ବିଜେପି କର୍ମୀ ୧୨ଟି ବୁଥ କ୍ୟାପଚରିଂ କରିଛନ୍ତି: ସିଇଓଙ୍କ ନିକଟରେ ଅଭିଯୋଗ ଆଣିଲା ବିଜେଡି

ଭୁବନେଶ୍ୱର: ଚତୁର୍ଥ ପର୍ଯ୍ୟାୟ ନିର୍ବାଚନ ପାଇଁ ସୋମବାର ରାଜ୍ୟର ୬ଟି ଆସନରେ ମତଦାନ ଜାରି ରହିଥିବା ବେଳେ ଯାଜପୁର ଲୋକସଭା ନିର୍ବାଚନ ମଣ୍ଡଳୀ ଅନ୍ତର୍ଗତ ବରୀ ବିଧାନସଭା ଆସନରେ ଭାରତୀୟ ଜନତା ପାର୍ଟିର କର୍ମୀଙ୍କ ଦ୍ୱାରା ୧୨ଟି ବୁଥ କ୍ୟାକଚରିଂ ହୋଇଥିବା ବିଜେଡି ଅଭିଯୋଗ ଆଣିଛି। ବିଜେଡି ସମର୍ଥକଙ୍କୁ ଧମକ ଦିଆଯାଉଛି ବୋଲି ସିଇଓଙ୍କ ନିକଟରେ ଅଭିଯୋଗ ହୋଇଛି।

ବିଜେଡି ପକ୍ଷରୁ ପେନ୍‌ ଡ୍ରାଇଭ୍‌ ଜରିଆରେ ଭିଡିଓଗ୍ରାଫି ସହ ପ୍ରମାଣ ଦେଇ କୁହାଯାଇଛି ଯେ, ବରୀରୁ ବିଜେପି ବିଧାୟକ ପ୍ରାର୍ଥୀ ବିଶ୍ୱରଂଜନ ମଲ୍ଲିକଙ୍କ ସଂପର୍କୀୟ ଭାଇ ସୌମ୍ୟରଂଜନ ମଲ୍ଲିକଙ୍କ  ଦ୍ୱାରା ବୁଥ କ୍ୟାପଚରିଂ କରାଯାଇଛି। ବୁଥ କ୍ୟାପଚରିଂ ହୋଇଥିବା କେନ୍ଦ୍ର ଗୁଡ଼ିକରେ ପୁଣି ଥରେ ମତଦାନ କରାଯାଉ ବୋଲିି ବିଜେଡି ଦାବି କରିଛି।

ବୁଥ ନମ୍ବର ଓ ବୁଥ ନାମ

୧୫୮ ରାମଚନ୍ଦ୍ରପୁର
୧୬୨ ଆଲିପୁର-୧
୧୬୩ ଆଲିପୁର-୨
୧୬୪ ବଡ଼ଚନ୍ଦ୍ରଶେଖରପୁର
୧୬୫ ବରୀ ପଂଚାୟତ ହାଇସ୍କୁଲ
୧୬୬ ବରୀ ପଂଚାୟତ ହାଇସ୍କୁଲ
୧୬୭ କୃପାସିନ୍ଧୁ ବିଦ୍ୟାଭବନ, ବରୀ
୧୬୮ ବରୀ ଉର୍ଦ୍ଦୁ ୟୁଜିଏମଇ ସ୍କୁଲ
୧୬୯ ବରୀ ଉର୍ଦ୍ଦୁ ୟୁଜିଏମଇ ସ୍କୁଲ
୧୭୦ ବରୀ ଉର୍ଦ୍ଦୁ ୟୁଜିଏମଇ ସ୍କୁଲ
୧୮୧ ଉଦୟନାଥ ପ୍ରକଳ୍ପ ବିଦ୍ୟାଳୟ
୧୮୨ ଉଦୟନାଥ ପ୍ରକଳ୍ପ ବିଦ୍ୟାଳୟ