ଖରାର ତାପରୁ ବଞ୍ଚିବା ପାଇଁ କିରଣ ଖେର୍ଙ୍କ ହାଇଟେକ୍ ଆଇଡିଆ : ଦିନରେ ଟୁଇଟ୍ର ଏବଂ ସନ୍ଧ୍ୟାରେ ଜନସଭା କରି କରୁଛନ୍ତି ପ୍ରଚାର
ନୂଆଦିଲ୍ଲୀ : ଲୋକସଭା ନିର୍ବାଚନର ତୃତୀୟ ପର୍ଯ୍ୟାୟ ସରି ଚତୁର୍ଥ ପର୍ଯ୍ୟାୟ ଆରମ୍ଭ ହେବାକୁ ଥିବା ବେଳେ ନେତାମାନେ ନିଜ ନିଜର ପ୍ରଚାର ପ୍ରସାରକୁ ବଢ଼ାଇଛନ୍ତି । ଖରାକୁ ଖାତିର ନ କରି ନେତାମାନେ ପ୍ରଚାରରେ ବ୍ୟସ୍ତ ଅଛନ୍ତି । ଏ ମଧ୍ୟରେ ଅଭିନେତ୍ରୀ ତଥା ଚଣ୍ଡିଗଡ଼ର ବିଜେପିର ପ୍ରାର୍ଥୀ ଥିବା କିରଣ ଖେର୍ ଖରା ତରାରୁ ବଞ୍ଚିବା ପାଇଁ ଏକ ହାଇଟେକ୍ ଉପାୟ ଆପଣାଇଥିବା ଜଣା ପଡ଼ିଛି । ଦିନରେ ଟୁଇଟ୍ର ଜରିଆରେ ପ୍ରଚାର କରିବା ସହ ସଂନ୍ଧ୍ୟା ସମୟରେ ବିଭିନ୍ନ ଜନସଭାରେ ଯୋଗ ଦେଉଛନ୍ତି କିରଣ ।
Sambad is now on WhatsApp
Join and get latest news updates delivered to you via WhatsApp
ଦିନ ୩ଟା ୨୦ମିନିଟ୍ରେ ଥିବା ସଭାକୁ କିରଣ ଖେର୍ ବଦଳାଇ ସନ୍ଧ୍ୟା ୬ଟାରୁ ରାତି ୧୦ଟା ପର୍ଯ୍ୟନ୍ତ ରଖିଥିଲେ ବୋଲି ଜଣା ପଡ଼ିଛି । ତେବେ ତାଙ୍କର ଏଭଳି ଅଇଡିଆ ଲୋକଙ୍କୁ ପ୍ରଭାବିତ କରୁଥିବା ଦେଖା ଯାଇଛି । କିରଣ ଖରାରୁ ବଞ୍ଚିବା ପାଇଁ ଯେଉଁ ଉପାୟ ଆପଣାଇଛନ୍ତି, ତାହାକୁ ଲୋକେ ତାଙ୍କର ହାଇଟେକ୍ ଆଇଡିଆ ବୋଲି କହିବା ଆରମ୍ଭ କରିଛନ୍ତି । କଂଗ୍ରେସ ତରଫରୁ ପବନ କୁମାର ବଂଶଲ କିରଣ ଖେର୍ଙ୍କୁ ଟକ୍କର ଦେଉଥିବା ଜଣା ପଡ଼ିଛି ।