ପୁଣି ଆରମ୍ଭ ହେଲା ରଥଟଣା, ଗତକାଲି ଅଧାବାଟରେ ଅଟକିଥିଲେ ଶ୍ରୀଜିଉ

ପୁରୀ: ଆଜି ପୁଣିଥରେ ଆରମ୍ଭ ହୋଇଛି ରଥଟଣା | ଦ୍ଵିତୀୟଦିନରେ ବଡ଼ଦାଣ୍ଡରେ ଗଡୁଛି ମହାପ୍ରଭୁଙ୍କ ରଥ | ମିଳିଥିବା ସୂଚନା ମୁତାବକ ପ୍ରଥମେ ବଡ଼ଠାକୁର ବଳଭଦ୍ରଙ୍କ ରଥ ଗଡିଥିବାବେଳେ କାଳିଆ ସାଆନ୍ତଙ୍କ ନନ୍ଦିଘୋଷ ବି ଗଡିଛି | ଘଣ୍ଟ, ହୁଳହୁଳିରେ ବଡଦାଣ୍ଡ ପ୍ରକମ୍ପିତ ହେଉଥିବାବେଳେ ଲକ୍ଷାଧିକ ଶ୍ରଦ୍ଧାଳୁ ସମବେତ ହୋଇଛନ୍ତି |

 ବାସ୍ତବରେ ଗତକାଲି ସିଂହଦ୍ବାରରେ ଅଟକିରହିଥିଲେ ମହାବାହୁ। ବଳଭଦ୍ରଙ୍କଙ୍କ ରଥ ବଳଗଣ୍ଡି ଓ ଦେବୀ ସୁଭଦ୍ରାଙ୍କ ରଥ ମାର୍କେଟ୍‌ ଛକ ନିକଟରେ ଅଟକି ରହିଥିଲା । ଉଲ୍ଲେଖ ଥାଉ କି ଗତକାଲି ବାରମ୍ବାର ଶ୍ରୀବଳଭଦ୍ରଙ୍କ ତାଳଧ୍ବଜ ରଥ ମୋଡ଼ ନେଇଥିଲା। ଡାହାଣ ପାର୍ଶ୍ବକୁ ମୋଡ଼ ଖାଇଥିଲା ବଡ଼ ଠାକୁରଙ୍କ ରଥ। ବାରମ୍ବାର ଫାଳି ଲାଗିବାରୁ ୪୦୦ ମିଟର ବାଟ ପାଇଁ ଅଢ଼େଇ ଘଣ୍ଟା ଲାଗିଥିଲା।