ହିଜବ-ଉତ-ତହରିରକୁ ଆତଙ୍କବାଦୀ ସଂଗଠନ ବୋଲି ଘୋଷିତ କଲା ଗୃହ ମନ୍ତ୍ରଣାଳୟ

ନୂଆଦିଲ୍ଲୀ: ଜମ୍ମୁକଶ୍ମୀର ତଥା ଦେଶର ଅନ୍ୟାନ୍ୟ ଅଞ୍ଚଳରେ ସକ୍ରିୟ ଥିବା ହିଜବ-ଉତ-ତହରିର ନାମକ ସଂଗଠନ ବିରୋଧରେ ଭାରତ ସରକାର କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି ଏବଂ ଏହାକୁ ନିଷିଦ୍ଧ କରିଛନ୍ତି। ଗୃହ ମନ୍ତ୍ରଣାଳୟ ଆଜି ଏକ ଗେଜେଟ୍ ବିଜ୍ଞପ୍ତି ଜାରି କରି ହିଜବ-ଉତ-ତହରିରକୁ ଆତଙ୍କବାଦୀ ସଂଗଠନ ବୋଲି ଘୋଷଣା କରିଛି। ଗୃହ ମନ୍ତ୍ରଣାଳୟ ଅନୁଯାୟୀ, ଏହି ସଂଗଠନ ଦେଶର ସମସ୍ତ ପ୍ରକାର ଆତଙ୍କବାଦୀ କାର୍ଯ୍ୟକଳାପରେ ଜଡିତ ଏବଂ ନୂତନ ଯୁବକମାନଙ୍କୁ ସେମାନଙ୍କ ଆଡକୁ ଆକର୍ଷିତ କରି ଆତଙ୍କବାଦ ଗ୍ରହଣ କରିବାକୁ ପ୍ରେରଣା ଯୋଗାଉଛି।

 ବାସ୍ତବରେ ଗତ କିଛି ଦିନ ମଧ୍ୟରେ ଜମ୍ମୁକଶ୍ମୀରରେ ଏନଆଇଏ ଚଢ଼ାଉ କରି ଜାଣିବାକୁ ପାଇଥିଲା ଯେ ହିଜବ-ଉତ-ତହରିର ସଂଗଠନ ଜାତୀୟ ବିରୋଧୀ କାର୍ଯ୍ୟକଳାପରେ ଜଡିତ ରହିଛି । ଏନଆଇଏ ରିପୋର୍ଟକୁ ଭିତ୍ତି କରି ଗୃହ ମନ୍ତ୍ରଣାଳୟ ଆଜି ଏକ ବଡ଼ ନିଷ୍ପତ୍ତି ନେଇଛି ଏବଂ ଏହି ସଂଗଠନକୁ ଆତଙ୍କବାଦୀ ସଂଗଠନର ଶ୍ରେଣୀରେ ରଖିଛି। ଗୃହ ମନ୍ତ୍ରଣାଳୟ ଅନୁଯାୟୀ, ଏହି ସଂଗଠନ ବିଭିନ୍ନ ଆତଙ୍କବାଦୀ କାର୍ଯ୍ୟକଳାପରେ ଜଡିତ ଅଛି, ନିରୀହ ଯୁବକମାନଙ୍କୁ ଆତଙ୍କବାଦୀ ସଂଗଠନରେ ଯୋଗଦେବା ଏବଂ ଆତଙ୍କବାଦୀ କାର୍ଯ୍ୟକଳାପ ପାଇଁ ପାଣ୍ଠି ସଂଗ୍ରହ କରିବା, ଯାହା ଭାରତର ଜାତୀୟ ସୁରକ୍ଷା ତଥା ସାର୍ବଭୌମତ୍ୱ ପାଇଁ ଏକ ଗୁରୁତର ବିପଦ। ଗତ ଏକ ବର୍ଷ ମଧ୍ୟରେ ଏହିପରି ଅନେକ ସଂସ୍ଥା ଉପରେ ଗୃହ ମନ୍ତ୍ରଣାଳୟ ପ୍ରତିବନ୍ଧକ ଲଗାଯାଇଛି।

କେନ୍ଦ୍ର ଗୃହ ମନ୍ତ୍ରଣାଳୟ ଏକ ବିଜ୍ଞପ୍ତିରେ କହିଛି ଯେ ନିରୀହ ଯୁବକମାନଙ୍କୁ ଇସଲାମିକ୍ ଷ୍ଟେଟ୍ (ଆଇଏସ୍) ପରି ଆତଙ୍କବାଦୀ ସଂଗଠନରେ ଯୋଗଦେବା ତଥା ଆତଙ୍କବାଦୀ କାର୍ଯ୍ୟକଳାପ ପାଇଁ ପାଣ୍ଠି ସଂଗ୍ରହରେ ହିଜବ-ଉତ-ତହରିର ଜଡିତ ଅଛି। ଏଥିରେ କୁହାଯାଇଛି ଯେ ହିଜବ-ଉତ-ତହରିର ବିଭିନ୍ନ ସୋସିଆଲ ମିଡିଆ ପ୍ଲାଟଫର୍ମ ବ୍ୟବହାର କରି ନିରୀହ ଯୁବକମାନଙ୍କୁ ଆତଙ୍କବାଦୀ କାର୍ଯ୍ୟକଳାପରେ ଯୋଗଦେବାକୁ ଉତ୍ସାହିତ କରୁଛି।