୪ଟି ଉଇକେଟ ନେଇ ଏହି ରେକର୍ଡ କଲେ ବୁମରା

ନୂଆଦିଲ୍ଲୀ: ପର୍ଥରେ ଖେଳାଯାଉଥିବା ବର୍ଡର-ଗାଭାସ୍କର ଟ୍ରଫିର ପ୍ରଥମ ଟେଷ୍ଟରେ ଜସପ୍ରୀତ ବୁମ୍ରା ଅଷ୍ଟ୍ରେଲୀୟ ବ୍ୟାଟ୍ସମ୍ୟାନଙ୍କ ବ୍ୟାଟିଂ ଅର୍ଡରକୁ ପୁରା ଭାଙ୍ଗିଦେଇଥିଲେ | ଦିନ ଶେଷ ସୁଦ୍ଧା ଅଷ୍ଟ୍ରେଲିଆ ପ୍ରଥମ ଇନିଂସରେ ବ୍ୟାଟିଂ କରି ୭ ୱିକେଟ୍ ହରାଇଥିଲା, ସେଥିମଧ୍ୟରୁ ୪ଟି ୱିକେଟ୍ ବୁମରା ନେଇଥିଲେ । ଏହି ୱିକେଟ୍ ନେଇ ବୁମରା ଏକ ରେକର୍ଡ ସୃଷ୍ଟି କରିଛନ୍ତି ଯାହା ପୂର୍ବରୁ କେବଳ ଜଣେ ବୋଲରଙ୍କ ନାମରେ ଥିଲା କରିଥିଲେ, ଅର୍ଥାତ୍ ବର୍ତ୍ତମାନ ବୁମରା ଏହା କରିବାରେ ବିଶ୍ୱର ଦ୍ୱିତୀୟ ବୋଲର ହୋଇପାରିଛନ୍ତି। ବାସ୍ତବରେ ବୁମ୍ରା ଅଷ୍ଟ୍ରେଲୀୟ ବ୍ୟାଟ୍ସମ୍ୟାନ୍ ଷ୍ଟିଭ ସ୍ମିଥଙ୍କୁ ଗୋଲଡେନ ଡକରେ ପ୍ୟାଭିଲିୟନକୁ ପଠାଇଦେଇଥିଲେ | ଏହାପୂର୍ବରୁ କେବଳ ଦକ୍ଷିଣ ଆଫ୍ରିକାର ପୂର୍ବତନ ଦ୍ରୁତ ବୋଲର ଡେଲ ଷ୍ଟେନ ଏକ ଟେଷ୍ଟରେ ଷ୍ଟିଭ ସ୍ମିଥଙ୍କୁ ଗୋଲଡେନ ଡକରେ ଆଉଟ କରିଥିଲେ। ବର୍ତ୍ତମାନ ବୁମରାଙ୍କ ନାମ ମଧ୍ୟ ଏହି ତାଲିକାରେ ଅନ୍ତର୍ଭୁକ୍ତ ହୋଇଛି |

ବଡ କଥା ଯେ ଘରୋଇ ଟେଷ୍ଟରେ ଏହା ଷ୍ଟିଭ୍ ସ୍ମିଥଙ୍କର ପ୍ରଥମ ଗୋଲଡେନ ଡକ ଥିଲା | ବୁମରା ଲଗାତାର ଦୁଇ ବ୍ୟାଟ୍ସମ୍ୟାନଙ୍କୁ ଆଉଟ କରିଥିଲେ। ପ୍ରଥମେ ସେ ବାମହାତୀ ବ୍ୟାଟ୍ସମ୍ୟାନ୍ ଉସମାନ ଖାୱାଜାଙ୍କୁ ପାଭିଲିୟନକୁ ପଠାଇଥିଲେ। ତା’ପରେ ପରବର୍ତ୍ତୀ ବଲରେ ବୁମ୍ରା ଷ୍ଟିଭ୍ ସ୍ମିଥଙ୍କୁ ଗୋଲଡେନ ଡକରେ ପାଭିଲିୟନକୁ ପଠାଇଦେଇଥିଲେ  | ଉଲ୍ଲେଖ ଥାଉ କି ଅଷ୍ଟ୍ରେଲିଆର ପର୍ଥ ଷ୍ଟାଡିୟମଠାରେ ଖେଳାଯାଉଥିବା ଭାରତ-ଅଷ୍ଟ୍ରେଲିଆ ପ୍ରଥମ ଟେଷ୍ଟର ପ୍ରଥମ ଦିନରେ ହିଁ ନାଟକୀୟ ମୋଡ଼ ଦେଖିବାକୁ ମିଳିଥିଲା । ଭାରତ ଗୁରୁତର ବ୍ୟାଟିଂ ବିପର୍ଯ୍ୟୟର ସମ୍ମୁଖୀନ ହୋଇ ମାତ୍ର ୧୫୦ ରନରେ ଅଲଆଉଟ ହେବା ପରେ ଅଷ୍ଟ୍ରେଲିଆ ଦଳ ବି ଆହୁରି ଗୁରୁତର ବ୍ୟାଟିଂ ବିପର୍ଯ୍ୟୟର ସମ୍ମୁଖୀନ ହୋଇଥିଲା । ଆଜିର ଖେଳ ଶେଷ ସୁଦ୍ଧା ଅଷ୍ଟ୍ରେଲିଆ ୭ ଓ୍ବିକେଟ ହରାଇ ୬୭ ରନ କରିଥିଲା ।

ଏହି ମ୍ୟାଚରେ ଭାରତ ଟସ୍ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା । କିନ୍ତୁ ଘାସ ଥିବା ଏହି ପିଚ୍ ପ୍ରଥମରୁ ହିଁ ପେସ ବୋଲରଙ୍କୁ ସୁହାଇଥିଲା । ଭାରତ ୫ ରନରେ ନିଜର ପ୍ରଥମ ଓ୍ବିକେଟ ହରାଇଥିଲା । ଯଶସ୍ବୀ ଜୟସ୍ବାଲ ଖାତା ଖୋଲିବା ପୂର୍ବରୁ ଆଉଟ ହୋଇଥିଲେ । ତାଙ୍କ ପରେ ଆସିଥିବା ଦେବଦତ୍ତ ପଡ଼ିକଲ୍ଲ ବି ଖାତା ଖୋଲିପାରିନଥିଲେ । ବିରାଟ କୋହଲି ମାତ୍ର ୫ ରନ କରି ଆଉଟ ହୋଇଥିଲେ । ତେବେ ଓପନର କେଏଲ ରାହୁଲ ୨୬ ରନ, ଋଷଭ ପନ୍ତ ୩୭ରନ ଓ ନିକେଶ ରେଡ୍ଡୀ ୪୧ ରନ କରିଥିଲେ । ଭାରତ ୧୫୦ ରନ କରି ଅଲଆଉଟ ହୋଇଯାଇଥିଲା । ଅଷ୍ଟ୍ରେଲିଆ ପକ୍ଷରୁ ଜୋସ ହାଜଲଉଡ ୪ଟି ଓ୍ବିକେଟ ନେଇଥିବାବେଳେ ମିଚେଲ ଷ୍ଟାର୍କ, ମିଚେଲ ମାର୍ସ ଓ ପାଟ କମିନ୍ସ ୨ଟି ଲେଖାଏଁ ଓ୍ବିକେଟ ନେଇଥିଲେ । ଭାରତ ପରେ ବ୍ୟାଟିଂ କରିବାକୁ ଓହ୍ଲାଇ ଥିବା ଅଷ୍ଟ୍ରେଲିଆ ଦଳ ବି ଭାରତୀୟ ବୋଲରଙ୍କ ମୁକାବିଲା କରିପାରିନଥିଲା । ପ୍ରଥମ ଦିନର ଷ୍ଟମ୍ପସ ଅପସାରଣ ବେଳକୁ ଅଷ୍ଟ୍ରେଲିଆ ୭ ଓ୍ବିକେଟ ହରାଇ ୬୭ ରନ କରିଥିଲା ।