ଗରିବ ଚାଷୀଙ୍କ ପରିବା ଉପରେ ବୁଲଡୋଜର ଚଢ଼ାଇଦେଲେ ସରକାରୀ ବାବୁ

ଭୋପାଳ: ମାନବିକତାକୁ ଲଜ୍ଜିତ କଲାଭଳି ଏକ ଘଟଣା ଝାନସିରେ ଘଟିଛି | ଯେଉଁଠାରେ ଗରିବ ପରିବା ବିକ୍ରେତାଙ୍କ ପନିପରିବାକୁ ମ୍ୟୁନିସିପାଲିଟି କର୍ପୋରେସନର ବୁଲଡୋଜର ନଷ୍ଟ କରିଦେଇଛି  | ରାସ୍ତା କଡ଼ରେ ପନିପରିବା ବିକ୍ରି କରୁଥିବା ଦୋକାନୀଙ୍କ ପନିପରିବା ବୁଲଡୋଜର ଦ୍ୱାରା ନଷ୍ଟ ହୋଇଯାଇଥିଲା। ଏହାପରେ ସାଧାରଣ ଲୋକମାନେ ରାଗିଯାଇ ବିରୋଧ କରିଥିଲେ।

ଅନ୍ୟପଟେ ମ୍ୟୁନିସିପାଲ କର୍ପୋରେସନର କମିଶନର ସତ୍ୟପ୍ରକାଶ ଏହି ମାମଲାକୁ ନିନ୍ଦା କରିଛନ୍ତି ଏବଂ ଏଭଳି କାମ କରିଥିବା ସରକାରୀ ବାବୁଙ୍କୁ ଉତ୍ତର ମାଗିଛନ୍ତି। ଏହା ସହିତ ବିଭାଗୀୟ କାର୍ଯ୍ୟାନୁଷ୍ଠାନ ପାଇଁ ସରକାରଙ୍କୁ ସୁପାରିଶ କରିଛନ୍ତି । ମିଳିଥିବା ସୂଚନା ମୁତାବକ ଝାନ୍ସୀର ସିପ୍ରି ବଜାର ରେଳ ବ୍ରିଜ ନିକଟରେ ରାସ୍ତା କଡ଼ରେ କିଛି ଚାଷୀ ପନିପରିବା ବିକୁଥିଲେ। ତେବେ କୌଣସି ନୋଟିସ ନ ଦେଇ ଆଜି ସକାଳେ ମ୍ୟୁନିସିପାଲିଟି କର୍ପୋରେସନର କିଛି କର୍ମଚାରୀ ଏକ ବୁଲଡୋଜର୍ ଆଣି ଚାଷୀଙ୍କ ପନିପରିବାକୁ ନଷ୍ଟ କରିଦେଇଥିଲେ | ତେବେ ସରକାରୀ କର୍ମଚାରୀଙ୍କ ଏଭଳି ବ୍ୟବହାରକୁ ନେଇ ସ୍ଥାନୀୟ  ଲୋକ ତାତିଉଠିଥିଲେ | ଲୋକମାନେ ରାସ୍ତାରୋକ କରି ବିରୋଧ କରିଥିଲେ |

ମ୍ୟୁନିସିପାଲିଟି କର୍ପୋରେସନର ଏନକାଉଣ୍ଟର ସ୍କ୍ୱାର୍ଡ ଦ୍ୱାରା କରାଯାଇଥିବା ଏହି ଅମାନବୀୟ କାର୍ଯ୍ୟ ସମ୍ପର୍କରେ ମ୍ୟୁନିସିପାଲିଟି କମିଶନର ସତ୍ୟ ପ୍ରକାଶ କହିଛନ୍ତି ଯେ ଏହି ଭିଡିଓ ତାଙ୍କ ନଜରକୁ ଆସିଛି। ବିଭାଗୀୟ ଅଧିକାରୀଙ୍କ ଦ୍ୱାରା କରାଯାଇଥିବା କାର୍ଯ୍ୟ ନିନ୍ଦନୀୟ |

ସେ କହିଛନ୍ତି ଯେ ଏହି ପରିପ୍ରେକ୍ଷୀରେ ଅଧିକାରୀ ବ୍ରିଜେଶ ଭର୍ମାଙ୍କୁ ତୁରନ୍ତ ନିଲମ୍ବିତ କରାଯାଇଛି। ଏହା ସହିତ ବିଭାଗୀୟ କାର୍ଯ୍ୟାନୁଷ୍ଠାନ ପାଇଁ ନିର୍ଦ୍ଦେଶ ଦିଆଯାଇଛି। ପନିପରିବା ବିକ୍ରେତାଙ୍କ ଦ୍ୱାରା ହୋଇଥିବା କ୍ଷୟକ୍ଷତିର ଆକଳନ କରିବା ପରେ ମ୍ୟୁନିସିପାଲିଟି କର୍ପୋରେସନ ଆର୍ଥିକ ସହାୟତା ପ୍ରଦାନ କରିଛି।