ପୋଖରାନ୍ରେ ସୁଖୋଇ ଯୁଦ୍ଧବିମାନରୁ ବ୍ରହ୍ମୋସ କ୍ଷେପଣାସ୍ତ୍ରର ସଫଳ ପରୀକ୍ଷଣ
ପୋଖରାନ: ରାଜସ୍ଥାନର ପୋଖରାନ ଟେଷ୍ଟ ରେଞ୍ଜରେ ଆଜି ଭାରତ ସଫଳତାର ସହିତ ସୁପରସୋନିକ କ୍ରୁଜ୍ କ୍ଷେପଣାସ୍ତ୍ର ‘ବ୍ରହ୍ମୋସ’କୁ ଲଢ଼ୁଆ ବିମାନ ‘ସୁଖୋଇ’ରୁ ପରୀକ୍ଷଣ କରିଛି। ଧ୍ୱନୀର ଗତି ଠାରୁ ୩ ଗୁଣ ଅଧିକ ବେଗରେ ଗତି କରୁଥିବା ଓ ଭାରତ-ରୁଷର ମିଳିତ ସହଯୋଗରେ ନିର୍ମିତ ବ୍ରହ୍ମୋସ କ୍ଷେପଣାସ୍ତ୍ରର ମାରକ କ୍ଷମତା ୨୯୦ କିଲୋମିଟର ରଖାଯାଇଛି। ଏହାର ବିକାଶ କରାଯାଇ ଖୁବ୍ ଶୀଘ୍ର ଏହାକୁ ୪ଶହ କିଲୋମିଟରକୁ ବୃଦ୍ଧିି କରାଯିବା ପାଇଁ ଯୋଜନା କରାଯାଉଛି।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ଯେ ସୁପରସୋନିକ କ୍ରୁଇଜ୍ କ୍ଷେପଣାସ୍ତ୍ର ପ୍ରଥମ ଥର ପାଇଁ ୨୦୧୭ ମସିହା ନଭେମ୍ବର ମାସରେ ସୁଖୋଇ ୩୦ ଏମକେଆଇ ଯୁଦ୍ଧ ବିମାନରେ ଖଞ୍ଜା ଯାଇ ସଫଳ ପରୀକ୍ଷଣ କରାଯାଇଥିଲା। ବ୍ରହ୍ମୋସ କ୍ଷେପଣାସ୍ତ୍ରକୁ ବାୟୁ, ସ୍ଥଳ ଓ ଜଳରୁ ମଧ୍ୟ ପ୍ରକ୍ଷେପଣ କରାଯାଇପାରିବ।ଏହି କ୍ଷେପଣାସ୍ତ୍ରକୁ ୨୦୦୬ ମସିହାରେ ବାୟୁସେନା, ସ୍ଥଳସେନା ଓ ନୌସେନାର ବ୍ୟବହାର ପାଇଁ ପ୍ରତିରକ୍ଷା ବାହିନୀରେ ସାମିଲ କରାଯାଇଥିଲା। ବ୍ରହ୍ମୋସ କ୍ଷେପଣାସ୍ତ୍ରର ଓଜନ ୨ ହଜାର ୫କେଜିରୁ ୩ ହଜାର କେଜି ମଧ୍ୟରେ ଥିବା ବେଳେ ଏହାର ଲମ୍ବ ୮.୪ ମିଟର । ଏହା ୨ଶହରୁ ୩ଶହ କେଜି ଓଜନର ମାରଣାସ୍ତ୍ର ବହନ କରିପାରିବାର କ୍ଷମତା ରଖିଛି।