ଜୁଆ ଆଡ୍ଡାରେ ଚଢ଼ାଉ, ୫ ଜୁଆଡ଼ି ଗିରଫ: ୬୧ ହଜାର ଟଙ୍କା ଜବତ

ନୂଆପଡ଼ା: ଜୁଆ ଖେଳୁଥିବାବେଳେ ମାଡିବସିଲା ପୁଲିସ | ଆଉ ୫ ଜୁଆଡ଼ିଙ୍କୁ ଧରିବା ସହ ବିପୁଳ ଟଙ୍କା ଜବତ କରିଛି ନୂଆପଡା ପୁଲିସ | ମିଳିଥିବା ସୂଚନା ମୁତାବକ ନୂଆପଡ଼ା ପୁଲିସ ସାଇପଲା ଗାଁ ନିକଟ ଜଙ୍ଗଲରେ ଜୁଆଖେଳ ଚାଲିଥିବାବେଳେ ଚଢ଼ାଉ କରିଥିଲା । ସେଠାରୁ ୫ ଜୁଆଡ଼ିଙ୍କୁ ଗିରଫ କରିବା ସହ ନଗଦ ୬୧ ହଜାର ଟଙ୍କା ଜବତ କରିଥିଲା ।

ଗତକାଲି ରାତିରେ ସାଇପଲା ଗାଁ ନିକଟ ଜଙ୍ଗଲରେ ଏକ ଜୁଆ ଆଡ୍ଡା ଚାଲିଥିଲା । ଏହି ଖବର ପାଇ ନୂଆପଡ଼ା ଆଇଆଇସି ଗଙ୍ଗାଧର ମେହେରଙ୍କ ନେତୃତ୍ୱରେ ଏକ ପୁଲିସ ଟିମ ଚଢାଉ କରିଥିଲା। ସେଠାରୁ ୫ ଜୁଆଡିଙ୍କୁ ଗିରଫ କରିବା ସହ ନଗଦ ୬୧ହଜାର ଟଙ୍କା, ୫ଟି ମୋବାଇଲ ଓ ୫ଟି ବାଇକ ଜବତ କରିଥିଲା । ଆଜି ସକାଳେ ସମସ୍ତ ଜୁଆଡ଼ିଙ୍କୁ ନୋଟିସ କରି ଥାନାରୁ ଛାଡ଼ି ଦେଇଥିବା ପୁଲିସ ସୂଚନା ଦେଇଛି ।