ଭିନେଶଙ୍କ ବିରୋଧରେ ପୂର୍ବତନ ପାଇଲଟଙ୍କୁ ପ୍ରାର୍ଥୀ କଲା ବିଜେପି

ନୂଆଦିଲ୍ଲୀ: ହରିୟାଣା ବିଧାନସଭା ନିର୍ବାଚନ ପାଇଁ ବିଜେପି ଏହାର ପ୍ରାର୍ଥୀଙ୍କ ଦ୍ୱିତୀୟ ତାଲିକା ପ୍ରକାଶ କରିଛି। ଏହି ତାଲିକାରେ ଦଳ ୨୧ ଜଣ ପ୍ରାର୍ଥୀଙ୍କ ନାମ ଘୋଷଣା କରିଛି। ରେସଲର ତଥା କଂଗ୍ରେସ ପ୍ରାର୍ଥୀ ଭିନେଶ ଫୋଗାଟଙ୍କ ବିପକ୍ଷରେ ଜୁଲାନାରୁ ବିଜେପି କ୍ୟାପଟେନ ଯୋଗେଶ ବୈରାଗୀଙ୍କୁ ଟିକେଟ ଦେଇଛି। ବାସ୍ତବରେ ଗତ ସପ୍ତାହରେ କୁସ୍ତିଯୋଦ୍ଧା ଭିନେଶ ଫୋଗାଟ ଏବଂ ବଜରଙ୍ଗ ପୁନିଆ କଂଗ୍ରେସରେ ଯୋଗ ଦେଇଥିଲେ।

 ଯେତେବେଳେ କଂଗ୍ରେସ ଭିନେଶ ଫୋଗାଟଙ୍କୁ ଜିନ୍ଦ ଜିଲ୍ଲାର ଜୁଲାନା ବିଧାନସଭା ଆସନରୁ ପ୍ରାର୍ଥୀ କରିଥିଲା, ସେତେବେଳେ ଏହାକୁ ନେଇ ଚର୍ଚ୍ଚା ଜୋର ଧରିଥିଲା | ବର୍ତ୍ତମାନ ବିଜେପି ମଧ୍ୟ ଏହି ଆସନରୁ ନିଜ ପ୍ରାର୍ଥୀଙ୍କ ନାମ ଘୋଷଣା କରିଛି। ସୂଚନା ଥାଉ କି ଯେ ଜୁଲାନା ବିଧାନସଭା ଆସନ ହେଉଛି ରାଜ୍ୟର ଅନ୍ୟତମ ଚର୍ଚ୍ଚିତ ସିଟ୍। ଭିନେଶ ଫୋଗାଟଙ୍କ ସହ ପ୍ରତିଦ୍ୱନ୍ଦ୍ୱିତା କରିଥିବା ୩୫ ବର୍ଷୀୟ କ୍ୟାପଟେନ ଯୋଗେଶ ବୈରାଗୀ ଜିନ୍ଦ ଜିଲ୍ଲାର ସଫିଦୋର ବାସିନ୍ଦା।

ତାଙ୍କ ଅଞ୍ଚଳରେ ଅନେକ ସମସ୍ୟା, ବିଶେଷକରି ବେକାରୀ ସମସ୍ୟା ଦେଖି ଯୋଗେଶ ବୈରାଗୀ ରାଜନୀତିରେ ପ୍ରବେଶ କରିଥିଲେ। ଯୋଗେଶ ହେଉଛନ୍ତି ହରିୟାଣା ବିଜେପିର ଯୁବମୋର୍ଚ୍ଚା ୟୁନିଟର ଉପାଧ୍ୟକ୍ଷ। ରାଜନୀତିରେ ଯୋଗଦେବା ପୂର୍ବରୁ ଯୋଗେଶ ଜଣେ ବରିଷ୍ଠ ପାଇଲଟ୍ ଥିଲେ। ଚେନ୍ନାଇରେ ବନ୍ୟା ବିପର୍ଯ୍ୟୟ ସମୟରେ କ୍ୟାପଟେନ ଯୋଗେଶ ବୈରାଗୀ ରିଲିଫ ସାମଗ୍ରୀ ବିତରଣ କରି ଲୋକଙ୍କୁ ସାହାଯ୍ୟ କରିଥିଲେ।

 ଏହା ବ୍ୟତୀତ, କରୋନା ଅବଧିରେ, ସେ ବନ୍ଦେ ଭାରତ ମିଶନରେ ସକ୍ରିୟ ଭୂମିକା ଗ୍ରହଣ କରି ବହୁ ପ୍ରଶଂସା ଲାଭ କରିଥିଲେ | ବର୍ତ୍ତମାନ ଦଳ ତାଙ୍କୁ ହରିୟାଣାର ସବୁଠାରୁ ହଟ ସିଟରୁ ପ୍ରାର୍ଥୀ କରିଛି। ବିଜେପି ଏହାର ଦ୍ୱିତୀୟ ତାଲିକାରେ ୨୧ ଜଣ ପ୍ରାର୍ଥୀଙ୍କୁ ଟିକେଟ୍ ଦେଇଛି। ଏଥିରେ ଦଳ ବରୋଦାରୁ ପୂର୍ବତନ କ୍ରିକେଟର ପ୍ରଦୀପ ସାଙ୍ଗୱାନଙ୍କୁ ପ୍ରାର୍ଥୀ କରିଛି।