ସୁନ୍ଦରଗଡ଼ ବିଜୁ ଯୁବ ଓ ଛାତ୍ର ଜନତା ଦଳ ପକ୍ଷରୁ ବିକ୍ଷୋଭ ପ୍ରଦର୍ଶନ

ସୁନ୍ଦରଗଡ଼: ରାଜ୍ୟରେ ବଢ଼ିଚାଲିଛି ନାରୀଙ୍କ ଅତ୍ୟାଚାର ଓ ନିର୍ଯାତନା। ବିଗିଡ଼ି ଯାଇଛି ଆଇନଶୃଙ୍ଖଳା ପରିସ୍ଥିତି। ଅପରାଧୀ ବେଲଗାମ ହୋଇ ରାସ୍ତାରେ ବୁଲୁଛନ୍ତି। ଆଜି ରାଜ୍ୟରେ ସୁରକ୍ଷିତ ନାହାନ୍ତି ନାରୀ ସମାଜ । ମୂଖ୍ୟମନ୍ତ୍ରୀ ନିଜେ ଗୃହ ବିଭାଗର ଦାୟିତ୍ବରେ ଥିବା ବେଳେ ଗୋପାଳପୁର ଗଣଦୁଷ୍କର୍ମ ଭଳି ଘଟଣା ରାଜ୍ୟକୁ ଲଜ୍ଜିତ କରିଛି । ଆମେରିକା ଭଳି ଦେଶ ଓଡ଼ିଶାକୁ ଅସୁରକ୍ଷିତ ବୋଲି କହିବା ଅତ୍ୟନ୍ତ ଲଜ୍ଜାର ବିଷୟ। ଏହାକୁ ପ୍ରତିବାଦ କରି ଆଜି ସାରା ରାଜ୍ୟ ସମେତ ସୁନ୍ଦରଗଡ଼ ବିଜୁ ଯୁବ ଓ ଛାତ୍ର ଜନତା ଦଳ ବିକ୍ଷୋଭ ପ୍ରଦର୍ଶନ କରିବା ସହ ମୂଖ୍ୟମନ୍ତ୍ରୀଙ୍କ କୁଶ ପୁତ୍ତଳିକା ଦାହ କରିଛି ।

ରାଜ୍ୟ ଯୁବ ଜନତା ଦଳ କାର୍ଯ୍ୟକାରୀ ସଭାପତି ବୈକୁଣ୍ଠ ନାଏକଙ୍କ ନେତୃତ୍ବରେ ସୁନ୍ଦରଗଡ଼ ସରକାରୀ ମହାବିଦ୍ୟାଳୟ, ମହିଳା ମହାବିଦ୍ୟାଳୟ ଏବଂ ଡିଆରଡିଏ ଛକ ଠାରେ ବିକ୍ଷୋଭ ପ୍ରଦର୍ଶନ କରାଯାଇଛି । ଏଥିରେ ଜିଲ୍ଲା ବିଜୁ ଯୁବ ଜନତା ଦଳ ସଭାପତି ଦେବେନ୍ଦ୍ର ମାଝୀ,ଜିଲ୍ଲା ବିଜୁ ଛାତ୍ର ଜନତା ଦଳ ସଭାପତି ଶହବାଜ ହୁସେନଙ୍କ ସମେତ କହୁ କର୍ମୀ ଯୋଗଦେଇଥିଲେ।

 ରାଜ୍ୟ ଯୁବ ଜନତା ଦଳ କାର୍ଯ୍ୟକାରୀ ସଭାପତି ବୈକୁଣ୍ଠ ନାଏକଙ୍କ ନେତୃତ୍ବରେ ସୁନ୍ଦରଗଡ଼ ସରକାରୀ ମହାବିଦ୍ୟାଳୟ, ମହିଳା ମହାବିଦ୍ୟାଳୟ ଏବଂ ଡିଆରଡିଏ ଛକ ଠାରେ ବିକ୍ଷୋଭ ପ୍ରଦର୍ଶନ କରାଯାଇଛି । ଏଥିରେ ଜିଲ୍ଲା ବିଜୁ ଯୁବ ଜନତା ଦଳ ସଭାପତି ଦେବେନ୍ଦ୍ର ମାଝୀ,ଜିଲ୍ଲା ବିଜୁ ଛାତ୍ର ଜନତା ଦଳ ସଭାପତି ଶହବାଜ ହୁସେନଙ୍କ ସମେତ କହୁ କର୍ମୀ ଯୋଗଦେଇଥିଲେ।