'ଯେବେ କେହି ଆସିନଥିଲେ, ସୁକୁମାର ଆସିଥିଲେ' ଏମିତି କାହିଁକି କହିଲେ ଅଲୁ

ମୁମ୍ବାଇ: ଯେତେବେଳେ କେହି ପଚାରିନଥିଲେ, ସେତେବେଳେ ସୁକୁମାର ମୋ ଜୀବନରେ ଆସିଥିଲେ ଆଉ ମୋତେ ଷ୍ଟାର କରିଥିଲେ | ଇମୋସନାଲ ହୋଇ ନିଜ ନିର୍ଦ୍ଦେଶକ ସୁକୁମାରଙ୍କ ପାଇଁ ଏଭଳି କିଛି କହିଛନ୍ତି ସାଉଥ ସୁପରଷ୍ଟାର ଅଲୁ ଅର୍ଜୁନ | ୨୦ ବର୍ଷ ପୂର୍ବର ଏକ ଅନୁଭୂତିକୁ ମନେ ପକାଇ ଅଲୁ ସୁକୁମାରଙ୍କୁ ପ୍ରଶଂସା କରିଛନ୍ତି | ବାସ୍ତବରେ ୨୦ ବର୍ଷ ତଳେ ତେଲୁଗୁ ସିନେ ଇଣ୍ଡଷ୍ଟ୍ରି ପାଇଁ ଦୁଇ ଜଣ ନୂତନ ପ୍ରତିଭା ଏକ ଚଳଚ୍ଚିତ୍ରରେ ଏକାଠି କାମ କରିଥିଲେ | ଏହି ଚଳଚ୍ଚିତ୍ରଟି ଏକ ବ୍ଲକବଷ୍ଟର ବୋଲି ପ୍ରମାଣିତ ହୋଇଥିଲା | ଏହି ଚଳଚ୍ଚିତ୍ରର ନିର୍ଦ୍ଦେଶକ ସୁକୁମାର ଏବଂ ମୁଖ୍ୟ ଅଭିନେତା ଅଲୁ ଅର୍ଜୁନ ଥିଲେ। ଏହି ଚଳଚ୍ଚିତ୍ରର ନାମ ଥିଲା ଆର୍ଯ୍ୟା। 

ଏହା ଥିଲା ନିର୍ଦ୍ଦେଶକ ସୁକୁମାରଙ୍କ ପ୍ରଥମ ଚଳଚ୍ଚିତ୍ର ଏବଂ ଅଲୁ ଅର୍ଜୁନଙ୍କର ଦ୍ୱିତୀୟ ଚଳଚ୍ଚିତ୍ର | ଏହାପୂର୍ବରୁ, ଅଲୁ ୨୦୦୩ ରେ ଗଙ୍ଗୋତ୍ରୀ ଫିଲ୍ମ ମାଧ୍ୟମରେ ଡେବ୍ୟୁ କରିଥିଲେ। ଏହା ପରେ ଏହି ଯୋଡି ଏକାଠି ୪ଟି ଚଳଚ୍ଚିତ୍ର ଭେଟି ଦେଇଥିଲେ | 

ଏହି ଚଳଚ୍ଚିତ୍ରଗୁଡ଼ିକ ମଧ୍ୟରୁ ଆର୍ଯ୍ୟା (୨୦୦୪), ଆର୍ଯ୍ୟା 2 (୨୦୦୯) ଏବଂ ତୃତୀୟଟି ହେଲା ପୁଷ୍ପା (୨୦୨୧) | ବର୍ତ୍ତମାନ ଏହି ଯୋଡି ପୁଷ୍ପା ୨ ସହିତ ୨୦୨୪ ମସିହାରେ ଚତୁର୍ଥ ଥର ପାଇଁ ପୁଣି ଥରେ ଆସିବାକୁ ପ୍ରସ୍ତୁତ ହେଉଛନ୍ତି |

ନିକଟରେ ଚେନ୍ନାଇରେ ଏକ ପ୍ରି-ରିଲିଜ୍ ଇଭେଣ୍ଟରେ ଅଲୁ ଅର୍ଜୁନ ନିର୍ଦ୍ଦେଶକ ସୁକୁମାରଙ୍କ ସହ ତାଙ୍କ ସମ୍ପର୍କ ବିଷୟରେ କହିଥିଲେ। ଏହି ସମୟରେ, ଅଲୁ ଭାବପ୍ରବଣ ହୋଇ କହିଥିଲେ ଯେ ସୁକୁମାର କେବଳ ତାଙ୍କ କ୍ୟାରିଅରକୁ ଠିକ୍ ଦିଗ ଦେଇନାହାଁନ୍ତି ବରଂ ତାଙ୍କୁ ଆଗକୁ ମଧ୍ୟ ବଢ଼ାଇଛନ୍ତି | 

ଅଲୁ ଅର୍ଜୁନ କହିଛନ୍ତି, ମୁଁ ରାଘବେନ୍ଦ୍ର ରାଓଙ୍କ ଗଙ୍ଗୋତ୍ରୀରେ ମୁଖ୍ୟ ଭୂମିକାରେ ଅଭିନୟ କରିଥିଲି। ଏହି ଚଳଚ୍ଚିତ୍ରଟି ଏକ ସୁପରହିଟ୍ ଥିଲା, କିନ୍ତୁ ମୁଁ ଜଣେ ଅଭିନେତା ଭାବରେ ଭଲ କରିପାରିଲି ନାହିଁ | ସେ ଆହୁରି ମଧ୍ୟ କହିଛନ୍ତି ଯେ ଫିଲ୍ମ ରିଲିଜ୍ ହେବା ପରେ ମଧ୍ୟ ମୋ ସହ କାମ କରିବାକୁ କେହି ଆସି ନଥିଲେ | ତା’ପରେ ଜଣେ ଡେବ୍ୟୁ ଚଳଚ୍ଚିତ୍ର ନିର୍ମାତା ମୋ ପାଖକୁ ଆସି ମୋତେ ଆର୍ଯ୍ୟା ଦେଲେ ଏବଂ ସେବେଠାରୁ ମୁଁ ପଛକୁ ଚାହିଁ ନାହିଁ |

ଅଭିନେତା ଆହୁରି କହିଛନ୍ତି ଯେ- ଯେତେବେଳେ ବି ମୁଁ ମୋ କ୍ୟାରିଅରକୁ ଦେଖେ, ମୋ ଜୀବନରେ ସବୁଠାରୁ ଅଧିକ ପ୍ରଭାବ ପକାଇଥିବା ବ୍ୟକ୍ତି ହେଉଛନ୍ତି ସୁକୁମାର |