କାଲିମେଳା: ମାଲକାନଗିରିଜିଲ୍ଲା ସୀମାନ୍ତ ମୋଟୁ ନିକଟରେ ଥିବା ଆନ୍ତଃ ରାଜ୍ୟ ତନଖି ନିକଟରୁ ଆଜି ଭୋର ସମୟରେ ୪୭୩ଟି ଜୀବନ୍ତ କଇଁଛ ଉଦ୍ଧାର କରାଯାଇଛି | ଏକ ବୋଲେରୋ ଭିତରେ ୧୩ଟି ଟ୍ରେରେ ଏହି ସବୁ କଇଁଛକୁ ଲୁଚେଇ ରଖା ଯାଇଥିଲା | କୌଣସି ସୂତ୍ରରୁ ଖବର ପାଇ ମୋଟୁ ବନ ବିଭାଗ ଏହି ବୋଲେରୋଟିକୁ ଅଟକାଇବାକୁ ଚେଷ୍ଟା କରିବାରୁ ଗାଡ଼ି ଭିତରେ ଥିବା ଦୁଇଜଣ ମାଫିଆ ଅନ୍ଧାରର ସୁଯୋଗ ନେଇ ଫେରାର ହୋଇଯାଇଥିଲେ | ତେବେ ଗାଡି ଭିତରେ ୧୩ଟି ଟ୍ରେରେ ୪୭୩ଟି ଜୀବନ୍ତ କଇଁଛ ରହିଥିବାର ଦେଖିବାକୁ ମିଳିଥିଲା। ମୋଟୁ ବନ ବିଭାଗ କଇଁଛଗୁଡ଼ିକୁ ଜବତ କରିବା ସହିତ ବୋଲେରୋକୁ ଜବତ କରି ଏକ ମାମଲା ରୁଜୁ କରି ତଦନ୍ତ କରୁଥିବାର ସୂଚନା ମିଳିଛି |

Advertisment

ସୂଚନାଯୋଗ୍ୟ, ଚଳିତ ମାସ ୨ ତାରିଖରେ ସେହି ମୋଟୁ ତନଖି ଫାଟକ ନିକଟରୁ ୩୦୮ଟି ଜୀବନ୍ତ କଇଁଛ ଉଦ୍ଧାର କରିବା ସହ ୨ ଜଣଙ୍କୁ ଗିରଫ କରି କୋର୍ଟଚାଲାଣ କରିଥିଲା ମୋଟୁ ବନ ବିଭାଗ| ଉଲ୍ଲେଖଯୋଗ୍ୟ ଯେ ମାଲକାନଗିରି ଜିଲ୍ଲାରେ କଇଁଛ ମାଂସର ଚାହିଦା ଅଧିକ ରହିଥିବାରୁ ବେପାରୀମାନେ ଚୋରାରେ ଆନ୍ଧ୍ରରୁ କମ ଦାମରେ କିଣି ଅଧିକା ଦାମରେ ବିକ୍ରି କରି ମାଲାମାଲ ହେଉଛନ୍ତି |

ସୂଚନାଯୋଗ୍ୟ, ଚଳିତ ମାସ ୨ ତାରିଖରେ ସେହି ମୋଟୁ ତନଖି ଫାଟକ ନିକଟରୁ ୩୦୮ଟି ଜୀବନ୍ତ କଇଁଛ ଉଦ୍ଧାର କରିବା ସହ ୨ ଜଣଙ୍କୁ ଗିରଫ କରି କୋର୍ଟଚାଲାଣ କରିଥିଲା ମୋଟୁ ବନ ବିଭାଗ|

ଉଲ୍ଲେଖଯୋଗ୍ୟ ଯେ ମାଲକାନଗିରି ଜିଲ୍ଲାରେ କଇଁଛ ମାଂସର ଚାହିଦା ଅଧିକ ରହିଥିବାରୁ ବେପାରୀମାନେ ଚୋରାରେ ଆନ୍ଧ୍ରରୁ କମ ଦାମରେ କିଣି ଅଧିକା ଦାମରେ ବିକ୍ରି କରି ମାଲାମାଲ ହେଉଛନ୍ତି |

crime