ଏହି ଦୁଇ ଆସନରେ ପରସ୍ପରକୁ ଖୁଲମଖୁଲା ସମର୍ଥନ କରୁଛନ୍ତି ଏମଏନଏସ ଓ ବିଜେପି

ମୁମ୍ବାଇ: ବିଜେପି ଏବଂ ଏମ୍ଏନ୍ଏସ୍ ଖୋଲାଖୋଲି ଭାବେ ଦୁଇଟି ଆସନରେ ପରସ୍ପରକୁ ସମର୍ଥନ କରୁଛନ୍ତି। ଏହା ହେଉଛି ମହାରାଷ୍ଟ୍ରର ଶିବଡି ଏବଂ ହିଙ୍ଗନା ଆସନ | ମୁମ୍ବାଇର ଶିବଡି ବିଧାନସଭା ନିର୍ବାଚନମଣ୍ଡଳୀରେ ଏମଏନଏସ ପ୍ରାର୍ଥୀଙ୍କୁ ବିଜେପି ସମର୍ଥନ କରୁଥିବାବେଳେ ଅନ୍ୟପଟେ ବିଜେପିର ହିଙ୍ଗାନା ପ୍ରାର୍ଥୀଙ୍କୁ ଏମଏନଏସ ସମର୍ଥନ ଘୋଷଣା କରିଛି । ଶିବଡି ବିଧାନସଭା ନିର୍ବାଚନମଣ୍ଡଳୀରୁ ଏମଏନଏସର ବାଲା ନନ୍ଦଗାଓଁକର୍ ପ୍ରତିଦ୍ୱନ୍ଦ୍ୱିତା କରୁଥିବାବେଳେ ହିଙ୍ଗନା ବିଧାନସଭା ଆସନରୁ ବିଧାୟକ ସମୀର ମେଘେଙ୍କୁ ବିଜେପି ଟିକେଟ ଦେଇଛି।

ଶିବଡିରେ ମହାଯୁତି କୌଣସି ପ୍ରାର୍ଥୀ ଦେଇନଥିବାବେଳେ ଏମଏନଏସ ହିଙ୍ଗନା ବିଧାନସଭା ଆସନରେ ପ୍ରାର୍ଥୀ ଦେଇ ବି ବିଜେପିକୁ ସମର୍ଥନ କରିଛି। ହିଙ୍ଗନାରେ ଏମଏନଏସ ବିଜାରାମ କିଙ୍କରଙ୍କୁ ଟିକେଟ ଦେଇଛି। ମହାବିକାଶ ଅଘାଡି ହିଙ୍ଗନାରୁ ଏନସିପି-ଏସପି ରମେଶ ବାଙ୍ଗଙ୍କୁ ପ୍ରାର୍ଥୀ କରିଛି | ଶିବଡିରେ, ଏମଏନଏସ ଵାଲା ନନ୍ଦଗାଓଁକରଙ୍କୁ ଟିକେଟ ଦେଇଥିବାବେଳେ ଶିବସେନା-ୟୁବିଟିର ଅଜୟ ଚୌଧୁରୀ ପ୍ରାର୍ଥୀ ହୋଇଛନ୍ତି |ଶିବଡିରେ ଗତ ଦୁଇଟି ନିର୍ବାଚନରେ ​​ଅବିଭାଜିତ ଶିବସେନାରୁ ଅଜୟ ଚୌଧୁରୀ ବିଜୟୀ ହୋଇଥିଲେ, ଯିଏକି ବର୍ତ୍ତମାନ ଉଦ୍ଧବ ଗୋଷ୍ଠୀର ପ୍ରାର୍ଥୀ ଅଟନ୍ତି।

୨୦୦୯ରେ ବାଲା ନନ୍ଦଗାଓଁକର ନିର୍ବାଚନରେ ​​ଜିତିବା ପରେ ଶିବଡି ଆସନ ଏମଏନଏସ ପାଖକୁ ଆସିଥିଲା। ୨୦୧୪ରେ, ଏମଏନଏସ ବାଲାଙ୍କୁ ଟିକେଟ୍ ଦେଇଥିଲା କିନ୍ତୁ ପରାଜୟ ହେତୁ ଏମଏନଏସ ୨୦୧୯ ରେ ପ୍ରାର୍ଥୀ ବଦଳାଇ ଦେଇଥିଲା କିନ୍ତୁ ସେହି ନିର୍ବାଚନରେ ​​ଏମଏନଏସର ସନ୍ତୋଷ ନାଲୱାଡେ ଶିବସେନାର ଅଜୟ ଚୌଧୁରୀଙ୍କଠାରୁ ପରାସ୍ତ ହୋଇଥିଲେ। ହିଙ୍ଗନା ହେଉଛି ବିଜେପିର ଆସନ। ଯେଉଁଠାରୁ ସମୀର ମେଘେ ଗତ ଦୁଇଟି ନିର୍ବାଚନରେ ​​ଜିତିଛନ୍ତି। ୨୦୦୯ ନିର୍ବାଚନରେ ​​ବିଜେପିରୁ ବିଜୟ ଘୋଡମେର ଜିତିଥିଲେ। ୨୦୧୪ରେ ମଧ୍ୟ ସମୀର ମେଘେ ଏନସିପିର ରମେଶଚନ୍ଦ୍ର ବାଙ୍ଗଙ୍କୁ ପରାସ୍ତ କରିଥିଲେ, ଯାହାଙ୍କୁ ଶରଦ ପାୱାର ପୁଣି ଟିକେଟ ଦେଇଛନ୍ତି।