କୋର୍ଟ ପରିସରେ ଦୁଇ କଏଦୀଙ୍କ ମଧ୍ୟରେ ରକ୍ତାକ୍ତ ସଂଘର୍ଷ, ଜଣେ କଏଦୀଙ୍କର ମୃତ୍ୟୁ

ନୂଆଦିଲ୍ଲୀ: ଦିଲ୍ଲୀ ସାକେତ କୋର୍ଟରେ ଦୁଇ କଏଦୀଙ୍କ ମଧ୍ୟରେ ହୋଇଥିବା ରକ୍ତାକ୍ତ ସଂଘର୍ଷରେ ଜଣେ କଏଦୀଙ୍କ ମୃତ୍ୟୁ ହୋଇଯାଇଛି। ମିଳିଥିବା ସୂଚନା ମୁତାବକ ସକାଳେ ଜେଲ ନମ୍ବର ୮ ରେ ହାଜର ପାଇଁ କଏଦୀମାନଙ୍କୁ କୋର୍ଟ ଲକଅପକୁ ଅଣାଯାଇଥିଲା। ଏହି ସମୟରେ ଦୁଇ କଏଦୀଙ୍କ ମଧ୍ୟରେ ସଂଘର୍ଷ ହୋଇଥିଲା। ଯେଉଁଥିରେ ଅମନ ନାମକ ଜଣେ କଏଦୀ ଆହତ ହୋଇଥିଲେ। ତାଙ୍କୁ ହସ୍ପିଟାଲକୁ ନିଆଯାଇଥିଲା ଯେଉଁଠାରେ ତାଙ୍କର ମୃତ୍ୟୁ ହୋଇଥିଲା।

ମିଳିଥିବା ସୂଚନା ମୁତାବକ ଦିଲ୍ଲୀର ଗୋବିନ୍ଦପୁରୀର କଏଦୀ ଅମନ ଯାହାଙ୍କୁ କୋର୍ଟରେ ହାଜର ପାଇଁ ଲକଅପକୁ ଅଣାଯାଇଥିଲା। ଘଟଣା ସମୟରେ, ମୃତ ଅମନଙ୍କ ସମେତ ଆଉ କିଛି କଏଦୀ ମଧ୍ୟ ସେଠାରେ ଥିଲେ | ଏହି କଏଦୀମାନଙ୍କ ମଧ୍ୟରେ ହତ୍ୟାକାରୀ ଜିତେନ୍ଦ୍ର ବି ଉପସ୍ଥିତ ଥିଲା। ପ୍ରକୃତରେ, ୨୦୨୪ ରେ ଆକ୍ରମଣର ଏକ ଘଟଣା ଘଟିଥିଲା, ଯେତେବେଳେ ସେମାନେ ଉଭୟ ଜେଲରୁ ବାହାରେ ଥିଲେ। ସେହି ଘଟଣାରେ ଅମନ, ଜିତେନ୍ଦ୍ର ଏବଂ ତାଙ୍କ ଭାଇଙ୍କୁ ଛୁରୀରେ ଆକ୍ରମଣ କରିଥିବା ଅଭିଯୋଗ ହୋଇଥିଲା ।

ପୁଲିସ ଅନୁଯାୟୀ, ଗୁରୁବାର ସକାଳେ ତିହାର ଜେଲରୁ ଏକ ଜେଲ ଭ୍ୟାନ୍ ସାକେତ କୋର୍ଟକୁ ଅନେକ କଏଦୀଙ୍କୁ ନେଇ ଆସିଥିଲା। କଏଦୀମାନଙ୍କୁ କୋର୍ଟକୁ ଆଣିବା ପରେ ସମସ୍ତଙ୍କୁ ଲକ୍ଅପରେ ବନ୍ଦ କରିଦିଆଯାଇଥିଲା। ଏହି ସମୟରେ ଅମନ ନାମକ ଜଣେ କଏଦୀଙ୍କୁ ଜିତେନ୍ଦ୍ର ଏବଂ ଜୟଦେବ ନାମକ ଦୁଇ କଏଦୀ ଆକ୍ରମଣ କରିଥିଲେ। ଉଭୟେ ମିଶି ଅମନଙ୍କୁ ପ୍ରବଳ ମାଡ଼ ମାରିଥିଲେ। ଏହା ପରେ ଅମନଙ୍କୁ ହସ୍ପିଟାଲ ନିଆଯାଇଥିଲା ଯେଉଁଠାରେ ଡାକ୍ତର ଅମନଙ୍କୁ ମୃତ ଘୋଷଣା କରିଥିଲେ। ପୋଲିସ ତଦନ୍ତରୁ ଜଣାପଡିଛି ଯେ ଜିତେନ୍ଦ୍ର ଏବଂ ଅମନଙ୍କ ମଧ୍ୟରେ ପୁରୁଣା ଶତ୍ରୁତା ଥିଲା। ୨୦୨୪ ମସିହାରେ ଯେତେବେଳେ ଉଭୟ ଜେଲରୁ ବାହାରକୁ ଆସିଥିଲେ ସେତେବେଳେ, ଅମନ ଜିତେନ୍ଦ୍ର ଏବଂ ତାଙ୍କ ଭାଇଙ୍କୁ ଛୁରୀରେ ଆକ୍ରମଣ କରିଥିଲେ। ସେହି ପୁରୁଣା ଝଗଡ଼ାର ପ୍ରତିଶୋଧ ନେବା ପାଇଁ, ଏଥର ଅମନଙ୍କୁ ଲକ୍ଅପରେ ଆକ୍ରମଣ କରାଯାଇଥିଲା। ବର୍ତ୍ତମାନ, ପୋଲିସ ଘଟଣାର ତଦନ୍ତ କରୁଛି ଏବଂ ଉଭୟ ଆକ୍ରମଣକାରୀଙ୍କୁ ପଚରାଉଚରା କରାଯାଉଛି।