ଅବସ୍ଥାରେ ଗିରିଡିହ ଡାକ୍ତରଖାନାକୁ ପଠାଯାଇଛି। ମହିଳାଙ୍କ ଅବସ୍ଥା ଗୁରୁତର ବୋଲି କୁହାଯାଉଛି। ଏହି ଘଟଣା ପରେ ସମଗ୍ର ଗାଁରେ ଶୋକର ଛାୟା ଖେଳିଯାଇଛି। ମୃତ ପିଲାମାନଙ୍କ ଜେଜେମା କହିଛନ୍ତି ଯେ ତାଙ୍କ ପୁଅ ଏବଂ ପିଲାମାନଙ୍କ ବାପା ସୋନୁ କୁମାର ଏକ ବିବାହ ଉତ୍ସବରେ ଯାଇଥିଲେ। ଯେତେବେଳେ ମହିଳା ଏବଂ ପିଲାମାନେ ଘରେ ମିଳିଲେ ନାହିଁ, ସେମାନଙ୍କର ଖୋଜାଖୋଜି ଆରମ୍ଭ ହେଲା। ତା’ପରେ କିଛି ଗାଁ ଲୋକ କହିଲେ ଯେ ଆରତୀ ଦେବୀ ଗାଁର କୂଅ ପାଖକୁ ଯାଉଛନ୍ତି। ଏହା ଶୁଣି ଜେଜେମା ଶୀଘ୍ର କୂଅ ପାଖକୁ ଦୌଡ଼ିଗଲେ।

ସେଠାରେ ପହଞ୍ଚି ସେ କୂଅ ଭିତରକୁ ଚାହିଁ ଚିତ୍କାର କରିଥିଲେ | ତା’ପରେ କିଛି ସମୟ ମଧ୍ୟରେ ସେଠାରେ ଗାଁ ଲୋକଙ୍କ ପହଞ୍ଚି ଯାଇଥିଲେ | ଯେତବେଳେ ଗ୍ରାମବାସୀ ମହିଳା ଏବଂ ତିନି ପିଲାଙ୍କୁ କୂଅରୁ ବାହାର କଲେ, ସେତେବେଳେ ପିଲାଙ୍କର ମୃତ୍ୟୁ ହୋଇଯାଇଥିଲା। ମହିଳାଙ୍କ ଅବସ୍ଥା ଗମ୍ଭୀର ଥିବାରୁ ତାଙ୍କୁ ଉନ୍ନତ ଚିକିତ୍ସା ପାଇଁ ଗିରିଡିହ ସଦର ହସ୍ପିଟାଲକୁ ପଠାଯାଇଥିଲା। ଏହା ପରେ, ଗାଁ ଲୋକେ ଘଟଣା ବିଷୟରେ ଦେଓରି ପୋଲିସକୁ ଜଣାଇଥିଲେ। ସୂଚନା ମିଳିବା ମାତ୍ରେ ଦେଓରି ଇନ୍ସପେକ୍ଟର ପାସ୍କଲ୍ ଟପ୍ପୋ ଖାସଲୋଡିହ ଗାଁରେ ପହଞ୍ଚି ତଦନ୍ତ ଆରମ୍ଭ କରିଛି।