କରୋନା ଦାଉରୁ ବରିଷ୍ଠ ନାଗରିକଙ୍କ ସୁରକ୍ଷା ପାଇଁ ଗାଇଡଲାଇନ ଜାରି କଲା କେନ୍ଦ୍ର
ନୂଆଦିଲ୍ଲୀ : ଭାରତରେ କରୋନା ସଂକ୍ରମଣକୁ ରୋକିବା ପାଇଁ କେନ୍ଦ୍ର ସରକାର ଓ ରାଜ୍ୟ ସରକାରମାନେ ବିଭିନ୍ନ ପଦକ୍ଷେପ ଗ୍ରହଣ କରୁଛନ୍ତି । ଏହା ଫଳରେ ଭାରତରେ କରୋନା ଭାଇରସ ସଂକ୍ରମଣ ସଂଖ୍ୟା ସୀମିତ ରହିପାରିଛି । ତେବେ ଆଗକୁ ଯେପରି ସ୍ଥିତି ନିୟନ୍ତ୍ରଣରେ ରହିବ ସେଥିପାଇଁ କେନ୍ଦ୍ର ସରକାର କେତେକ ନୂଆ ପଦକ୍ଷେପ ଗ୍ରହଣ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ବୟସ୍କ ଲୋକଙ୍କ ପ୍ରତି କରୋନା ଭାଇରସ ସଂକ୍ରମଣରୁ ସର୍ବାଧିକ ବିପଦର ଆଶଙ୍କା ରହିଛି ବୋଲି ଇତି ମଧ୍ୟରେ ପ୍ରମାଣିତ ହୋଇସାରିଛି । ଏଣୁ ଦେଶର ବୟସ୍କ ଲୋକମାନେ ଯେପରି କରୋନା ଦାଉରୁ ସୁରକ୍ଷିତ ରହିପାରିବେ ସେଥିପାଇଁ ସରକାର କେତେକ ଗାଇଡଲାଇନ ଜାରି କରିଛନ୍ତି । ଏହି ଗାଇଡଲାଇନ ଅନୁସାରେ ବିଭିନ୍ନ ବୃଦ୍ଧାଶ୍ରମରେ ରହୁଥବା ବୟସ୍କ ଲୋକମାନଙ୍କ ସୁରକ୍ଷା ଉପରେ ଗୁରୁତ୍ୱ ଦିଆଯିବ । ସ୍ୱାସ୍ଥ୍ୟଗତ ସମସ୍ୟା ଥିବା ବୟସ୍କ ଲୋକମାନଙ୍କ ସ୍ୱାସ୍ଥ୍ୟାବସ୍ଥା ଉପରେ ତୁରନ୍ତ ନଜର ଦିଆଯିବ । ସେହିପରି ବୃଦ୍ଧାଶ୍ରମ ଅନ୍ତେବାସୀମାନଙ୍କର ନିୟମିତ ସ୍ୱାସ୍ଥ୍ୟପରୀକ୍ଷା, ତାପମାତ୍ରା ପରୀକ୍ଷା କରାଯିବ । ଜ୍ୱର, ଥଣ୍ଡା ଆଦି ଥିଲେ ତୁରନ୍ତ ଚିକିତ୍ସା ବ୍ୟବସ୍ଥା କରାଯିବ । ଆଶ୍ରମଗୁଡ଼ିକରେ ପରିଚ୍ଛନ୍ନତା ରକ୍ଷା ଉପରେ ଗୁରୁତ୍ୱ ଦିଆଯିବ । ଏହି ଗାଇଡଲାଇନ ପାଳନ ଯେପରି ହୋଇପାରିବ ସେଥପାଇଁ କେନ୍ଦ୍ର ସାମାଜିକ ନ୍ୟାୟ ଓ ସଶକ୍ତିକରଣ ମନ୍ତ୍ରାଳୟ ପକ୍ଷରୁ ୧୭ଟି ଏନଜିଓ, ଆଞ୍ଚଳିକ ସମ୍ବଳ ତାଲିମ କେନ୍ଦ୍ର , ବୃଦ୍ଧାଶ୍ରମଗୁଡ଼ିକୁ କୁହାଯାଇଛି ।