ସେପ୍ଟେମ୍ବର ୧୩ରେ ‘ଆଶ୍ରମ’

‘ଚକ୍ଷୁବନ୍ଧନ’ ଓ ‘ମାୟାବୀ’ ପରି ଦୁଇଟି ଚର୍ଚ୍ଚିତ ଓଡ଼ିଆ ସିନେମା ନିର୍ମାଣ କରିଥିବା ତପନ କୁମାର ଦାଶଙ୍କ ପ୍ରଯୋଜିତ ତୃତୀୟ ଛବି ‘ଆଶ୍ରମ’ ଆଗାମୀ ସେପ୍ଟେମ୍ବର ୧୩ ତାରିଖରେ ମୁକ୍ତିଲାଭ କରିବ। ଏହି ଫିଲ୍ମକୁ କେନ୍ଦ୍ରୀୟ ଚଳଚ୍ଚିତ୍ର ପ୍ରମାଣନ ବୋର୍ଡ (ସିବିଏଫ୍‌ସି) ପକ୍ଷରୁ ଅନକଟ୍ ‘ୟୁ’ ସାର୍ଟିଫିକେଟ୍ ପ୍ରଦାନ କରାଯାଇଛି।

‘କିଏ ପୋଛିବ ମା ଆଖିର ଲୁହ’ରୁ ଆରମ୍ଭ କରି ‘ଅପ‌ରେସନ୍ ୧୨/୧୭’ ପର୍ଯ୍ୟନ୍ତ ୨୦ରୁ ଅଧିକ ଛବିର ନିର୍ଦ୍ଦେଶନା ଦେଇଥିବା ସୁଧାଂଶୁ ମୋହନ ସାହୁ ଏହାର ନିର୍ଦ୍ଦେଶକ। ତପନ -ସୁଧାଂଶୁ ଯୋଡ଼ିର ଏହା ଦ୍ବିତୀୟ ସିନେମା। ‘ଆଶ୍ରମ’ରେ ମହାଶ୍ବେତା, ଅଭିଷେକ ଗିରି, ସୂର୍ଯ୍ୟମୟୀ, ନବାଗତ ସୌମ୍ୟ, ତନୁଶ୍ରୀ, ଶ୍ବେତା ଆଚାର୍ଯ୍ୟ, ଶଙ୍କର, ପ୍ରଶାନ୍ତ ପ‌ାତ୍ର ଓ ତୁଷାର ଆଚାର୍ଯ୍ୟ ପ୍ରମୁଖ  ମୁଖ୍ୟ ଭୂମିକାରେ ଅଭିନୟ କରିଛନ୍ତି। ଦିଲୀପ ଚୌଧୁରୀ ସିନେମାର ସଂଳାପ ଲେଖିଥିବା ବେଳେ ଓ ଗୀତ ରଚନା କରିଛନ୍ତି ବାପୁ ଗୋସ୍ବାମୀ। ଅଭିଜିତ ମଜୁମ୍‌ଦାରଙ୍କ ସଂଗୀତ ନିର୍ଦ୍ଦେଶନାରେ ଅସିତ ତ୍ରିପାଠୀ, ସୋହିନୀ ମିଶ୍ର, ବିଶ୍ୱଜିତ ମହାପାତ୍ର ଓ ରୂପକ ପରିଡା କଣ୍ଠଦାନ କରିଛନ୍ତି।