କାନାଡ଼ାର ପ୍ରଧାନମନ୍ତ୍ରୀ ଦୋୖଡରେ ଏହି ମୂଳ ଭାରତୀୟ

ନୂଆଦିଲ୍ଲୀ: ପ୍ରାୟ ୧୦ ବର୍ଷ ଶାସନ ପରେ ଗତ ସୋମବାର ଦିନ କାନାଡାର ପ୍ରଧାନମନ୍ତ୍ରୀ ଜଷ୍ଟିନ ଟ୍ରୁଡୋ ତାଙ୍କ ପଦରୁ ଇସ୍ତଫା ଦେଇଥିଲେ । ଏହା ବ୍ୟତୀତ ସେ ଦଳର ନେତା ପଦରୁ ଇସ୍ତଫା ଦେବାକୁ ମଧ୍ୟ ଘୋଷଣା କରିଥିଲେ । ଟ୍ରୁଡୋଙ୍କ ଇସ୍ତଫା ପରେ ତାଙ୍କ ନିଷ୍ପତ୍ତି ସାରା ବିଶ୍ୱରେ ଆଲୋଚନା ହେଉଛି। ଜଷ୍ଟିନ ଟ୍ରୁଡୋଙ୍କ ଇସ୍ତଫା ଏକ ନୂତନ ରାଜନୈତିକ ଚର୍ଚ୍ଚାକୁ ଖୋରାକ ଯୋଗାଇଛି |

ଟ୍ରୁଡୋଙ୍କ ଇସ୍ତଫା ପରେ ସମସ୍ତଙ୍କ ମନରେ ପ୍ରଶ୍ନ ଉଠୁଛି କାନାଡାର ପରବର୍ତ୍ତୀ ପ୍ରଧାନମନ୍ତ୍ରୀ କିଏ ହେବେ। ଏହି ସମୟରେ ଲିବରାଲ୍ ପାର୍ଟିର ବରିଷ୍ଠ ସଦସ୍ୟ ଅନୀତା ଆନନ୍ଦ ଜଣେ ପ୍ରମୁଖ ପ୍ରାର୍ଥୀ ଭାବରେ ଉଭା ହେଉଛନ୍ତି ବୋଲି କୁହାଯାଉଛି। ଯଦି ଏହା ହୁଏ, ତେବେ ସେ ଭାରତୀୟ ମୂଳର ପ୍ରଥମ କାନାଡିୟ ମହିଳା ଭାବରେ ଏହି ପଦବୀରେ ନିର୍ବାଚିତ ହେବେ। ଅନୀତା ଆନନ୍ଦ ପରିବହନ ଏବଂ ଆଭ୍ୟନ୍ତରୀଣ ବାଣିଜ୍ୟ ମନ୍ତ୍ରୀ ଭାବରେ କାର୍ଯ୍ୟ କରନ୍ତି। ଏହାପୂର୍ବରୁ ସେ କାନାଡାର ଜାତୀୟ ପ୍ରତିରକ୍ଷା ମନ୍ତ୍ରୀ ଭାବରେ ମଧ୍ୟ କାର୍ଯ୍ୟ କରିଥିଲେ। କାନାଡାର ପ୍ରଧାନମନ୍ତ୍ରୀ ଦୌଡ଼ରେ ଅନୀତା ଆନନ୍ଦଙ୍କ ନାମ ଆଗରେ ରହିଛି। ଯଦି ସେ କାନାଡାର ପରବର୍ତ୍ତୀ ପ୍ରଧାନମନ୍ତ୍ରୀ ହୁଅନ୍ତି, ତେବେ ଭାରତ ଏବଂ କାନାଡା ମଧ୍ୟରେ ଖରାପ ସମ୍ପର୍କକୁ ସୁଦୃଢ଼ କରିବାର ସମ୍ଭାବନା ବଢିବ । ଜଷ୍ଟିନ ଟ୍ରୁଡୋଙ୍କ ଶାସନରେ ଦୁଇ ଦେଶ ମଧ୍ୟରେ ସମ୍ପର୍କ ଖରାପ ସ୍ତରରେ ପହଞ୍ଚିଥିଲା। ଅନୀତା ଆନନ୍ଦ କାନାଡାର ଲିବରାଲ୍ ପାର୍ଟିର ଜଣେ ବରିଷ୍ଠ ସଦସ୍ୟ।

ଅନୀତା ଆନନ୍ଦ ମେ ୨୦, ୧୯୬୭ରେ କେଣ୍ଟଭିଲର ନୋଭା ସ୍କୋଟିଆରେ ଜନ୍ମଗ୍ରହଣ କରିଥିଲେ। ତାଙ୍କ ପିତାମାତା ଭାରତୀୟ ଥିଲେ। ପିତା ଏସ.ବି ଆନନ୍ଦ ଦକ୍ଷିଣ ଭାରତର ଥିଲେ ଏବଂ ସେ ଜଣେ ଡାକ୍ତର ଥିଲେ। ତାଙ୍କ ମା ଜଣେ ଆନାସ୍ଥେସିଓଲୋଜିଷ୍ଟ ଥିଲେ ଏବଂ ପଞ୍ଜାବର ଥିଲେ। ସୂଚନାନୁସାରେ, ଅନୀତାଙ୍କ ପିତାମାତା ୧୯୬୦ ଦଶକରେ କାନାଡା ଯାଇଥିଲେ। ଅନୀତା ଆନନ୍ଦ କ୍ୱିନସ ବିଶ୍ୱବିଦ୍ୟାଳୟରୁ ସ୍ନାତକୋତ୍ତର କରିଛନ୍ତି। ସେ ଡାଲହୋଜି ବିଶ୍ୱବିଦ୍ୟାଳୟରୁ ଆଇନ ଡିଗ୍ରୀ ହାସଲ କରିଥିଲେ। ସେ ଅକ୍ସଫୋର୍ଡ ୟୁନିଭରସିଟିରୁ ମାଷ୍ଟର ଡିଗ୍ରୀ ହାସଲ କରିଥିଲେ। ଅନୀତା ଆନନ୍ଦ ଜଣେ ଓକିଲ ଏବଂ ପ୍ରଫେସର ଭାବେ କ୍ୟାରିୟର ଆରମ୍ଭ କରିଥିଲେ | ସେ ଟରୋଣ୍ଟୋ ବିଶ୍ୱବିଦ୍ୟାଳୟରେ ଆଇନ ପ୍ରଫେସର ମଧ୍ୟ ରହିଛନ୍ତି। କାନାଡାର ଲିବରାଲ୍ ପାର୍ଟିର ଜଣେ ବରିଷ୍ଠ ସଦସ୍ୟ ଅନୀତା ଆନନ୍ଦ ବର୍ତ୍ତମାନ କାନାଡାର ପରବର୍ତ୍ତୀ ପ୍ରଧାନମନ୍ତ୍ରୀ ଦୌଡ଼ରେ ଆଗୁଆ ଅଛନ୍ତି। ସେ ବର୍ତ୍ତମାନ କାନାଡା ରାଜନୀତିରେ ଜଣେ ପ୍ରଭାବଶାଳୀ ବ୍ୟକ୍ତି ହୋଇପାରିଛନ୍ତି। ଜଷ୍ଟିନ ଟ୍ରୁଡୋଙ୍କ ଶାସନ ସମୟରେ ସେ କ୍ୟାବିନେଟ ମନ୍ତ୍ରୀ ଭାବରେ ଅନେକ ଗୁରୁତ୍ୱପୂର୍ଣ୍ଣ ଦାୟିତ୍ୱ ଗ୍ରହଣ କରିଥିଲେ ।  ୨୦୧୯ରେ ଓକଭିଲରୁ ସାଂସଦ ନିର୍ବାଚନରେ ​​ଅନୀତା ଆନନ୍ଦ ଜିତିଥିଲେ। ଏହା ପରେ ସେ ଜଷ୍ଟିନ ଟ୍ରୁଡୋଙ୍କ ଲିବରାଲ୍ ପାର୍ଟି ସରକାରରେ ଯୋଗ ଦେଇଥିଲେ।