ହିନ୍ଦୁ କହୁଛ..ମୋଦୀଙ୍କୁ ପ୍ରଶ୍ନ କଲେ ଶଙ୍କରାଚାର୍ଯ୍ୟ ଅଭିମୁକ୍ତେଶ୍ବରାନନ୍ଦ

ନୂଆଦିଲ୍ଲୀ: ଉତ୍ତରାଖଣ୍ଡରେ ଥିବା ଜ୍ୟୋତିଷ ପୀଠ (ଜ୍ୟୋତିମଠ) ର ଶଙ୍କରାଚାର୍ଯ୍ୟ ସ୍ୱାମୀ ଅଭିମୁକ୍ତେଶ୍ବରାନନ୍ଦ ସରସ୍ୱତୀ ତାଙ୍କ ବିବୃତ୍ତି ପାଇଁ ହେଡଲାଇନରେ ରହିଥା’ନ୍ତି | ମଙ୍ଗଳବାର ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ବିଷୟରେ ଏକ ବଡ଼ କଥା କହିଛନ୍ତି। ପ୍ରଧାନମନ୍ତ୍ରୀ ମୋଦୀଙ୍କ ଜନ୍ମଦିନ ସମ୍ପର୍କରେ ଶଙ୍କରାଚାର୍ଯ୍ୟ ଅଭିମୁକ୍ତେଶ୍ବରାନନ୍ଦ କହିଛନ୍ତି ଯେ ଇଂରାଜୀ ତାରିଖରେ ନିଜ ଜନ୍ମଦିନ ପାଳନ କରୁଥିବା ବ୍ୟକ୍ତିଙ୍କୁ ଆମେ ହିନ୍ଦୁ ଭାବରେ ଗ୍ରହଣ କରୁନାହୁଁ, କାରଣ ହିନ୍ଦୁ ଦେବତା ଏବଂ ଦେବୀଙ୍କ ଜନ୍ମ ତାରିଖ ଇଂରାଜୀ ତାରିଖରୁ କରାଯାଇ ନାହିଁ। ଏକ ସାକ୍ଷାତକାରରେ ଅଭିମୁକ୍ତେଶ୍ବରାନନ୍ଦ ଶଙ୍କରାଚାର୍ଯ୍ୟ କହିଛନ୍ତି, 'ଯିଏ ନିଜ ଜନ୍ମଦିନକୁ ଇଂରାଜୀ ତାରିଖରେ ପାଳନ କରୁଛି, ତାଙ୍କ ମା ଇଂରେଜ କିମ୍ବା ପିତା ଇଂରେଜ ହୋଇଥିବେ |

ସେଥିପାଇଁ ଆମେ ଇଂରାଜୀ ତାରିଖ ସହିତ ପାଳନ କରୁଥିବା ଲୋକଙ୍କୁ ଶୁଭକାମନା କରୁ ନାହୁଁ କି କିଛି ଆଲୋଚନା କରୁନାହୁଁ | ଗୋହତ୍ୟା ବିଷୟରେ ଶଙ୍କରାଚାର୍ଯ୍ୟ ଅଭିମୁକ୍ତେଶ୍ବରାନନ୍ଦ କହିଛନ୍ତି, 'ବର୍ତ୍ତମାନର ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ କେବଳ ଗୋଟିଏ ପ୍ରଶ୍ନ ପଚାରିବାକୁ ଚାଁହୁଛି ,' ତୁମେ ଜଣେ ହିନ୍ଦୁ ... ତୁମର ଶକ୍ତି ଅଛି ଏବଂ ତୁମେ ସିଂହାସନରେ ବସିଛ। ତୁମକୁ ହିନ୍ଦୁମାନେ ଭୋଟ ଦେଇଛନ୍ତି | ତୁମେ ଗାଈ ବାଛୁରୀକୁ ସ୍ନେହ କରୁଥିବାର ଦେଖିଛୁ |

ଏହା ସତ୍ତ୍ୱେ ବି ଦେଶରେ କାହିଁକି ଗୋହତ୍ୟା ବନ୍ଦ ହେଉନାହିଁ | ଆପଣଙ୍କ ଉପରେ କଣ ଚାପ ଅଛି, ସାର୍ବଜନୀନ କରନ୍ତୁ | ଯଦି ଏହା କରିପାରୁନାହଁ, ତେବେ ହିନ୍ଦୁ ହିନ୍ଦୁ କହିବା ଛାଡ | ସ୍ୱାମୀ ଅଭିମୁକ୍ତେଶ୍ବରାନନ୍ଦ କହିଛନ୍ତି ଯେ ଗତ ୧୬ ବର୍ଷ ଧରି ଦେଶରେ ବିଜେପି କ୍ଷମତାରେ ଅଛି, ଯେଉଁଥିରେ ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀଙ୍କ କାର୍ଯ୍ୟକାଳ ମଧ୍ୟ ରହିଛି। ଏଭଳି ପରିସ୍ଥିତିରେ ଆପଣ ଗୋହତ୍ୟା ମାମଲାରେ ବିଳମ୍ବ କରିବାର କାରଣ କ’ଣ? ମୁଁ ପ୍ରଧାନମନ୍ତ୍ରୀ ମୋଦୀଙ୍କୁ ପଚାରିବାକୁ ଚାହୁଁଛି ଏବଂ ପ୍ରଧାନମନ୍ତ୍ରୀ ହିନ୍ଦୁ ଜନସାଧାରଣଙ୍କ ସମ୍ମୁଖରେ ଏହାର ଉତ୍ତର ଦେବା ଉଚିତ୍।