ଚୀନର ଚାଲବାଜି : ଗୋଟିଏ ପଟେ ଆଲୋଚନା ଚାଲିଛି, ଅନ୍ୟପଟେ ପାଙ୍ଗୋଙ୍ଗ୍ ହ୍ରଦରେ ଲଢୁଆ ବୋଟ୍ ମୁତୟନ କଲା
ନୂଆଦିଲ୍ଲୀ : ପୁଣି ଧରାପଡ଼ିଯାଇଛି ଚୀନର ଚାଲବାଜି । ପୂର୍ବ ଲଦାଖରୁ ସେନା ପ୍ରତ୍ୟାହାର ପାଇଁ ଭାରତ ସହ କଥାବାର୍ତ୍ତା ଚାଲିଥିବାବେଳେ ଚୀନ ପାଙ୍ଗୋଙ୍ଗ୍ ହ୍ରଦ ନିକଟରେ ଲଢୁଆ ବୋଟ୍ ମୁତୟନ କରିଛି । ଚୀନର ଏହି ପଦକ୍ଷେପ ଉତ୍ତେଜନାକୁ ପୁଣି ବଢାଇବାର ଆଶଙ୍କା ରହିଛି ।
Sambad is now on WhatsApp
Join and get latest news updates delivered to you via WhatsApp
ସେନା ସୁତ୍ରରୁ ମିଳିଥିବା ସୂଚନା ଅନୁସାରେ ପାଙ୍ଗୋଙ୍ଗ୍ ହ୍ରଦରେ ଚୀନର ପିଏଲଏ ୬ଟି ଟାଇପ୍ ୯୨୮ଡି ଆସଲ୍ଟ ବୋଟ୍ ମୁତୟନ କରିଛି । ଗୋଟିଏ ବୋଟରେ ୧୦ ଜଣ ସୈନ୍ୟ ନିଜ ନିଜ ଅସ୍ତ୍ରଶସ୍ତ୍ର ସହ ବସିପାରିବେ । ଚୀନର ଏହି ପଦକ୍ଷେପ ପରେ ଭାରତୀୟ ସେନାର ଚିନ୍ତା ବଢିଯାଇଛି ।
ଚୀନ ଓ ଭାରତ ମଧ୍ୟରେ ହୋଇଥିବା ବୁଝାମଣା ଅନୁସାରେ ଉଭୟ ଦେଶ ପ୍ରକୃତ ନିୟନ୍ତ୍ରଣ ରେଖା ନିକଟରୁ ସୈନ୍ୟ ପ୍ରତ୍ୟାହାର କରିବାକୁ ରାଜି ହୋଇଛନ୍ତି । କିନ୍ତୁ ଚୀନର ଏହି ପଦକ୍ଷେପ ପରେ ଏହି ବୁଝାମଣା ଉପରେ କେତେକ ଭରସା କରାଯାଇପାରିବ, ତାହାକୁ ନେଇ ଭାରତ ସନ୍ଦିହାନ ହୋଇପଡ଼ିଛି ।
ଅନ୍ୟପକ୍ଷରେ ଚୀନ ନିଜ ପାଖରେ ଥିବା ସ୍ବୀଡେନ ନିର୍ମିତ ସିବି-୯୦ ଆଲଲ୍ଟ ବୋଟକୁ ମଧ୍ୟ ମୁତୟନ କରିବାର ଆଶଙ୍କା ରହିଛି । ଗୋଟିଏ ବୋଟରେ ୩ ଜଣ କର୍ମଚାରୀ ଓ ୨୦ ଜଣ ସୈନ୍ୟ ବସିପାରିବେ ।