ଯଦି ମନେରହୁନି ଚ୍ୟବନପ୍ରାସ ଖାଅ: ଶାହା ଓ ଯୋଗୀଙ୍କୁ ଏଭଳି କହିଲେ କଂଗ୍ରେସ ନେତା

ନୂଆଦିଲ୍ଲୀ: ଯଦି ମନେରହୁନି ଚ୍ୟବନପ୍ରାସ ଖାଅ | କେନ୍ଦ୍ର ଗୃହମନ୍ତ୍ରୀ ଅମିତ ଶାହା ଓ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ଏଭଳି କହିଲେ କଂଗ୍ରେସ ନେତା | ଜମ୍ମୁ କାଶ୍ମୀରରେ ନ୍ୟାସନାଲ କନ୍ଫରେନ୍ସ ତଥା କଂଗ୍ରେସ ମିଳିତ ମଞ୍ଚ ଉପରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହା ଏବଂ ଯୋଗୀ ଆଦିତ୍ୟନାଥ ଦେଇଥିବା ବିବୃତ୍ତିକୁ ନେଇ କଂଗ୍ରେସର ବରିଷ୍ଠ ନେତା ତଥା ରାଜ୍ୟସଭା ସାଂସଦ ପ୍ରମୋଦ ତିୱାରୀ ଏଭଳି କହିଛନ୍ତି। କଂଗ୍ରେସ ସାଂସଦ ପ୍ରମୋଦ ତିୱାରୀ ବିଜେପି ନେତାଙ୍କୁ ସମାଲୋଚନା କରି କହିଥିଲେ ଯେ ସେମାନଙ୍କର ସ୍ମରଣଶକ୍ତି ଦୁର୍ବଳ ହୋଇଯାଇଛି, ତେଣୁ ସେମାନେ ଚ୍ୟବନପ୍ରାସ ଖାଇବା ଉଚିତ୍ | ରାଜ୍ୟସଭା ସାଂସଦ ପ୍ରମୋଦ ତିୱାରୀ କହିଛନ୍ତି ଯେ କଂଗ୍ରେସକୁ ଦୋଷ ଦେବା ପୂର୍ବରୁ ବିଜେପି ନିଜ ଭିତରେ ଦେଖିବା ଉଚିତ୍। ସେ କହିଛନ୍ତି ଯେ ଫାରୁକ୍ ଅବଦୁଲ୍ଲା ଏବଂ ଓମାର ଅବଦୁଲ୍ଲା ଅଟଳ ବିହାରୀ ବାଜପେୟୀଙ୍କ ସରକାରରେ ମନ୍ତ୍ରୀ ହୋଇଥିଲେ। ସେହି ସମୟରେ ଜମ୍ମୁକଶ୍ମୀରରେ ଦୁଇଟି ପତାକା ଏବଂ ଦୁଇଟି ନିୟମ ନଥିଲା କି ନାହିଁ ବିଜେପି କହିବା ଉଚିତ୍। ସେ କହିଛନ୍ତି ଯେ ମେହବୁବା ମୁଫତିଙ୍କ ସହ ବିଜେପି ମଧ୍ୟ ସରକାର ଗଠନ କରିଛି, ସେତେବେଳେ ମଧ୍ୟ ଦୁଇଟି ପତାକା ଏବଂ ସମ୍ବିଧାନ ରହିଥିଲା ​​କିନ୍ତୁ ଏହାକୁ ବିଜେପି ସମର୍ଥନ କରିଥିଲା।

ଏହା ସହିତ କଂଗ୍ରେସ ନେତା ପ୍ରମୋଦ ତିୱାରୀ ଅଭିଯୋଗ କରିଛନ୍ତି ଯେ ଉତ୍ତର-ପୂର୍ବ ରାଜ୍ୟ ଏବଂ ଅନ୍ୟାନ୍ୟ ରାଜ୍ୟରେ ମଧ୍ୟ ବିଜେପି ଏଭଳି ମେଣ୍ଟ କରିଛି। ବିଜେପି ଭାରତର ସମ୍ବିଧାନ ଏବଂ ସାର୍ବଭୌମତ୍ୱ ଉପରେ ବିଶ୍ୱାସ କରନ୍ତି ନାହିଁ। ସେ କହିଛନ୍ତି ଯେ ସମ୍ବିଧାନର ସୁରକ୍ଷା ପାଇଁ କଂଗ୍ରେସ ଲୋକ ନିଜ ଜୀବନକୁ ଉତ୍ସର୍ଗ କରିବେ, କିନ୍ତୁ ବାବା ସାହେବ ଭୀମରାଓ ଆମ୍ବେଦକରଙ୍କ ସମ୍ବିଧାନ ପରିବର୍ତ୍ତନ କରିବାକୁ ଦେବେ ନାହିଁ। ସେ କହିଛନ୍ତି ଯେ ସମ୍ବିଧାନର ସୁରକ୍ଷା କରିବାକୁ ଚାହୁଁଥିବା ବ୍ୟକ୍ତିଙ୍କ ସହ କଂଗ୍ରେସ ପାର୍ଟି ଛିଡା ହୋଇଛି। ବାସ୍ତବରେ ଗତକାଲି ଅମିତ ଶାହା କହିଥିଲେ ଯେ କ୍ଷମତା ଲୋଭରେ ବାରମ୍ବାର ଦେଶର ଏକତା ଓ ନିରାପତ୍ତା ସହ ଖେଳୁଥିବା କଂଗ୍ରେସ ଦଳ ଜମ୍ମୁ-କଶ୍ମୀର ନିର୍ବାଚନରେ ଅବଦୁଲ୍ଲା ପରିବାରର ନ୍ୟାସନାଲ କନଫରେନ୍ସ ସହ ମେଣ୍ଟ କରି ପୁଣି ଥରେ ନିଜ ଉଦ୍ଦେଶ୍ୟକୁ ଦେଶ ସାମ୍ନାରେ ରଖିଛି।

ଶାହା ପ୍ରଶ୍ନ କରିଥିଲେ ଯେ ଧାରା ୩୭୦ ଏବଂ ଧାରା ୩୫ଏ ଫେରାଇ ଆଣି ଜମ୍ମୁ-କଶ୍ମୀରକୁ ପୁଣି ଅଶାନ୍ତି ଓ ଆତଙ୍କବାଦର ଯୁଗକୁ ଠେଲିଦେବା ପାଇଁ ନ୍ୟାସନାଲ କନଫରେନ୍ସର ନିଷ୍ପତ୍ତିକୁ ରାହୁଲ ଗାନ୍ଧୀ ଏବଂ କଂଗ୍ରେସ ଦଳ ସମର୍ଥନ କରୁଛନ୍ତି କି?