ଟ୍ରକ ଧକ୍କାରେ ବାଇକ ଆରୋହୀଙ୍କ ଶୋଚନୀୟ ମୃତ୍ୟୁ

ବୈଶିଙ୍ଗା: ମୟୁରଭଞ୍ଜ ଜିଲ୍ଲା ବୈଶିଙ୍ଗା ଥାନା ଅଧୀନ ୧୮ନଂ ଜାତୀୟ ରାଜପଥ ଗଡ଼ଦେଉଳିଆ ଠାରେ ସୋମବାର ଅପରାହ୍ନ ଦେଢ଼ଟା ପାଖାପାଖି ସମୟରେ ଏକ ଟ୍ରକ ଧକ୍କାରେ ଜନୈକ ବୁଲେଟ ଚାଳକଙ୍କର ଶୋଚନୀୟ ମୃତ୍ୟୁ ଘଟିଛି l ମୃତ ଯୁବକ ଜଣକ ହେଉଛନ୍ତି ବାଲେଶ୍ୱର ଜିଲ୍ଲା ବାଲିଆପାଳ ଅଞ୍ଚଳର ଶିବଶଙ୍କର ଦାଶ l

ସୂଚନା ମୁତାବକ ବାଲେଶ୍ୱର ସହରରେ ଥିବା ସାଇସାଧନା ଅନୁଷ୍ଠାନର ଶିବଶଙ୍କର ଦାଶ ଓ ବିଶ୍ୱଜିତ ସେଠୀ ଓଡି -୦୧ ଏୟୂ-୨୮୪୨ ନମ୍ବର ବିଶିଷ୍ଟ ବୁଲେଟ ଯୋଗେ ବୈଶିଙ୍ଗାରୁ ବାଲେଶ୍ୱର ଅଭିମୁଖେ ଯାଉଥିଲେ l ଶିବଶଙ୍କର ବାଇକ ଚଳାଉଥିବା ବେଳେ ବିଶ୍ୱଜିତ ପଛରେ ବସିଥିଲେ l ସେହି ସମୟରେ ସମାନ ଦିଗରେ ବାଲେଶ୍ୱର ଯାଉଥିବା ଏମଏଚ -୪୦ ବିଜି -୪୫୧୧ନମ୍ବର ବିଶିଷ୍ଟ ଟ୍ରକଟି ପଛପଟୁ ଆସି ଧକ୍କା ଦେଇଥିଲା l

ଦୁର୍ଘଟଣା ଏତେ ଶକ୍ତିଶାଳୀ ଥିଲା ଯେ ଘଟଣାସ୍ଥଳରେ ହିଁ ଶିବଶଙ୍କରଙ୍କର ଶୋଚନୀୟ ମୃତ୍ୟୁ ଘଟିଥିବା ବେଳେ ବିଶ୍ୱଜିତ ସାମାନ୍ୟ ଆହତ ହୋଇଥିଲେ l ବୈଶିଙ୍ଗା ପୁଲିସ ଘଟଣାସ୍ଥଳରେ ପହଞ୍ଚି ଉଭୟ ଦୁର୍ଘଟଣାଗ୍ରସ୍ତ ଟ୍ରକ ଓ ମୋଟରସାଇକେଲକୁ ଜବତ କରିବା ସହିତ ତଦନ୍ତ ଆରମ୍ଭ କରିଛି l