ନ୍ୟୁୟର୍କ ବସ୍ ଟର୍ମିନାଲରେ ବିସ୍ଫୋରଣ, ବାଂଲାଦେଶୀ ବଂଶୋଦ୍ଭବ ଗିରଫ
ନ୍ୟୁୟର୍କ: ନ୍ୟୁୟର୍କର ପ୍ରସିଦ୍ଧ ଟାଇମ୍ସ ସ୍କୋୟାର ନିକଟରେ ଥିବା ଜନଗହଳିପୂର୍ଣ୍ଣ ପୋର୍ଟ ଅଥରିଟି ବସ୍ ଟର୍ମିନାଲରେ ଏକ ବୋମା ବିସ୍ଫୋରଣ ହୋଇଥିବା ଖବର ଆସିଛି । ଏହି ବିସ୍ଫୋରଣ ଦ୍ୱାରା ୪ ଜଣ ବ୍ୟକ୍ତି ଆହତ ହୋଇଥିବା ପୋଲିସ୍ ସୁତ୍ରରୁ ଜଣାପଡିଛି ।
Sambad is now on WhatsApp
Join and get latest news updates delivered to you via WhatsApp
ନ୍ୟୁୟର୍କ ପୋଲିସ ପକ୍ଷରୁ ଏହି ଘଟଣା ସମ୍ପର୍କରେ ଟ୍ଵିଟ୍ କରି କୁହାଯାଇଛି ଯେ ବସ୍ ଟର୍ମିନାଲର ସବେଓ୍ଵରେ ଏକ ପାଇପ୍ ବୋମା ବିସ୍ଫୋରଣ ଘଟିଛି । ପୋଲିସ ଏହି ଘଟଣାରେ ଆକାୟେଦ ଉଲ୍ଲା ନାମକ ବାଂଲାଦେଶୀ ବଂଶୋଦ୍ଭବ ନାଗରିକକୁ ଗିରଫ କରିଛି । ତା ନିକଟରେ ଏକ ଅଫୁଟା ପାଇପ୍ ବୋମା ଜବତ କରାଯାଇଛି । ତେବେ ଏହି ଘଟଣାରେ ୪ ଜଣ ବ୍ୟକ୍ତି ଆହତ ହୋଇଥିଲେ ମଧ୍ୟ ସମସ୍ତଙ୍କ ଅବସ୍ଥା ବିପଦମୁକ୍ତ ରହିଛି ।
The NYPD is responding to reports of an explosion of unknown origin at 42nd Street and 8th Ave, #Manhattan. The A, C and E line are being evacuated at this time. Info is preliminary, more when available. pic.twitter.com/7vpNT97iLC
— NYPD NEWS (@NYPDnews) December 11, 2017
ଅନ୍ୟପକ୍ଷରେ ସ୍ଥାନୀୟ ଗଣମାଧ୍ୟମ ସୁତ୍ରରୁ ଜଣାପଡିଛି ଯେ ଏହି ବିସ୍ଫୋରଣ ପରେ ଉକ୍ତ ସବେଓ୍ଵରେ ଦଳଚକଟା ଘଟି ଆଉ କିଛି ଲୋକ ଆହତ ହୋଇଛନ୍ତି । ଏହି ଘଟଣା ସଂପର୍କରେ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଓ ନ୍ୟୁୟର୍କ ମେୟର ବିଲ୍ ଡେ ବ୍ଲାସିଓଙ୍କୁ ସୂଚୀତ କରାଯାଇଛି ।