ମମତା ବାନାର୍ଜୀ, ଅମରିନ୍ଦର ସିଂ ନିର୍ବାଚନ ଜିତିଲେ ଇଭିଏମ ଠିକ ଅଛି, ଆମେ ଜିତିଲେ ଇଭିଏମ ଉପରେ ଭରଷା ନାହିଁ : ବିଜେପି
ନୂଆଦିଲ୍ଲୀ : ଇଭିଏମକୁ ନେଇ ଆଜି ୨୨ଟି ବିରୋଧୀ ଦଳ ନିର୍ବାଚନ କମିଶନଙ୍କୁ ଭେଟିଥିବାବେଳେ ତାହାକୁ ସମାଲୋଚନା କରିଛି ବିଜେପି । ବିଜେପି ନେତା ତଥା କେନ୍ଦ୍ରମନ୍ତ୍ରୀ ରବିଶଙ୍କରପ୍ରସାଦ କହିଛନ୍ତି ଯେ ମମତା ବାନାର୍ଜି ଦୁଇଥର ନିର୍ବାଚନ ଜିତି ମୁଖ୍ୟମନ୍ତ୍ରୀ ହେଲେ କିମ୍ବା କିମ୍ବା କ୍ୟାପଟେନ ଅମରିନ୍ଦର ସିଂ ନିର୍ବାଚନ ଜିତିଲେ ଇଭିଏମ ଉପରେ କୌଣସି ପ୍ରଶ୍ନ ଉଠାଯାଏ ନାହିଁ । କିନ୍ତୁ ଯେତେବେଳେ ଆଶା କରାଯାଉଛି ଯେ ଆମେ (ଏନଡିଏ) ଜିତିବୁ ଓ ନରେନ୍ଦ୍ର ମୋଦି ପୁଣି ପ୍ରଧାନମନ୍ତ୍ରୀ ହେବେ ସେତେବେଳେ ଇଭିଏମ ଉପରୁ ଭରଷା ତୁଟିଯାଉଛି । ବିଜେପି ସେମାନଙ୍କ ଏହି କାର୍ଯ୍ୟକୁ ନିନ୍ଦା କରୁଛି ଓ ନିର୍ବାଚନରେ ପରାଜୟକୁ ବିନୟର ସହ ଗ୍ରହଣ କରିବାକୁ ନିବେଦନ କରୁଛି ।
Sambad is now on WhatsApp
Join and get latest news updates delivered to you via WhatsApp
୨୨ ଟି ବିରୋଧୀ ଦଳର ନେତାମାନେ ଆଜି ନିର୍ବାଚନ କମିଶନରଙ୍କୁ ସାକ୍ଷାତ କରି ଗଣତି ଆରମ୍ଭ ପୂର୍ବରୁ ଭିଭିପାଟ୍ ଗଣତି କରି ତାହାକୁ ଇଭିଏମ ସହିତ ମିଳାଇବାକୁ ଦାବି କରିଛନ୍ତି । ଯଦି ଏଥିରେ ଅସଙ୍ଗତି ଦେଖା ଦିଏ ତେବେ ଉକ୍ତ ନିର୍ବାଚନ ମଣ୍ଡଳୀର ସବୁ ଭୋଟ ଗ୍ରହଣ କେନ୍ଦ୍ରର ଇଭିଏମ ସହ ଭିଭିପାଟ୍ ଗଣତି ମେଳାଇବାକୁ ସେମାନେ ଦାବି କରିଛନ୍ତି ।