ଦୁଇଟି ଅଟୋ ରିକ୍ସାକୁ ଧକ୍କା ଦେଲା ଦ୍ରୁତ ଗତିରେ ଆସୁଥିବା ଏକ ଅଡି

ମୁମ୍ବାଇ: ସୋମବାର ମୁମ୍ବାଇରେ ଦ୍ରୁତ ଗତିରେ ଆସୁଥିବା ଏକ ଅଡି କାର ଦୁଇଟି ଅଟୋ ରିକ୍ସାକୁ ଧକ୍କା ଦେବା ଫଳରେ ଦୁର୍ଘଟଣା ଘଟିଛି। ଏହି ଘଟଣାରେ ଉଭୟ ଅଟୋ ରିକ୍ସାର ଡ୍ରାଇଭର ଏବଂ ଚାରି ଜଣ ଯାତ୍ରୀ ଆହତ ହୋଇଛନ୍ତି।

ସେମାନଙ୍କ ମଧ୍ୟରୁ ଜଣେ ଡ୍ରାଇଭର ଗୁରୁତର ହୋଇଥିବା ଜଣାଯାଇଛି। ଏହି ଦୁର୍ଘଟଣାରେ ଅଟୋ ରିକ୍ସା ଏବଂ କାରର କ୍ଷୟକ୍ଷତି ଘଟିଛି। ଘଟଣା ଘଟାଇ ଅଡି ଡ୍ରାଇଭର ଘଟଣାସ୍ଥଳରୁ ପଳାଇ ଯାଇଥିଲେ। ଏହି ଦୁର୍ଘଟଣାକୁ ଦୃଷ୍ଟିରେ ରଖି ମୁଲୁଣ୍ଡ ପୁଲିସ ଅଭିଯୁକ୍ତଙ୍କ କାରକୁ ଜବତ କରି ମାମଲାର ତଦନ୍ତ ଆରମ୍ଭ କରିଛି।

ଜୁଲାଇ ୭ ତାରିଖରେ ମୁମ୍ବାଇର ଏକ କାର ୱର୍ଲିର ଡକ୍ଟର ଆନି ବେସାନ୍ତ ରୋଡରେ ଏକ ସ୍କୁଟରକୁ ଧକ୍କା ଦେଇଥିଲା। ଅଭିଯୁକ୍ତ ମିହିର ଶାହାଙ୍କୁ  ଗିରଫ କରାଯାଇଥିଲା ଏବଂ ତାଙ୍କୁ ଧରିବା ପାଇଁ ମୁମ୍ବାଇ ପୁଲିସ ଦ୍ବାରା ୧୪ଟି ଟିମ୍ ଗଠନ କରାଯାଇଥିଲା। ଏହି ଦୁର୍ଘଟଣାରେ ଜଣେ ୪୫ ବର୍ଷୀୟା ମହିଳାଙ୍କର ମୃତ୍ୟୁ ହୋଇଥିବା ବେଳେ ଦୁଇ ଚକିଆ ଯାନରେ ଯାଉଥିବା ତାଙ୍କ ସ୍ୱାମୀ ଆହତ ହୋଇଥିଲେ।